2 KORINHTU 4:4 - Jinghpaw Common Language Bible 2009

⁴ Ndai mungkan ga a n hkru n kaja ai karai wa ngu ai Nat Satan wa gaw shanhte a myit ni hpe ningsin hte ka-up shamak tawn kau ya manu ai majaw, shanhte n kam n sham ma ai. Shi gaw dai Karai Kasang a hkrang bung sumla nan rai nga ai. Hkristu a hpung shingkang a lam dai Kabu Gara Shiga kaw na pru ai nhtoi hpe n mu lu shangun mu ai.

Jinghpaw Hanson Version Bible

⁴ Karai Kasang a hkrang bung sumla ngu ai, Hkristu a hpung shingkang rawng ai kabu gara shiga a nhtoi gaw, n kam n sham ai ni hta n htoi tu u ga she, ndai mungkan ga na Hpara gaw, shanhte a myit mang ai hku shakyaw shamak kau ya manu ai.

2 KORINHTU 4:4 ပူးပေါင်းရင်းမြစ်များ

1 HKAWHKAM 22:22

Dai Madu gaw, ‘Kaning rai alau na law?,’ ngu nna bai san wu ai. Dai wenyi gaw, ‘Ngai sa nhtawm Ahab a myihtoi ni yawng hpe masu ga tsun shangun na we ai,’ ngu nna tsun htang wu ai. Dai Madu gaw, ‘Rai sa, shi hpe sa alau yu su; nang awng dang lu na ndai,’” ngu nna tsun wu ai.

SHAKAWN KUNGDAWN 50:2

Karai Kasang gaw shi a hkum tsup tsawm htap nga ai Ziun mare kaw nna, nhtoi shatu dat wu ai.

ESAIA 6:10

Dai hpang shi gaw ngai hpe, “Ndai amyu masha ni a myit masin ni hpe shamak kau ya u, shanhte a na ni lahpang kau ya u, shanhte a myi ni hpe amam kau ya u, shaloi shanhte n mu lu, n na lu ai hte n chye na lu na ma ai. Shanhte dai hku byin mat ai rai yang, shanhte gaw ngai kaw kayin wa nhtawm shamai shatsai ai hkrum na rai ma ai,” ngu nna tsun ai.

MAHTE 13:22

Ju hpun hta hkrat ai nli tum ni gaw, dai ga hpe na la ti mung, ndai prat na myit tsang ai hte sut gan marin myit gaw, dai mungga hpe lim kau nna asi n si lu ai hte bung nga ma ai.

YAWHAN 1:14

Mungga gaw shinggyim hkum hkrang dagraw la nna, chyeju hte teng man ai hpring let anhte hta nga nga yu sai. Anhte gaw shi a hpung shingkang hpe mu lu sagaw ai. Dai hpung shingkang gaw Kawa Karai Kasang a Kasha shingtai ngu ai hpe shi hkam la lu ai lam rai nga ai.

YAWHAN 1:18

Karai Kasang hpe gade e mung, galoi mung n mu yu ai. Kawa Karai Kasang a makau e nga nga ai, Karai Kasang rai nga ai Kasha shingtai chyu sha shi hpe shadan dan nu ai.

YAWHAN 12:31

Ndai mungkan ga gaw, ya jang pyi tara jeyang ai hkrum, nga sai. Ya ndai mungkan up ai Duwa gaw shinggan de kabai kau ai hkrum na rai sai.

YAWHAN 12:35

Yesu gaw, “Dai nhtoi gaw nanhte hta loi hkring mi sha nga nga na sai; dai nsin gaw nanhte hpe garai n ka-up lep myit ga, nanhte hta nhtoi naw nga nga yang, matut nna hkawm sa mu, hpa majaw nga yang, nsin hta hkawm sa ai wa gaw, tinang gade sa wa nga ai mung, n chye wu ai.

YAWHAN 12:40

Karai Kasang gaw, shanhte a myi hpe magap kau ya nna, myit masin ni hpe mung shaja kau ya wu ai, nga ai ga hte maren shanhte n kam n sham lu ma ai.

YAWHAN 12:45

“Ngai hpe mada mu ai wa gaw, ngai e shangun dat ai wa hpe mung mada mu ai rai nga ai.

YAWHAN 14:30

Ya kaw nna ngai nanhte hte ga law law n tsun lu na ni ai; hpa majaw nga yang, mungkan ga a du wa gaw du magang ra ai; dai wa chyawm gaw nye a ntsa e hpa ahkang mung n lu na wu ai.

YAWHAN 15:24

Masha kadai n di lu ai amu ni hpe, ngai shanhte hta n galaw dan yu nngai rai taw gaw, shanhte mara lu na n rai ma ai; ya chyawm gaw, shanhte ngai galaw ai amu ni hpe mu lu masai rai nna, ngai hpe mung, nye Wa hpe mung n dawng n yawt rai masai.

