2 KORINHTU 4:17 - Jinghpaw Common Language Bible 2009

¹⁷ Bai anhte jahkring jahkra hkrum hkra nga ai tsin-yam tsindam kaji kajaw mahtang gaw anhte hpe ruyak jam jau hta grau kaba ai hte htani htana re hpung shingkang hpe hkam la shangun na ra ai.

Jinghpaw Hanson Version Bible

¹⁷ Kaning rai nme law, dandawng nga ai arai ni gaw ndai aprat na sha, n dan n dawng nga ai arai ni gaw htani htana na arai rai nga ai majaw, dandawng nga ai arai ni hpe anhte n tau yu ai sha, n dan n dawng ai arai ni hpe tau yu let,

2 KORINHTU 4:17 ပူးပေါင်းရင်းမြစ်များ

NINGPAWT NINGHPANG 15:1

Dai hpang Abram gaw shingran langai mu ai hte dai Madu gaw shi hpe, “Abram e, hkum hkrit et, hkrit hpa shara kaw na nang hpe ngai makawp la nna nang hpe kumhpa kaba jaw na we ai,” ngu nna tsun ai ga hpe na wu ai.

SHAKAWN KUNGDAWN 119:67

Nang ngai hpe ari garai n jaw yang pyi, ngai gaw lam dam mat mat rai nngai, rai ti mung, ya chyawm gaw na a ga hpe ngai madat nga nngai.

SHAKAWN KUNGDAWN 119:71

Ngai hkrum sha ai ari gaw nye a matu kaja nga li ai; hpa majaw nga yang, dai gaw ngai hpe na a hkang da ai ga ni hpe sharin la shangun nga ai.

SHAKAWN KUNGDAWN 30:5

Shi a masin kahtet ai gaw hkring mi sha rai nga ai, shi a mai kaja ai lam prat ting a matu rai nga ai. Shana e myi prwi ni lwi nga ti mung, jahpawt e kabu gara ai lam lu la nga ai.

SHAKAWN KUNGDAWN 31:19

Nang hpe shagrau sha-a ai ni a matu nang kyem da ya ai kaja ai chyeju ni gaw kade wa mauhpa rai nga a hka! Nang kade wa mai kaja nga ai hpe mung nang hta kam hpa nga ai ni hpe kade sha shim ai hku nang makawp maga ya nga ndai hpe mung masha shagu chye nga ai.

SHAKAWN KUNGDAWN 73:24

Na a sharin matsun ai ga hte ngai hpe nang woi lakawn wa nna; nang ngai hpe hpang jahtum na aten hta hpung shingkang hte hkap la na ndai.

ESAIA 26:20

Nye a amyu masha ni e, nanhte a dum nta kata de shang nna chyinghka la mu. Karai Kasang a pawt sindawng ai kawp mat ai aten du hkra, tinang hkum nan loi hkring mi makoi nga mu.

ESAIA 54:8

Ngai gaw hkring mi sha masin pawt let myi man kayin kau da nngai, rai ti mung ngai nang hpe nye a tsaw ra myit htani htana madun nga na nngai.” Shing rai nang hpe hkye la ai dai Madu gaw shing nga tsun ai.

ESAIA 64:4

Shi hpe myit mada nga ai ni a matu dai zawn re ai magam amu galaw ai nang hte bung ai Karai Kasang hpe kadai galoi mung n mu yu, n na yu ga ai.

BU HKAWM 5:28

Rai ti mung shi hta mara n kap nga ai rai yang chyawm gaw shi hta nchyi nmu n hkrum ai sha, kashu kasha shaprat lu na rai wu ai.

MAHTE 5:12

“Kabu nna pyaw pyaw rai nga mu, hpa majaw nga yang, sumsing lamu hta e nanhte a matu shabrai kaba langai mi tawn da ya sai! Nanhte a shawng na myihtoi ni hpe mung shanhte dai hte maren zingri zingrat di kau manu ai!

LUKA 6:23

Dai zawn hkrum sha ai shaloi, kabu nna gumlawt nga mu, hpa majaw nga yang, sumsing lamu e nanhte a shabrai kaba nga malit dai. Shanhte a kaji kawa ni mung myihtoi ni hpe dai zawn di yu manu ai.

KASA 20:23

Chyoi Pra ai Wenyi gaw ngai hpe gyit hkang sharen da ai hte zingri zingrat ai lam ngai hpe ala nga ai, nga nna mare shagu hta tau hkrau sadi jaw ai hpe chyu sha ngai chye nngai.

ROMA 2:7

Masha nkau mi gaw kaja ai amu galaw nga let, hpung shingkang hpe mung, arawng sadang hpe mung, n si n mat ai asak hkrung lam hpe mung tam nga ma ai; Dai ni hpe Karai Kasang htani htana asak jaw na ra ai.

