2 KORINHTU 4:11 - Jinghpaw Common Language Bible 2009

¹¹ Yesu a sak hkrung ai lam gaw anhte a si chye ai hkum hkrang hta dan dawng mu lu u ga, anhte gaw anhte a sak hkrung lam ting hte hta, aten shagu Yesu a matu si hkam na lam hta hkawm sa nga ga ai.

Jinghpaw Hanson Version Bible

¹¹ Kaning rai nme law, Yesu a asak hkrung ai gaw anhte a si chye ai hkum shan hta dan pru lu n ga, anhte naw hkrung nga ai ni gaw, Yesu a jaw e tut tut si ai de ap kau ai hkrum nga ga ai.

2 KORINHTU 4:11 ပူးပေါင်းရင်းမြစ်များ

SHAKAWN KUNGDAWN 141:7

Shanhte a nrut nra ni gaw, chye ga da ai hpun zawn, kahtum kadaw rai mat nna; dai nrut nra ni hpe lup sung hku hkan e, gat ayai da nga ma ai.

SHAKAWN KUNGDAWN 44:22

Rai ti mung, na a majaw anhte aten shagu sat kau ai hkrum nga ga ai; sat na san da hkrum ai sagu ni zawn, anhte nawn da ai hkrum nga ga ai.

ROMA 8:11

Dai hta kaga, si mat ai ni kaw na Yesu hpe hkrung sharawt la ai wa a Wenyi gaw, nanhte hta e rawng nga yang gaw, si mat ai ni kaw na Hkristu Yesu hpe hkrung sharawt la ai wa gaw, nanhte hta e rawng nga ai shi a Wenyi a lata hte nanhte a si chye ai hkum hkrang ni hpe mung jahkrung ya na marin dai.

ROMA 8:36

Dai gaw, “Na a jaw e anhte shani shagu sat kau ai hkrum ga ai; sat na san da ai sagu hpe zawn anhte hpe nawn da mi ai,” nga nna Chyum Laika hta ka da ai hte maren rai nga ai.

1 KORINHTU 15:31

Hpu nau ni e ngai gaw shani shagu si hkrung si htan hte hkrum kadup nga nngai! Ngai ndai zawn tsun lu ai gaw dai Madu hta nanhte a jaw e ngai kabu gumrawng nga ai majaw re.

1 KORINHTU 15:49

Ga yun hte galaw ai masha wa hte bung ai gawng shingyan hpe anhte gun ga ai hte maren, sumsing lamu na du sa ai Masha wa hte bung ai gawng shingyan mung anhte gun na ra ga ai.

2 KORINHTU 4:10

Madu Yesu gaw anhte a hkum hkrang hta asak hkrung shamu shamawt nga ai lam dan dawng na matu anhte a si chye ai hkum hkrang ni hta Yesu hkam sha lai wa sai si hkrung si htan nni nkri hpe tut nawng e hkam mana sha nga ga ai.

2 KORINHTU 4:12

Ndai gaw anhte hta e si hkrung si htan tara gaw amu galaw nga ai. Rai ti mung nanhte hta chyawm gaw asak hkrung ai tara mahtang amu galaw nga ai.

2 KORINHTU 5:4

Ndai dinghta sum hta naw nga ai shaloi gun hpai ai lit e dip gamyet ai hpe hkam sha ai myit hte madai nga ga ai. Shingrai madai ai lam gaw anhte a dinghta hkum hkrang hpe gun kabai kau mayu ga ai majaw n rai, si mat chye ai hpe htani htana asak hkrung ai de galai mat na matu sumsing lamu na hkum hkrang hpe anhte dagraw la mayu ai majaw rai nga ai.

2 KORINHTU 6:9

Anhte gaw gade e me n dum n chye ai ni zawn rai ga ti mung kajai gumhkawng ai ni, masha jasi ni zawn rai ga ti mung ya nanhte mu lu ai hte maren, anhte ahkrung nga ga ai. Ari hkrum ga ai rai ti mung, anhte sat kau ai n hkrum ga ai.