2 KORINHTU 3:7 - Jinghpaw Common Language Bible 2009

⁷ Lungpa hta ka da ai jep ai tara hpe jaw ai shaloi, Karai Kasang a hpung shingkang htoi kabrim dan pru nga ai. Dai hpung shingkang a htoi ahkung ai gaw Mawshe a myi man kaw na yat yat hkoi mat wa magang nga ai. Rai ti mung nachying wa naw htoi kabrim nga ai majaw Israela amyu masha ni shi a myi man hpe n azi yu lu ma ai. Si hkrung si htan hpe byin shangun ai jep ai tara hpe dai zawn re ai hpung shingkang hte jaw ya ai rai yang gaw,

Jinghpaw Hanson Version Bible

⁷ Dai rai nna, hkoi mat chye ai Mawshe a myi man a hpung shingkang majaw, Israela masha ni shi a myi man hpe n azi yu lu hkra, laika hkum hte lungpa hta tawk ka da ai, si hkrung si htan daw ai aya gaw, hpung shingkang hte dan pru nga ai rai yang gaw,

2 KORINHTU 3:7 ပူးပေါင်းရင်းမြစ်များ

NINGPAWT NINGHPANG 3:21

Dai Madu Karai Kasang gaw Adam hte shi a madu jan a matu shanhpyi hpun palawng galaw nna shan hpe shabu jahpun wu ai.

NEHEMIA 9:13

Nang gaw sumsing lamu kaw nna Sina Bum de yu sa nhtawm; na a amyu masha ni hpe nang ga shaga ai hte mai kaja ai tara ni hte jaw ai sharin achyin ga ni hpe jaw ya nga ndai.

SHAKAWN KUNGDAWN 119:174

Madu e, na a hkye hkrang la ai karum la lam hpe ngai kade wa marit nga a hka! Na a tara hta ngai kabu gara ai lam mu la nngai.

SHAKAWN KUNGDAWN 119:97

Na a tara hpe ngai kade wa tsaw ra nga a hka! Dai lam hpe shani tup ngai myit sawn yu nga nngai.

PRU MAT 24:12

Dai Madu gaw Mawshe hpe, “Ngai nga ai bum de lung wa rit; ndai yang e nang nga nga ai shaloi, amyu masha ni hpe sharin achyin ya lu na matu, ngai ka da ai tara ni yawng lawm ai lungpa lahkawng ngai nang hpe jaw dat na we ai,” ngu nna tsun wu ai.

PRU MAT 31:18

Karai Kasang gaw Sina Bum ntsa e Mawshe hte ga shaga ngut jang, Karai Kasang shi nan ka ai hkang da ai ga kap ai lungpa lahkawng shi hpe ap dat ya wu ai.

PRU MAT 32:19

Mawshe dai dap de shani yu wa yang, dumsu usu kasha hte amyu masha ni ka manawt nga ma ai hpe mu wu ai rai nna shi ja ja masin pawt wu ai. Shi hpai yu wa ai lungpa yan hpe dai bum lagaw e kabai jahkrat nna agrawp kau wu ai.

PRU MAT 34:1

Dai Madu gaw Mawshe hpe, “Shawng na lungpa yan zawn re ai lungpa lahkawng ga la u; nang agrawp kau ai shawng na lungpa yan hta ka da ai ga hte maren, dai lungpa yan hta ngai bai ka da na we ai.

KASA 6:15

Shaloi dai hpawng shingra e dung nga ai nlang, shi hpe jawm azi yu mu yang shi a myi man gaw lamu kasa langai mi a myi man zawn rai nga lu ai hpe shanhte mu ma ai.

ROMA 10:4

Hpa majaw nga yang, Hkristu hpe kam sham ai masha shagu Karai Kasang a man e ding hpring wa lu na matu Hkristu gaw dai jep ai Tara a prat ladaw hpe jahtum kau nu ai.

ROMA 4:15

Dai jep ai Tara gaw Karai Kasang a pawt sindawng ai hpe shapraw ya nga ai; rai ti mung; Jep ai Tara n nga yang gaw Tara tawt lai ai lam mung nga na n rai.

ROMA 5:20

Dai Jep ai Tara tawn da ai majaw shut hpyit ai amu law jat wa nga ai; rai ti mung yubak mara law jat wa yang Karai Kasang a chyeju mung grau nna law jat wa nga ai.

ROMA 7:10

Dai hpang ngai si wa nngai; ngai hpe asak hkrung na matu jaw ya ai dai jep ai Tara nan nye a asak hpe si shangun sai.

ROMA 7:22

Nye a kraw lawang myit gaw Karai Kasang a Tara hta kabu gara sharawng awng nga ai.

