2 KORINHTU 3:14 - Jinghpaw Common Language Bible 2009

¹⁴ Israela amyu masha ni a myit masin ni gaw kaja wa pat shinggang da nga malu ai. Dai ni du hkra pyi gaw ga shaka dingsa laika ni hpe hti ai ten shagu shanhte a myit masin ni hpe man magap dai hte naw magap htinggrum nga malu ai. Masha langai mi gaw Hkristu hta asak hkrung ai shaloi she dai man magap hpe gun kau lu nga ai.

Jinghpaw Hanson Version Bible

¹⁴ Shanhte a myit mang ai hku chyawm gaw shaja kau ai hkrum ma ai; kaning rai nme law, dai ni nan du hkra, dai ga shaka dingsa hti yang, myi na man magap gaw a htinggrum nga ai rai nna, dai gaw Hkristu e kun di kau nu ai hpe, shanhte kaw shapraw shadan manu ai n rai:

2 KORINHTU 3:14 ပူးပေါင်းရင်းမြစ်များ

SHAKAWN KUNGDAWN 69:23

Shanhte a myi ni n mu lu mat hkra, shanhte a myi sin mak malu ga; shanhte a shingma marung ni hpe tut nawng e, kya kau shangun u.

ESAIA 25:7

Ndai yang e shi gaw masha amyu baw yawng a ntsa e ka-up da ai yawn hkyen sumwi hpe akajawng sha gun kau ya na ra ai.

ESAIA 44:18

Dai zawn re ai masha ni gaw shanhte hpa galaw nga ai amu hpe chye na na matu nau wa myit n su nga ma ai. Shanhte gaw shanhte a myi ni hpe mung, teng man ai lam hpe chye na shangun ai myit hpe mung pat da nga ma ai.

ESAIA 56:10

Shi gaw, “Nye a amyu masha ni hpe sadi jaw na zawn nawn ai ningbaw ni yawng, myi kyaw nga ma hka! Shanhte gaw hpa mung n chye ma ai. Shanhte gaw n wau ai sha, sin yu nga ai gwi ni hte bung ma ai-shanhte gaw hpum yup nga nna yup mang mu ma ai. Shanhte yup nga ai gaw kade sha yu tsaw ra hpa rai nga a hka!

ESAIA 59:10

anhte gaw myi kyaw amyu masha ni zawn lamawm hkawm ga ai. Anhte gaw shani chyingtung e pyi ahtu kataw ga ai, shana lama rai yang, sin ai katsan ga hta anhte nga nga ai zawn rai na ga ai.

ESAIA 6:10

Dai hpang shi gaw ngai hpe, “Ndai amyu masha ni a myit masin ni hpe shamak kau ya u, shanhte a na ni lahpang kau ya u, shanhte a myi ni hpe amam kau ya u, shaloi shanhte n mu lu, n na lu ai hte n chye na lu na ma ai. Shanhte dai hku byin mat ai rai yang, shanhte gaw ngai kaw kayin wa nhtawm shamai shatsai ai hkrum na rai ma ai,” ngu nna tsun ai.

YEREMIA 5:21

Myi tu ti mung myi n mu lu, na tu ti mung na n na lu ai angawk angak re ai hte myit n su ai amyu masha ni e, madat mu.

EZEKELA 12:2

Shi gaw, “Si chye ai masha wa e, nang gaw gumlau ai masha ni a lapran e nga nga ndai. Shanhte gaw na tu ti mung hpa tsun ai hpe n na ma ai, hpa majaw nga yang, shanhte gaw gumlau chye ai masha ni rai ma ai.

MAHTE 13:11

Yesu gaw, “Sumsing Lamu a Mungdan a makoi magap da ai sung htum ai lam ni hpe chye lu na ahkang nanhte hpe jaw da sai; rai ti mung kaga ni gaw dai ahkang n lu ma ai.

MAHTE 16:17

Dai rai nna Yesu gaw, “Yawhan a kasha Simun e, nang a lu ndai; ndai lam hpe yu maya masha langai mi hku nna nang n chye lu ndai; Sumsing lamu e nga ai nye Wa gaw dai hpe madun dan da ndai.

MAHTE 6:23

Rai ti mung na a myi n kaja nga yang gaw, na a hkum ting nsin sin nga na ra ai. Dai rai nna nang hta rawng ai nhtoi nsin tai mat yang gaw, dai nsin gaw gade htat nga a hka!

