2 KORINHTU 4:8 - Jinghpaw Common Language Bible 2009

⁸ Anhte gaw ya sha ya sha ru yak jam jau hkrum ga ai. rai ti mung agrawp kau hkrum ga ai n rai; kalang lang ung ang mat ga ai, rai ti mung myit htum mat ga ai n rai;

Jinghpaw Hanson Version Bible

⁸ Anhte lam shagu hta tsin-yam tsindam hkrum ga ai rai timung, ginwan n lu ga ai n rai; myit ru myit tsang hkrum ga ai rai timung, myit htum ga ai n rai;

2 KORINHTU 4:8 ပူးပေါင်းရင်းမြစ်များ

SHAKAWN KUNGDAWN 129:2

“Ngai naw kaji nga ai aten kaw nna, nye a gumlau hpyen ni ngai hpe mazut ai hku zingri nga ma ti mung, shanhte ngai hpe n dang lu ma ai.

SHAKAWN KUNGDAWN 37:33

Rai ti mung, Madu gaw shi hpe shi a gumlau hpyen wa a lata hta ap kau da na wu ai n rai; shi tara jeyang ai hkrum yang, ari jaw ai hte daw dan hkrum na n rai.

GA SHAGAWP 14:26

Dai Madu hpe hkrit hkungga ai gaw dinghku masha ni hte shi a matu, kam hpa shara hte shim lum ai lam hpe jaw ya nga ai.

GA SHAGAWP 18:10

Dai Madu gaw ngang ai langchyi zawn rai nga ai; ding hpring ai wa gaw dai shara de sa lu nna, shim nga lu ai.

ESAIA 40:31

Rai ti mung karum la na matu dai Madu hpe kam hpa ai ni gaw shanhte a n-gun atsam ningnan mu tam la na mara ai. Shanhte gaw galang ni zawn singkaw nnan ni hte pyen lung na mara ai; shanhte gaw gat ti mung hki ba na n rai; shanhte gaw hkawm ti mung n-gun kya na ma ai n rai.

HABAKU 3:17

Lagum hpun ni hta asi n si, sabyi ru ni hta asi n si, tsanlun hpun hta asi n noi, yi hkauna ni hta nai mam n shapraw, sagu ni yawng si htum nna dumsu lawng hta kaman rai mat ti mung,

YAWHAN 14:18

Ngai wa mat ai shaloi nanhte hpe jahkrai zawn ngai kau da na n rai; nanhte hpang de ngai bai sa na ring ngai.

1 KORINHTU 10:13

Nanhte hkrum hkra yu ai agung alau ni gaw, masha yawng hta byin hkrum ga ai baw sha rai nga ai. Rai ti mung Karai Kasang gaw, ga sadi dung ai Madu rai nna, nanhte hpe nanhte n hkam n jan lu ai agung alau hkrum shangun na myit dai n rai. Agung alau hkrum ai ten hta hkam jan lu ai n-gun lagaw jaw nna, dai agung alau kaw na lawt pru lu na hkat shi hpaw da ya na ra ai.

2 KORINHTU 12:10

Dai rai nna ngai gaw Hkristu a jaw e hkam ai gawng kya ai lam ni jahpoi asawng ai, kyin dut ai. zingri zingrat hkrum ai, hte yak hkak ai lam ni a majaw kabu myit dik nga nngai, hpa majaw nga yang ngai gawng kya ai shaloi ngai n-gun atsam rawng nga nngai.

2 KORINHTU 6:12

Nanhte mahtang she anhte a tsaw ra myit hpe nanhte kaw n du hkra pat da myit dai.

2 KORINHTU 6:4

Ru yak jam jau lam ni, tsin-yam tsindam ni, yak hkak lam ni hpe myit galu kaba hte hkam sharang nna anhte galaw ai lam shagu hta anhte gaw Karai Kasang a nchyang mayam ni rai nga ga ai lam she madun dan ga ai.

2 KORINHTU 7:5

Makedoni mung de anhte du sa ai shaloi pyi gaw anhte hta sim sa ai lam n lu la ga ai. Shara shagu hta ru yak tsin-yam tsindam ni, kaga masha ni hte ga li ga law ai lam ni nga nga ai. Anhte a myit kata hta mung hkrit tsang ai lam ni amyu myu hkrum ga ai.

GALATI 4:20

Ya jang nanhte hte rau nga nna, nanhte hpe ga ngwi ga pyaw hte tsun shaga lu na gade myit ndawt nga nngai hka! Ngai nanhte a matu grai myit tsang bu nga nngai.

1 SAMUELA 28:15

Samuela gaw Shawlu hpe, “Nang ngai hpe hpa majaw shatsang bu nga n ni? Nang ngai hpe hpa majaw nhtang shangun nga n ni?,” ngu nna tsun wu ai. Shawlu mung, “Ngai ru yak tsin-yam tsindam kaba hkrum nga nngai! Hpilisti masha ni ngai hpe majan gasat ma ai; Karai Kasang mung ngai hpe kau da nu ai. Shi gaw ngai hpe myihtoi hta mung, yup mang ni hta mung, ngai hpe mahtai loi mi mung n jaw mat nu ai. Dai rai nna ngai hpa galaw sa wa lu na lam, nang ngai hpe tsun dan rit ga ngu nna, ngai nang hpe shaga nngai,” ngu nna htan wu ai.

1 SAMUELA 30:6

Dawi a masha ni gaw shanhte a kashu kasha ni mat mat nna shanhte yawng ahkup ahka nga ai hte shi hpe nlung hte kabai sat na nga jahkrit sharim ma ai majaw, dai aten hta Dawi gaw ru tsang kaba hkrum sha nga wu ai; rai ti mung dai Madu shi a Karai Kasang mung shi hpe nden marai jaw ya wu ai.

1 SAMUELA 31:4

Shaloi shi gaw shi a laknak hpai ya ai shabrang wa hpe, “Na a nhtu shaw nna ngai hpe sat kau e, shaloi ndai n kam n sham ai Hpilisti masha ni ngai hpe n yu roi ai hte n sat kau lu mu ga,” ngu nna tsun wu ai. Rai ti mung, dai shabrang wa mahtang shing re ai amu galaw na matu nau wa hkrit gari da wu ai. Shawlu gaw shi a nhtu shaw la nhtawm shi hkum nan dai hta abraw si mat wu ai.