YAWHAN 16:11

Mungkan ga hpe up ai wa gaw tara dawdan ai hkrum sai majaw, shanhte gaw tara dawdan ai lam hte seng nna shut nga ma ai.

YAWHAN 8:12

Yesu shanhte hpe bai tsun mu ai gaw, “Ngai gaw mungkan ga a nhtoi rai nga nngai. Nye a hpang hkan nang ai wa gaw asak a nhtoi hpe lu la na ra ai rai nna nsin hta galoi mung n hkawm n sa na ra ai,” ngu mu ai.

KASA 26:18

Ngai hpe kam sham ai a marang e shanhte yubak mara ni raw dat kau ai hkrum nna Karai Kasang a lata la ai amyu hta lawm lu mu ga, n sin kata nna nhtoi de, Satan a atsam kata nna Karai Kasang hpang de shanhte kayin wa lu hkra nang shanhte a myi jahpaw ya na rai ndai,’ nga nna ngai hpe tsun nngai.

KASA 26:23

Meshia gaw nni nkri hkrum lu na hte si ai ni kaw na shawng hkrung rawt wa nna, Israela amyu masha ni hte maigan masha ni hpe hkye hkrang la ai nhtoi hkaw tsun shana ya na ra ai ngu ai lam myihtoi ni hte Mawshe hkaw tsun lai wa sai hte maren byin wa na ra ai ngu ai lam rai nga ai,” ngu wu ai.

1 KORINHTU 10:20

Dai hku ngai n tsun mayu nngai. Maigan tawn hkungri kaw nawng jau ai hkungga gaw, Karai Kasang hpe nawng jau ai n rai, nat ni hpe nawng jau nga ma ai, ngu nna ngai tsun mayu nngai. Ngai gaw nanhte hpe nat ni hte kanawn mazum nga ai ni n tai shangun mayu nngai.

2 KORINHTU 2:11

Ngai ndai hku galaw ai gaw, Satan wa anhte hpe shawng n nyan sha kau u ga, galaw ai re. Hpa majaw nga yang Satan wa a hpaji daw ai lam hpe anhte n chye ga ai n rai.

2 KORINHTU 2:12

Hkristu a Kabu Gara Shiga hkaw tsun na matu Troa mare de ngai sa du ai shaloi, dai shara kaw magam gun lu n ga, nye a matu Madu chyinghka hpaw da ya nga ai.

2 KORINHTU 3:11

Jahkring mi sha grin nga chye ai magam amu pyi hpung shingkang rawng nga ai rai yang gaw agrin nga ai magam amu hta e gade wa grau nna hpung shingkang rawng nga na n rai hka!

2 KORINHTU 3:14

Israela amyu masha ni a myit masin ni gaw kaja wa pat shinggang da nga malu ai. Dai ni du hkra pyi gaw ga shaka dingsa laika ni hpe hti ai ten shagu shanhte a myit masin ni hpe man magap dai hte naw magap htinggrum nga malu ai. Masha langai mi gaw Hkristu hta asak hkrung ai shaloi she dai man magap hpe gun kau lu nga ai.

2 KORINHTU 3:18

Dai rai nna anhte yawng gaw man magap hpaw kau sai myi man ni hte dai Madu a hpung shingkang a shingna hpe bai nhtang htawng madun nga ga ai. Dai hpung shingkang nan wenyi ngu ai Madu kaw na du sa nna Madu hte grau grau bung jat wa ai hpung shingkang maga de anhte hpe galai shai wa shangun mi ai.

2 KORINHTU 4:6

Yesu Hkristu a myi man hta htoi tu ai hpung shingkang a lam nanhte chye chyang u ga, anhte a myit masin hta nhtoi jahtoi ya ai Karai Kasang gaw, “Nsin hta na nhtoi htoi na ra ai,” nga nna tsun ai Karai Kasang shi nan rai nga ai.

GALATI 1:4

Ndai ya na n hkru n kaja ai prat kaw na mawai la u ga, anhte a Kawa Karai Kasang myit ra ai hte maren madat mara let anhte a yubak mara a matu mara Hkristu gaw shi hkum hpe nan ap ya kau nu ai.

EHPESU 2:2

Dai ten hta nanhte gaw mungkan a n hkru n kaja ai lam hta hkan sa nna lamu ganghkau hpe up ai wenyi numla hte seng ai n- gun atsam a npu e taw nga myit dai. Karai Kasang hpe n madat n mara ai ni gaw, ya ten hta dai wenyi numla a hkang ai kata hta nga nga ma ai.