YAWHAN 12:40

Karai Kasang gaw, shanhte a myi hpe magap kau ya nna, myit masin ni hpe mung shaja kau ya wu ai, nga ai ga hte maren shanhte n kam n sham lu ma ai.

YAWHAN 12:46

Ngai hpe kam sham ai masha shagu gaw nsin hta n rawng nga u ga ngu nna nhtoi tai let, ngai mungkan ga de du sa ring ngai.

YAWHAN 8:12

Yesu shanhte hpe bai tsun mu ai gaw, “Ngai gaw mungkan ga a nhtoi rai nga nngai. Nye a hpang hkan nang ai wa gaw asak a nhtoi hpe lu la na ra ai rai nna nsin hta galoi mung n hkawm n sa na ra ai,” ngu mu ai.

KASA 13:15

Mawshe a Tara laika hte myihtoi ni a laika ni hpe hti ngut jang tara jawng agyi ni gaw shanhte hpang de masha shangun dat nna, “Hpu nau ni e, shawa hpawng hpe shadum jahprang n-gun jaw na mungga lu myit yang gaw, nanhte hpe ga shaga shangun mayu ga ai,” ngu wu ai.

KASA 15:21

Hpa majaw nga yang Mawshe a Tara gaw Bansa Nhtoi shagu tara jawng ni hta ahti dan nga ma ai hte moi prat kaw nna mare shagu hta dai tara hkaw dan ai ni nga nga ma ai,” ngu nna tsun wu ai.

KASA 16:14

Shanhte hta na anhte a ga na la ai numsha gaw Htuatira mare na sumpan hkyeng sawm dut ai Ludi ngu ai jan rai nga ai. Shi gaw Karai Kasang hpe nawku kam sham ai numsha rai nna, Pawlu tsun dan nga ai ga hpe na lasha let madat la u ga, Madu e shi a myit hpaw ya wu ai.

KASA 26:18

Ngai hpe kam sham ai a marang e shanhte yubak mara ni raw dat kau ai hkrum nna Karai Kasang a lata la ai amyu hta lawm lu mu ga, n sin kata nna nhtoi de, Satan a atsam kata nna Karai Kasang hpang de shanhte kayin wa lu hkra nang shanhte a myi jahpaw ya na rai ndai,’ nga nna ngai hpe tsun nngai.

ROMA 11:25

Hpu nau ni e, nanhte gaw tinang dai chye chyang la ni ai ngu nna n myit la na matu Karai Kasang a sung htum ai hte makoi magap da ai teng man ai lam langai mi nanhte hpe chye na shangun mayu nngai. Dai gaw Israela amyu masha ni tut nawng myit shaja kau nna nga na ma ai n rai, rai ti mung dai gaw hkye hkrang la hkrum nna Karai Kasang kaw du wa na kaga amyu masha ni a jahpan wa hkum ai ten du hkra sha rai na rai nga ai.

2 KORINHTU 3:15

Dai ni du hkra pyi shanhte gaw Mawshe a tara hpe hti ai ten shagu hta dai man magap gaw shanhte a myit mang ai lam ni hpe naw magap htinggrum nga malu ai.

2 KORINHTU 3:6

Anhte gaw ga shaka ningnan a matu amu gun hpai lu u ga, anhte hpe atsam marai jaw ai gaw Karai Kasang shi nan rai nga ai. Dai ga shaka ningnan gaw ka da ai tara hta rawng ai n re ai sha, Wenyi kaw na rai nga ai. Hpa majaw nga yang laika hkum hte ka da ai tara gaw asak hpe si shangun nga ai; dai Wenyi chyawm gaw asak jahkrung ya nga ai.

2 KORINHTU 4:6

Yesu Hkristu a myi man hta htoi tu ai hpung shingkang a lam nanhte chye chyang u ga, anhte a myit masin hta nhtoi jahtoi ya ai Karai Kasang gaw, “Nsin hta na nhtoi htoi na ra ai,” nga nna tsun ai Karai Kasang shi nan rai nga ai.

EHPESU 4:18

Shanhte a chye chyang ai nyan sin mak nga nna tsep kawp angawk angak re ai hte du ja nga ma ai majaw, Karai Kasang jaw ai asak kamhtaw hta n lawm mat ai ni rai nga ma ai.