ROMA 8:18

Ya ndai prat e anhte hkrum hkra ai tsin-yam tsindam gaw du na ra ai aten hta anhte hpe hkam la shangun na ra ai hpung shingkang hte shadawn n ging nga ai ngu nna ngai myit nga nngai.

ROMA 8:34

Daw dan lu ai wa gaw kadai wa mi rai nga a ta? Si hkam ai hta n ga, si mat ai ni hta na hkrung sharawt la hkrum nhtawm Karai Kasang kaw hpyi htinglu ya ai wa Hkristu Yesu shi nan rai nga ai.

ROMA 8:37

Anhte hpe n jahka kau lu mi ai hta n ga, anhte hpe tsaw ra nga ai wa a majaw ndai mahkrum madup yawng hte hpe anhte awng padang tsep kawp lu ai ni rai ga ai.

1 KORINHTU 2:9

Rai ti mung Chyum Laika hta, “Kadai n mu n na yu ai lam, byin na re ai ngu nna kadai n myit hkawn pru ai lam hpe Karai Kasang gaw shi hpe tsaw ra ai ni a matu mara lajang da nga ai,” nga nna ka da nga ai.

2 KORINHTU 3:18

Dai rai nna anhte yawng gaw man magap hpaw kau sai myi man ni hte dai Madu a hpung shingkang a shingna hpe bai nhtang htawng madun nga ga ai. Dai hpung shingkang nan wenyi ngu ai Madu kaw na du sa nna Madu hte grau grau bung jat wa ai hpung shingkang maga de anhte hpe galai shai wa shangun mi ai.

HPILIPI 1:19

Hpa majaw nga yang, nanhte a akyu hpyi ai ga ni a majaw mung, Yesu Hkristu kaw na Wenyi a karum madi shadaw ai lam a majaw mung, ngai ndai bawng dung ai kaw nna shalawt dat hkrum na nngai,

2 HTESALONI 1:4

Dai re ai majaw, anhte ni nan nanhte a lam hpe Karai Kasang a hpung ni hkan e kabu gumrawng let tsun dan hkawm nga ga ai. Anhte gaw nanhte matut nna hkrum sha taw nga ai zingri zingrat hte nni nkri hpe hkam jan let kam sham nga myit dai lam ni hpe tsun kabu gumrawng hkawm nga ga ai.

2 HTESALONI 1:6

Karai Kasang gaw tara ding ai lam galaw na ra ai rai nna, nanhte hpe nni nkri hkrum shangun ai ni a ntsa e nni nkri bai htang jaw na ra ai.

2 TIMOHTI 2:10

Dai re ai majaw ngai gaw Karai Kasang lata la hkrum ai masha ni a matu ruyak jam jau hkam nngai; shing rai hkam ai lam gaw shanhte mung Hkristu Yesu a marang e hkye hkrang la ai chyeju hte de a htani htana hpung shingkang hkam la lu na matu rai nga ai.

YAKU 1:12

Agung alau ai lam ni hkrum yang ngang ngang kang kang sadi dung nga ai wa gaw a lu ai; hpa majaw nga yang dai wa gaw dai zawn re ai chyam dinglik ai lam hpe lai di awng dang kau lu ai shaloi Karai Kasang gaw shi hpe tsaw ra ai ni hpe jaw na nga nna ndat da sai asak hpe shi a shagrau kumhpa hku nna hkam la lu na ru ai.

1 PETRU 4:7

Arai yawng mayawng a hpang jahtum ai aten gaw ni wa magang ra ai, Dai re ai majaw nanhte gaw akyu hpyi lu na matu tinang hkum hpe hkang da nna su hprang let majen maja nga mu.

1 PETRU 5:10

Rai ti mung nanhte jahkring sha mi nni nkri hkam ngut ai hpang, chyeju yawng mayawng a Madu rai nga ai Karai Kasang gaw nanhte hpe Hkristu hta langai sha tai shangun nna htani htana hpung shingkang hta shang sha lu mu ga, nanhte hpe shaga la ai Madu shi nan nanhte hpe ra n rawng hkra jahkum shatsup ai lam shangang shakang ai lam, n-gun lagaw sharawng ai lam ni jaw nna ngang kang ai npawt hkridun hta tsap nga lu ai ahkang jaw na marin dai.

1 YAWHAN 3:2

Tsaw ra ai ni e, anhte ya e Karai Kasang a kashu kasha ni rai nga ga ai, rai tim hpang de anhte hpa mi tai na dan leng hkra garai n chye lu ga ai: rai ti mung Hkristu dan pru ai shaloi anhte shi hte bung na ga ai, hpa majaw nga yang shi nan teng teng rai nga ai hpe anhte mu lu na gaw ai.

YUDA 1:24

Ya chyawm gaw, nanhte kataw katan n rai hkra bau sin lu ai hte shi a hpung shingkang a man e shut hpyit mara n kap nna kabu gara ai lam jaw lu ai,