EHPESU 6:12

Hpa majaw nga yang, anhte shinggyim masha ni hte gasat hkat nga ai n rai; sumsing lamu lahta tang e nga ai n hkru n hkra ai nat luksuk ni hte mung, ndai sin mak ai mungkan hpe up hkang nga ai du ni, ahkang aya lu ai ni hte gasat gala hkat nga ga ai.

HPILIPI 2:6

Shi gaw galoi mung Karai gawng shingyan hte, nga pra nga timung, Karai Kasang hte maren rai taw nga na, ma ja e magra noi nga na n myit wu ai.

KOLOSE 1:15

Hkristu gaw myi hte n mu lu ai Karai Kasang hpe madun ai myi hte mu lu ai hkrang bung sumla rai nga ai. Shi gaw Kasha alat rai nna hpan da ai arai yawng mayawng hta ningtawn ai wa rai nga ai.

KOLOSE 1:27

Karai Kasang a shatawng shada ai lam gaw, masha amyu baw shagu a matu hpung shingkang rawng nna mauhpa hte sung htum ai mungga a lam shi a amyu masha ni hpe shadan dan na lam rai nga ai. Dai sung htum ai mungga gaw, Hkristu nan nanhte a kraw lawang hta shanu nga ai lam rai nga ai; lam mi hku tsun ga nga yang, nanhte gaw Karai Kasang hte rau dai hpung shingkang hpe hkam la lu na lam rai nga ai.

1 TIMOHTI 1:11

Dai sharin shaga ai lam gaw, hpung shingkang rawng nna a lu ai Karai Kasang kaw na Kabu Gara Shiga hte maren rai nga ai. Dai Kabu Gara Shiga hpe tsun ndau na matu Karai Kasang gaw ngai hpe ap da ni ai.

TITU 2:13

sari sadang hte si si rai nga na lam, ding hpring nna tara hkungga ai asak hkrung lam hte ndai mungkan hta nga pra na matu mung, dai chyeju tara gaw anhte hpe sharin ya nga ai.

HEBRE 1:3

Shi gaw Karai Kasang a hpung shingkang ningja shapraw nna, Karai Kasang shi nan a gawng shingyan hkrang sumla hpe dagraw ai hte mungkan jan shata shagan nga yawng danghta hpe shi a hpung shingkang rawng ai mungga atsam hte bau sin da nga ai. Shi gaw shinggyim masha ni a yubak mara ni hpe raw dat jasan jaseng ai lam galaw ngut ai hpang, sumsing lamu e daru magam n-gun atsam rawng ai Karai Kasang a hkra maga de dung nga ai.

HEBRE 6:4

Hpa majaw nga yang, dai makam masham kaw na htak mat wa sai ni hpe myit malai kalang mi bai lu shangun na lam kaning rai mai byin na kun? Shanhte gaw Karai Kasang a nhtoi hta kalang mi nga yu sai rai nna sumsing na chyeju kumhpa hpe chyim yu sai hte dai Chyoi Pra ai Wenyi hpe jawm hkam la yu sai ni rai ma ai.

2 PETRU 1:19

Dai re ai majaw anhte gaw myihtoi ni htawn tsun ai shingran mungga hpe grau nna myit mu myit hkut lu saga ai. Nanhte dai mungga hpe atsawm sha madat mara nga mu; hpa majaw nga yang, dai gaw nanhte a myit masin ni hta htoi leng wa nna, nhtoi gintawng pru wa ai aten du hkra, nsin sin ai shara hta htoi tu nga ai pyengdin zawn rai nga ai.

1 YAWHAN 2:11

Rai ti mung shi a kahpu kanau wa hpe n ju n dawng ai wa chyawm gaw, dai nsin hta e nga nga ai rai nna, dai nsin hta hkawm sa nga ai majaw shi gara de sa wa nga ai hpe n chye wu ai, hpa majaw nga yang dai nsin gaw shi a myi hpe shakyaw kau ya wu ai.

1 YAWHAN 2:8

Rai ti mung ngai ya nanhte hpang de ka dat ai hkang da ai ga gaw lam mi hku nna ningnan rai nga ai; shing rai ningnan re ai lam teng nga ai hpe Hkristu a asak hkrung lam hta mung, nanhte a mahkrum madup lam ni hta mung, mu lu nga ai. Hpa majaw nga yang, ndai nsin gaw hkoi mat wa nna dai teng man ai nhtoi gaw ya e pyi htoi tu nga ai.

1 YAWHAN 5:19

Mungkan ting gaw n hkru ai wa a up hkang ai a kata e rai nga ai, rai ti mung anhte gaw Karai Kasang hte seng ai rai nga ga ai hpe anhte chye ga ai.