2 KORINHTU 4:13 - Jinghpaw Common Language Bible 2009

¹³ Chyum Laika hta, “Ngai kam sham nngai majaw ngai hkaw tsun nngai,” nga nna tsun da nga ai hte maren, anhte mung kam sham ai majaw hkaw tsun ga ai.

Jinghpaw Hanson Version Bible

¹³ Kamsham nngai majaw ngai tsun nga nngai, nga nna ka da nga ai hte maren, dai kamsham ai Wenyi nan anhte rawng nga ga ai majaw, anhte mung kamsham nga ga ai rai nna a tsun nga ga ai;

2 KORINHTU 4:13 ပူးပေါင်းရင်းမြစ်များ

SHAKAWN KUNGDAWN 116:10

“Ngai gaw tsep kawp agrawp mani kau ai hkrum nga nngai,” nga nna tsun nga ai shaloi pyi, ngai kam sham nga dingyang naw rai nga nngai.

GA SHAGAWP 21:28

Masu magaw ai wa a sakse ga hpe kadai n kam nga ai. Lam shagu hpe hkrang hkrang myit shapraw ai wa a ga hpe chyawm gaw hkap la lu nga ai.

KASA 15:11

Anhte mung shanhte zawn Madu Yesu a chyeju hte kam sham nga ga ai,” nga nna tsun mu ai.

ROMA 1:12

Ngai ngu mayu ai gaw, nanhte hte ngai hkrum zup lu ai shaloi anhte langai hte langai a Hkristan makam masham mahkrum madup hku nna langai hte langai shada da n-gun jaw shangwi shapyaw ai lam hkam la lu na ra ai, ngu ai rai nga ai.

1 KORINHTU 12:9

Bai kaga wa hpe dai Wenyi gaw Karai Kasang hpe kam sham ai chyeju atsam, kaga wa hpe dai Wenyi gaw machyi makaw shamai shatsai ya lu ai atsam jaw mu ai.

2 KORINHTU 3:12

Anhte gaw ning re ai myit mada ai lam lu ga ai majaw, anhte nden ja ga ai.

2 KORINHTU 4:12

Ndai gaw anhte hta e si hkrung si htan tara gaw amu galaw nga ai. Rai ti mung nanhte hta chyawm gaw asak hkrung ai tara mahtang amu galaw nga ai.

2 PETRU 1:1

Yesu Hkristu a mayam hte, kasa tai nga ai, ngai Simun Petru gaw, anhte a Karai Kasang hte hkye hkrang la ai Madu Yesu Hkristu a ding hpring ai lam hta anhte zawn hpu la ai makam masham lu la nga ai ni hpang de ga shana dat nngai.