2 KORINHTU 2:9 - Jinghpaw Common Language Bible 2009

⁹ Shawng e ngai nanhte hpang de laika ka dat ai lam gaw, chyam dinglik ai lam hpe nanhte gade daram hkam jan lu myit dai hte, nye a sharin shaga matsun madun ai lam ni hpe madat mara hkan sa na matu galoi mung jin nga chyalu rai nga ai kun? ngu ai hpe chye na matu ka dat nngai.

Jinghpaw Hanson Version Bible

⁹ Dai re ai majaw mung nanhte lam shagu hta madat mara nga ai kun chye lu n ga, ka dat ai laika hte ngai nanhte hpe chyam yu made ai.

2 KORINHTU 2:9 ပူးပေါင်းရင်းမြစ်များ

PRU MAT 16:4

Shaloi dai Madu gaw Mawshe hpe, “Ya chyawm gaw nanhte yawng a matu lamu kaw na malu masha ngai jahtu ya na made ai. Amyu masha ni gaw shani shagu pru sa nna, lani mi na matu ram tup hta shinggyin la lu na rai myit dai. Ndai lam hku nna, nye a ga matsun hpe shanhte hkan nga ma ai hpe mu lu hkra, shanhte hpe ngai chyam yu na nngai.

2 KORINHTU 10:6

Nanhte gaw anhte a ga hpe tup hkrak madat mara nna sadi dung ai lam hpe chye lu jang, anhte gaw sadi n dung ai hpa lam hpe mung ari jaw na matu jin jin rai nga saga ai.

2 KORINHTU 2:3

Ngai hpe kabu shangun na ni nan, ngai hpe myit n pyaw ai lam n shabyin u ga ngai nanhte hpang de n sa mayu mat nngai. Dai majaw ngai laika dat hpe ka dat ai re. Hpa majaw nga yang, ngai kabu gara yang nanhte nlang hte mung kabu gara shajang na hpe ngai myit kam nngai.

2 KORINHTU 2:4

Ngai gaw tsin-yam tsindam myit ru myit yak grai hkrum nna myi prwi law law pru let dai laika hpe ka dat se ai. Nye a yaw shada ai lam gaw nanhte hpe myit yawn shangun na matu n rai; Nanhte hpe ngai gade daram tsaw ra nga ai hpe chye shangun mayu ai majaw ka dat ai rai nga ai.

2 KORINHTU 2:8

Dai rai nna nanhte gaw shi hpe kaja wa tsaw ra nga ai lam shi chye na hkra galaw na matu ngai nanhte hpe hpyi nem made ai.

2 KORINHTU 8:2

Shanhte hkam lai wa sai tsin-yam tsindam ni hta shanhte n htum n ni dinglik hkrum ma ai; rai ti mung shanhte a kabu gara ai myit nachying kaba nga malu ai rai nna shanhte gaw grai matsan mayan re ai ni rai ma ti mung, shanhte a jaw ya ai lam hta shadawn shadang n nga ai tsaw ra shawang myit rawng nga ma ai.

2 KORINHTU 8:24

Dai majaw nanhte hte seng nna anhte arawng la nna gumrawng ai lam gaw teng nga ai lam hpung ni yawng hkrak chye lu mu ga, shanhte hpe nanhte a tsaw ra myit madun dan mu.

TARA JAHPRANG 8:16

Nanhte a nji nwa ni pyi galoi mung garai n sha yu ai Manna lusha hpe nam mali e jaw ya wu ai. Nanhte hpe chyam yu na nga, yak hkak jam jau jahkrum nhtawm jahtum e nanhte hpe mai kaja ai sut rai ni hte shaman ya wu ai.

TARA JAHPRANG 8:2

Nanhte hpe chyam yu na nga, yak hkak jam jau lam ni hpe dat dat nna shi a hkang da ai ga ni hpe hkan sa madat mara let hkan galaw mayu ai myit rawng n rawng chye lu hkra nga, lai mat wa sai mali shi ning tup dai Madu nanhte a Karai Kasang kaning rai woi hkawm ai nam mali lam galu hpe myit dum nga mu.

HPILIPI 2:12

Dai re ai majaw ngai tsaw ra nga ai ni e nanhte hte ngai rau nga ai aten hta nanhte galoi mung nye a ga hpe madat mara myit dai zawn ya mung nanhte hte tsan gang nga ai ten hta nye a ga madat mara na gaw grau nna pyi ra ahkyak nga ai. Dai rai nna nanhte gaw hkye hkrang la ai lam hpe hpring tsup hkra lu la mu ga hkrit gari ai hte shachyen shatsup nga mu.

HPILIPI 2:22

Shi gaw kasha gaw kawa hpe shadaw ai zawn, dai kabu gara shiga shachyam shabra ai lam hta ngai hte rau magam gun shakut sharang nga ai majaw, shi gade daram manu dan ai wa re ai hpe nanhte nan chye nga myit dai.

2 HTESALONI 3:14

Ndai laika hta nanhte hpang de anhte ka shagun dat ai mungga hpe n madat n mara ai masha langai ngai nga ai rai yang gaw, shi hpe matsing da nna, shi kaya mat u ga, shi hte hkum kanawn nga myit.

HPILEMON 1:21

Nang gaw ngai hpyi nem ai hte maren galaw na ra ai ngu nna myit mu myit hkut let ndai laika hpe ka dat nngai. Kaja wa ngai tsun ai hta n ga galaw na rin dai hpe ngai chye nngai.