2 KORINHTU 3:9 - Jinghpaw Common Language Bible 2009

⁹ Yubak mara a ari jaw na matu daw dan ya ai lam hte seng ai magam amu gaw hpung shingkang hte hpring tsup nga ai rai yang gaw, hkye hkrang la ai lam jaw ya ai hte seng ai magam amu gaw gade wa grau nna hpung shingkang dan hkung na rai hka!

Jinghpaw Hanson Version Bible

⁹ Kaning rai nme law, dawdan chye ai daw ai aya gaw hpung shingkang rawng ai rai yang gaw, dinghpring shangun ai daw ai aya gaw hpung shingkang hta grau nna law htam wa na ra ai.

2 KORINHTU 3:9 ပူးပေါင်းရင်းမြစ်များ

ESAIA 46:13

Ngai gaw ni sa wa nga ai awng padang nhtoi hpe la sa wa nga nngai, dai gaw tsan nga ai n rai. Nye a padang ninglaw gaw htingnai nga na n rai. Ngai gaw Yerusalem hpe hkye la ai hte dai yang e Israela a matu arawng sadang tawn da ya na nngai.”

YEREMIA 23:6

Shi hkawhkam tai nga ai shaloi, Yuda amyu masha ni shim lum nga na mara ai, Israela amyu masha ni ngwi pyaw sim sa ai hte nga lu na mara ai. Shi gaw ‘Anhte A Hkye Hkrang La Madu,’ ngu nna shamying hkrum na ra ai.

ROMA 4:11

Shi gaw Karai Kasang e ding hpring ai ngu nna sawn ya ai hpe hkam la ngut ai hpang e she matu gadoi ai hking hpe hkam la wu ai. Dai matu gadoi ai hking gaw, Abraham a makam masham a majaw matu gadoi hking garai n hkam la ai kaw nna Karai Kasang e ding hpring ai ngu ya hkrum ai hpe madun dan ai masat dazik kumla nan rai nga ai. Dai re ai majaw Abraham gaw matu gadoi ai hking n hkam la ti mung, Karai Kasang hpe kam sham ai a marang e ding hpring ai ngu ya hkrum wu ai.

1 KORINHTU 1:30

Karai Kasang nanhte hpe Hkristu hte langai sha byin tai shangun manit dai rai nna, Karai Kasang gaw Hkristu hpe anhte a hpaji byeng-ya tai wa shangun sai. Shi a marang e Karai Kasang a man e ding hpring wa lu ga ai, Karai Kasang a chyoi pra ai amyu masha ni tai wa lu ga ai hte yubak mara kaw na raw dat ai hkrum lu saga ai.

1 KORINHTU 15:41

Jan mung shi a hpung shingkang shi lu nga ai, shagan ni mung hpung shingkang kaga lu nga ma ai; shagan ni hta sha pyi langai hte langai a htoi kabrim ai lam kaga ga rai nga ai.

2 KORINHTU 3:8

dai wenyi a bungli galaw shamu shamawt ai hte seng ai hpung shingkang gaw grau nna dan hkung na n rai ni?

2 KORINHTU 5:21

Hkristu gaw yubak mara n kap ai wa rai nga ai, rai ti mung anhte gaw Hkristu hte langai sha tai wa nna Karai Kasang a ding hpring ai hpe hkam la na matu, Karai Kasang gaw Hkristu hpe anhte a matu mara anhte zawn yubak lu ai wa shatai wu ai.

GALATI 3:10

Dai jep ai tara hkan sa shadik ai lam hpe kam hpa nga ai ni kadai rai ti mung dagam dala a npu e rai nga ma ai. Hpa majaw nga yang, Chyum Laika gaw, “Dai tara hta ka da mada hte maren n hkan shatup nga ai wa kadai rai ti mung, dagam dala hkrum na mara ai,” nga nna ka da nga ai.

TARA JAHPRANG 27:26

“ ‘Karai Kasang a tara hte sharin shaga ai ga ni yawng hpe n hkan shatup ai wa kadai mung Karai Kasang jaw ai dagam dala hkrum u ga law.’ “Shaloi, amyu masha ni yawng gaw, ‘Amen!,’ ngu nna htan na mara ai.

HPILIPI 3:9

Ngai gaw jep ai Tara hpe madat mara hkan sa shadik ai hku nna nye a ding hpring ai hpe n lu la lu nngai. Ya gaw Hkristu hpe kam sham ai a marang e jaw ya ai ding hpring ai hpe ngai lu la nngai. Dai gaw makam masham a marang e Karai Kasang e matsan dum nna jaw ya ai chyeju kumhpa rai nga ai.

2 PETRU 1:1

Yesu Hkristu a mayam hte, kasa tai nga ai, ngai Simun Petru gaw, anhte a Karai Kasang hte hkye hkrang la ai Madu Yesu Hkristu a ding hpring ai lam hta anhte zawn hpu la ai makam masham lu la nga ai ni hpang de ga shana dat nngai.