2 KORINHTU 5:11 - Jinghpaw Common Language Bible 2009

¹¹ Anhte gaw dai Madu hpe hkrit kang ai ngu ai hpa rai nga ai hpe chye ga ai majaw kaga masha ni hpe lau la lu na matu shakut shaja ga ai. Karai Kasang anhte a lam akri akrai chye nga ai, nanhte mung nanhte a myit masin ni hta nye a lam atsawm sha chye nga myit dai ngu nna ngai myit mada nga nngai.

Jinghpaw Hanson Version Bible

¹¹ Dai rai nna, dai Madu a hkrit kang hpa hpe chye ga ai majaw, anhte masha ni hpe madun shadik nga ga ai; Karai Kasang a man e chyawm gaw, anhte dan dan leng leng rai nga ga ai; nanhte a myit masin a man e mung, anhte dan leng nga ga ai, ngai nawn nga nngai.

2 KORINHTU 5:11 ပူးပေါင်းရင်းမြစ်များ

NINGPAWT NINGHPANG 35:5

Yaku hte shi a shadang sha ni pru wa hkyen nga yang, hkrit hpa kaba gaw grup yin na mare masha ni a ntsa e, du pru wa ai majaw, dai masha ni shanhte hpe n hkan shachyut ma ai.

YOBA 18:11

Shanhte a grup grup mahkra hta hkrit hpa lam ala nga ai; dai gaw shanhte a lahkam shagu hta hkan nang nga ai.

YOBA 31:23

Karai Kasang a ari hpe ngai hkrit ai majaw, dai zawn re ai amu ngai galoi mung galaw lu nngai n rai.

YOBA 6:4

Chyahtum Chyalai N-gun Rawng Ai Karai Kasang gaw ngai hpe pala ni hte gap jung nna, dai ni a agung gaw nye a hkum kata de tsim shang wa ai. Karai Kasang gaw ngai hpe ninghkap na matu hkrit hpa lam ni hpe dingren da nu ai.

SHAKAWN KUNGDAWN 73:19

Shanhte gaw shaloi jang, jahten shabyak kau ai hkrum nga ma ai; shanhte a hpang jahtum na lam gaw hkrithpa shara rai nga ai.

SHAKAWN KUNGDAWN 76:7

Rai ti mung, Madu e, nang hpe masha yawng hte wa, hkrit kamyin nga ma ai. Nang masin pawt ai shaloi kadai mung na a man e, n lu rawt tsap nga ma ai.

SHAKAWN KUNGDAWN 90:11

Na a n-gun hte hpring ai pawt sindawng ai hpe kadai wa hkam sha yu nga a ni? na a ja la ai masin kahtet ai lam gaw kade daram hkrit kahpra shangun nga ai hpe kadai wa chye ya lu nga a ni?

ESAIA 19:16

Egutu masha ni gaw numsha ni zawn hkrit kaya agam wa ai aten du wa nga ai. Shanhte gaw dai Madu shanhte hpe ari jaw na matu shi a lata ladawn da nu ai hpe mu ai shaloi hkrit kajawng ai hte gari mat na mara ai.

ESAIA 33:14

Yubak kap ai Ziun a amyu masha ni gaw hkrit gari nga ma ai. Shanhte gaw, “Karai Kasang a tara jeyang ai gaw htani htana agrung nga ai wan zawn rai nga ai. Anhte hta na kadai wa dai zawn re ai wan hta asak hkrung lu nga a ta?,” ngu nna tsun ma ai.

NAHUM 1:6

Shi pawt sindawng ai shaloi, kadai hkrung nga lu a ta? Shi a hkrithpa masin kahtet ai a majaw, kadai hkrung lu nga a ta? Shi gaw agrung nga ai shi masin kahtet ai hpe ru bun nga ai; shi a man e, lunghkrung ni ga nhpu zawn agrawp mani mat nga ai.

MAHTE 10:28

Nanhte a hkum hkrang hpe sha sat kau nna Wenyi hpe n sat kau lu ai ni hpe hkum hkrit mu: Wenyi hte hpawn hkum hkrang hpe ngarai mung hta e jahten kau lu ai wa hpe grau nna hkrit nga mu.

MAHTE 25:46

Dai majaw shanhte gaw, n htum n wai ari de shang wa na maru ai, rai ti mung ding hpring ai ni mahtang n htum n wai asak de shang lu na mara ai,” ngu wu ai

LUKA 12:5

Kadai hpe sha hkrit mai ai gaw, ngai nanhte hpe madun dan made ga. Masha hpe sat kau ngut jang, ngarai kata de jahkrat kau na ahkang lu ai Karai Kasang hpe chyawm gaw hkrit nga mu, ngai tsun ai hpe kam mu, shi gaw nanhte hkrit ra ai wa nan rai nga ai!

LUKA 16:31

Rai ti mung Abraham gaw, ‘Mawshe hte myihtoi ni a ga shanhte n madat ma yang gaw, si ai ni hta na langai mi bai hkrung rawt wa timung, shanhte madat kam na ma ai n rai,’ ngu nna tsun wu ai,” nga nna Yesu tsun sharin shaga ai.