ROMA 7:5

Hpa majaw nga yang anhte ni hkum shan myit hkan nna asak hkrung nga ai shaloi yubak a marin marit ai myit hpe dai jep ai Tara e myit sharawt ya ai majaw anhte a hkum hkrang hta yubak galaw mayu ai myit katu nga ai hte anhte yawng dai hpe galaw nna jahtum e si wa saga ai.

1 KORINHTU 13:10

Rai ti mung, dai hkum tsup re ai du sa wa jang gaw, daw chyen re ai gaw hkoi mat na ra ai.

2 KORINHTU 3:3

Dai laika hpe Hkristu shi nan ka nhtawm, anhte hte shagun dat ai gaw dan leng nga ai. Dai laika hpe tsi hte n ka ai sha hkrung nga ai Karai Kasang a wenyi hte, bai lungpa ni hta n re ai sha shinggyim masha ni a kraw lawang ni hta ka da nga ai.

2 KORINHTU 3:6

Anhte gaw ga shaka ningnan a matu amu gun hpai lu u ga, anhte hpe atsam marai jaw ai gaw Karai Kasang shi nan rai nga ai. Dai ga shaka ningnan gaw ka da ai tara hta rawng ai n re ai sha, Wenyi kaw na rai nga ai. Hpa majaw nga yang laika hkum hte ka da ai tara gaw asak hpe si shangun nga ai; dai Wenyi chyawm gaw asak jahkrung ya nga ai.

2 KORINHTU 3:8

dai wenyi a bungli galaw shamu shamawt ai hte seng ai hpung shingkang gaw grau nna dan hkung na n rai ni?

GALATI 3:10

Dai jep ai tara hkan sa shadik ai lam hpe kam hpa nga ai ni kadai rai ti mung dagam dala a npu e rai nga ma ai. Hpa majaw nga yang, Chyum Laika gaw, “Dai tara hta ka da mada hte maren n hkan shatup nga ai wa kadai rai ti mung, dagam dala hkrum na mara ai,” nga nna ka da nga ai.

GALATI 3:21

Dai rai nna jep ai Tara gaw Karai Kasang a ga ndat ni hte nhtan shai nga ai ngu mayu ai rai ni? Gara hku nna mung n rai law! Hpa majaw nga yang kaja wa shinggyim masha ni gaw asak jahkrung ya lu ai jep ai Tara hpe lu la masai rai yang gaw, masha hkum shagu dai tara hpe hkan shatup nna Karai Kasang a man e ding hpring wa lu na sha rai nga ai.

TARA JAHPRANG 4:13

Shi nanhte hte tawn da ai ga shaka hpe shatup nna hkan galaw nga na matu mung, nlung lungpa lahkawng hta shi ka da nu ai Tara Kanu Shi hpe nanhte madat mara hkan sa lu na lam mung, shi shanhte hpe tsun nu ai.

TARA JAHPRANG 4:8

Dai ni ngai nanhte hpe sharin achyin ya ni ai matsun maroi ga ni gaw kaning re ai amyu kaba gale ni hta mung, dai zawn re ai mi n lu nga ma ai.

TARA JAHPRANG 5:22

Ndai ni gaw bum e nanhte hpawng nga myit dai shaloi, wan hte htat ai sumwi ni a kata kaw nna nsen kaba hte tsun nhtawm nanhte yawng hpe jaw ya ai hkang da ai ga ni rai nga ai. Dai rai nna lungpa lahkawng hta Jep ai Tara ni hpe ka nna ngai hpe ap ya ai hta lai nna shi hpa mung jaw ya nga ai n rai.

TARA JAHPRANG 9:15

“Dai rai nna ngai gaw ka da ai ga shaka lungpa lahkawng hpai let bum na kayin yu wa nngai; Wan shinglet mung bum kaw nna pru nga ai.

HEBRE 12:18

Nanhte gaw Israela amyu masha ni zawn lata hte nan jum hkra lu ai wan grung nga ai, achyang amang re ai, nsin chyip mak re ai, laru ru ai,

HEBRE 3:3

Nta langai mi hpe gaw gap da ai wa gaw, dai nta hta grau ai arawng sadang lu ai hte maren Yesu mung Mawshe hta grau ai arawng sadang hte shagrau sha-a ai hpe hkam la ging nga ai.

HEBRE 9:4

Dai hta e manam pyaw ai baw nat ai aja hkungri hte hkum ting ja hte sup tawn ai Ga Shaka Sumpu rawng nga ai. Dai Sumpu kata e manna muk rawng ai ja dibu mung, alap hkalung ni prut pru wa ai Arun a dawhkrawng mung, jep ai Tara hpe ka tawn ai lungpa 2 mung, rawng nga ai.