2 KORINHTU 3:10 - Jinghpaw Common Language Bible 2009

¹⁰ Ya grau nna dan hkung ai hpung shingkang a majaw, shawng de kalang mi grai dan hkung lai wa sai hpung shingkang gaw hkoi mat wa sai ngu nna anhte tsun lu ga ai.

Jinghpaw Hanson Version Bible

¹⁰ Dai rai nna, chyahtum chyalai re ai hpung shingkang rawng ai aya a majaw, shawng na hpung shingkang rawng ai lam gaw, ning re ai hpung shingkang shapraw dan lu ai n rai.

2 KORINHTU 3:10 ပူးပေါင်းရင်းမြစ်များ

YOBA 25:5

Shi a man e shata pyi htoi kabrim ai n rai; shagan ni mung san pra ai n rai.

ESAIA 24:23

Shata gaw sin mat wa na ra ai, ajan mung htoi na ra ai n rai, hpa majaw nga yang, Chyahtum Chyalai N-gun rawng ai dai Madu gaw hkawhkam tai na ra ai. Shi gaw Ziun Bum ntsa na Yerusalem hta up nga na ra ai, amyu masha ni a ningbaw ni gaw shi a hpung shingkang hpe mu lu na mara ai.

HAGI 2:3

“Nanhte hta na marai langai ngai gaw Nawku Htingnu kade daram hkik hkam ai hpe naw myit dum ai ni nga nga a ni? Ya nanhte dai hpe gara hku mu mada nga myit ni? Dai gaw nanhte a matu hpa mung n re ai zawn rai nga ai.

KASA 26:13

Jan pungding madi ai ten hta, Hkawhkam wa e, jan hta grau htoi tu ai nhtoi langai mi gaw dai lam e hkawm sa nga ai ngai hte nye a manang ni a grup yin lamu de na htoi tu pru ai hpe ngai mu nngai.

2 KORINHTU 3:11

Jahkring mi sha grin nga chye ai magam amu pyi hpung shingkang rawng nga ai rai yang gaw agrin nga ai magam amu hta e gade wa grau nna hpung shingkang rawng nga na n rai hka!

2 KORINHTU 3:9

Yubak mara a ari jaw na matu daw dan ya ai lam hte seng ai magam amu gaw hpung shingkang hte hpring tsup nga ai rai yang gaw, hkye hkrang la ai lam jaw ya ai hte seng ai magam amu gaw gade wa grau nna hpung shingkang dan hkung na rai hka!

2 PETRU 1:17

Shi hpe Kawa Karai Kasang kaw na arawng sadang hte hpung shingkang jaw ya ai shaloi mung grau htum ai hpung shingkang kata nna shi kaw du ai nsen, “Ndai wa gaw ngai sharawng awng nga ai, ngai tsaw ra ai, ngai sha rai nga li ai!,” nga nna tsun ai shaloi mung, anhte dai kaw shi hte rau nga ga ai.

SHINGRAN 22:5

Dai mare hta shana mung n nga na ra ai; pyengdin a nhtoi mung, jan a nhtoi mung, shanhte n ra ma ai: hpa majaw nga yang, dai Madu Karai Kasang gaw shanhte hpe nhtoi jaw na mu ai; dai hta n ga, shanhte gaw, hkawhkam tai nna htani htana prat dingsa up nga lu na mara ai.