KASA 13:43

Ya tara jawng na shawa masha ni zuphpawng bra mat wa ai hpang Yuda masha ni law law Proselutu ni ngu ai Yuda nawku hkan ai maigan masha ni law law wa Pawlu yan Barnaba kaw hkan nang ma ai. Kasa ni mung dai masha ni hpe Karai Kasang a chyeju hta asak hkrung grin nga na matu n-gun jaw shadum jahprang mu ai.

KASA 18:13

Shanhte gaw, “Ndai wa jep ai tara hpe nhtan shai ai hku Karai Kasang hpe nawku na matu, masha ni hpe woi gunglau nga ai,” nga nna mara shagun mu ai.

KASA 18:4

Bansa Nhtoi shagu tara jawng hta Yuda masha ni hpe mung, Grik masha ni hpe mung kam sham wa hkra dai mungga lam ni woi bawng ban tsun sang lang dan nga ai.

KASA 19:26

Rai ti mung ya ndai Pawlu ngu ai wa gaw Ehpesu mare e sha n rai sa, ganoi Asi mung ting ngu na wa masha lata hte galaw ai karai ni gaw Karai Kasang n re nga nna masha law law hpe gunglau ai hte myit shayit kau ya manu ai gaw, nanhte nan mu lu na lu nga myit dai.

KASA 26:26

Hkawhkam Agripa e ndai amu lam ni hpe nang chye nga ndai majaw, na a man e ngai nden ja ai hte tsun dan nngai. Dai amu lam gaw shingjut shingnaw hkan e sha byin ai n re ai majaw dai byin mabyin hpe hkawhkam wa nang n chye ai mi n nga na re ngu nna ngai kam nga nngai.

KASA 28:23

Shing rai, shanhte gaw shi hte hkrum chyai na nhtoi madat da nhtawm, dai nhtoi du jang shi manam nga ai shara de masha law law wa sa hpawng nga ma ai. Pawlu gaw, jahpawt kaw nna shana de du hkra Karai Kasang a mungdan hte seng ai shi a mungga hpe Mawshe a tara hte myihtoi ni a ga hku hkan nna Yesu hpe shanhte chye na kam sham wa hkra hkaw tsun sakse hkam shakut nga ai.

2 KORINHTU 2:17

Anhte gaw kaga masha law law ni zawn, Karai Kasang a mungga hpe manu hpa ai gun rai hpe zawn dut mari ai lam n galaw ga ai. Rai ti mung anhte gaw Karai Kasang e shangun dat ai ni rai nna, Hkristu a shangun ma ni hku nna Karai Kasang a man e dai mungga hpe teng man san seng ai myit hte hkaw tsun ga ai.

2 KORINHTU 5:20

Dai rai nna anhte gaw Hkristu a lam htinglet ya ai kasa ni tai let, Karai Kasang shi nan anhte a n-gup aga hku nna nanhte hpe lajin nga ai. Nanhte gaw shi hpe hpyen ai ni tai nga ai kaw nna shi a jinghku ni tai wa mu ngu, Hkristu a malai anhte hpyi nem nga ga ai.

2 KORINHTU 6:1

Nanhte gaw Karai Kasang a chyeju hkam la ai ni rai nga myit dai hte maren dai chyeju hpe lahpawt lama n di kau myit ga, anhte Karai Kasang a shingdep shingtau ni hku nna nanhte hpe hpyi lajin dat ga ai.

GALATI 1:10

Hpa majaw nga yang, ngai ning nga tsun ai gaw, masha a tau madi shadaw ai hpe lu la na matu shakut nga nngai kun? Dai hku n rai law! Ngai ra sharawng ai lam gaw Karai Kasang a myit hkrum ra sharawng ai lam sha rai nga ai. Ngai gaw masha a man e kajai gumhkawng hkra shakut nga a ni? ngai gaw masha a ra ai lam naw tam shakut nga a yang gaw, Hkristu a ali ama ngai rai na nngai n rai.

EHPESU 5:21

Nanhte a Hkristu hpe hkrit kamyin ai myit a majaw shada da a npu e ataw nga mu.

HEBRE 10:31

Hkrung nga ai Karai Kasang a lata de hkrat bang wa ai lam gaw nachying hkrithpa wa rai nga ai!

HEBRE 12:29

Hpa majaw nga yang, anhte a Karai Kasang gaw hkru jahten kau chye ai wan nan rai nga ai.

YUDA 1:23

Bai kaga nkau mi hpe wan hta na gare la ai zawn hkye hkrang la mu. Bai kaga nkau mi hpe hkrit kang ai hte matsan dum nga mu, rai ti mung shanhte hkum shan ngang kayut ai hta na matsat shabat kap nga ai hpun palawng ni hpe pyi n dawng n yawt nga mu.

SHINGRAN 20:15

Asak laika hta amying n ka da lawm ai wa kadai mung, dai wan nawng hta jahkrat bang kau ai hkrum ma ai.