2 KORINHTU 4:18 - Jinghpaw Common Language Bible 2009

¹⁸ Anhte gaw myi hte mu lu ai arai ni hpe yu azi majen nga ga ai n re ai sha, myi hte n mu lu ai arai ni hpe she yu azi majen nga ga ai. Hpa majaw nga yang, myi hte mu lu ai arai gaw jahkring jahkra sha nga nna, myit hte n mu lu ai arai mahtang gaw htani htana agrin nga ai.

Jinghpaw Hanson Version Bible

¹⁸ ya e sha hkrum ai atsang sha rai nga ai tsin-yam tsindam gaw, nachying kaba li la ai htani htana hpung shingkang hpe anhte a matu mara a shachyen nga ai.

2 KORINHTU 4:18 ပူးပေါင်းရင်းမြစ်များ

MAHTE 25:46

Dai majaw shanhte gaw, n htum n wai ari de shang wa na maru ai, rai ti mung ding hpring ai ni mahtang n htum n wai asak de shang lu na mara ai,” ngu wu ai

2 KORINHTU 5:7

Hpa majaw nga yang, anhte a asak hkrung ai lam gaw myi hte mu lu ai hta n re ai sha makam masham hta she asak hkrung nga ga ai.

2 HTESALONI 2:16

Anhte a Madu Yesu Hkristu shi nan hte anhte hpe tsaw ra nna shi a chyeju hte anhte hpe htani htana grin ai nden marai hte ngang kang ai myit mada shara jaw ai Wa Karai Kasang gaw,

HEBRE 11:1

Makam masham ngu ai gaw anhte myit mada nga ai arai ni kaja wa byin na re ngu ai lam hpe myit mu myit hkut nga ai hte, garai n mu lu ai arai ni gaw kaja wa nga nga ai ngu nna chye na hkap la ai hpe ngu ai rai nga ai.

HEBRE 11:13

Ndai masha ni yawng gaw dai makam masham hta si wa masai. Shanhte gaw Karai Kasang jaw da ai ga sadi hte seng ai sali wunli hpe n hkam la lu ma ai, rai ti mung shanhte hpe tsan tsan kaw nna mu mada ai hte hkap tau hkalum la ma ai. Shanhte gaw ndai ga ntsa e chyasam hte malet nhprang shingbyi manam sha tai nga ma ai hpe asan sha yin la ma ai.

HEBRE 9:11

Rai ti mung Hkristu gaw ya anhte hkam sha lu nga sai ngamu ngamai lam a Hkinjawng Agyi Kaba hku nna du sa nga sai. Shi daw jau amu galaw ai sum gaw lata hte n galaw da ai rai nna, ndai hpan tawn da ai mungkan ga hte n seng ai grau kaba nna hkum tsup re ai nawku sum rai nga ai.

1 YAWHAN 2:25

Ndai gaw Hkristu nan anhte hpe ga ndat jaw da ai htani htana asak hpe lu la ai lam rai nga ai.