2 KORINHTU 2:11 - Jinghpaw Common Language Bible 2009

¹¹ Ngai ndai hku galaw ai gaw, Satan wa anhte hpe shawng n nyan sha kau u ga, galaw ai re. Hpa majaw nga yang Satan wa a hpaji daw ai lam hpe anhte n chye ga ai n rai.

Jinghpaw Hanson Version Bible

¹¹ Satan a myit mang ai hku chyawm gaw anhte n chye ya gaw ai n rai.

2 KORINHTU 2:11 ပူးပေါင်းရင်းမြစ်များ

YOBA 1:11

Rai ti mung ya chyawm gaw shi lu malu hpe nang lama la kau ya ai rai yang, shi gaw na a myi man chyaw e nang hpe dagam kau na ra ai!,” ngu nna htan wu ai.

YOBA 2:3

Dai Madu gaw, “Nang gaw nye a shangun ma Yoba hpe matsing da wu ni? Shi gaw kam sham nna mai kaja ai wa rai nhtawm shi zawn re ai mi, ginding aga ntsa e kadai n nga nga ai. Shi gaw ngai hpe nawku nna sadi sahka hte n hkru n hkra ai amu hpa hpe mung n galaw nga ai. Nang gaw mara hpa mung n nga ai shi hpe jahten kau shangun na matu ngai hpe hkalem nga ndai, rai ti mung Yoba chyawm gaw dinggrin naw kam sham nga ai wa rai nga ai,” ngu nna tsun wu ai.

YOBA 2:5

Rai ti mung, ya chyawm gaw shi a hkum shan hpe nang machyi shangun ai ngu ga-shi gaw nang hpe na a man e nan dagam kau na ra ai!,” ngu nna htang tsun wu ai.

YOBA 2:9

Shi a madu jan gaw shi hpe, “Nang gaw dinggrin naw kam sham nga ai n rai ni? Karai Kasang hpe nang hpa majaw n matsa kau ai hte n si mat n ni?,” ngu nna tsun wu ai.

MAHTE 4:10

Shaloi Yesu gaw, “Satan e pru mat wa u! ‘Dai Madu na a Karai Kasang hpe nang nawku lu na rai nna, shi hpe hkrai daw jau lu na re ai!, nga nna she ka da nga ai,” ngu nna shi hpe htan wu ai.

LUKA 22:31

“Simun, Simun! Madat yu u! Nanhte hpe kaja ai hte n kaja ai garan ginhka na matu hkauna galaw ai wa gaw hkaulan mam hpe numhkaw hte mam gu hking ginhka ai zawn, nanhte yawng mayawng hpe jep sagawn na matu Satan wa gaw ahkang lu da nu ai.

YAWHAN 13:2

Yesu hte shi a sape ni gaw, shana shat sha nga ma yang, nat gaw Simun a kasha Yuda Iskarut a kraw kata e, Yesu hpe ap kau na hpaji daw bang ya boi nu ai.

KASA 1:25

Dai kasa aya hta ndai yan lahkawng hta na kadai hpe mahtang nang lata san da ndai gaw, anhte hpe madun dan mi,” nga nna akyu hpyi ma ai.

1 KORINHTU 7:5

Nanhte gaw akyu hpyi na matu, shawng kaw nna jahkring mi aten la na myit hkrum da ai lam sha n nga yang gaw, madu jan madu wa hkum shan kanawn ai lam hpe hkum koi gam nga myit; akyu hpyi ai ten htum ai hpang bai kanawn nga mu. Dai hku rai yang she nanhte n sharang lu ai majaw, Satan e gunglau ai n hkrum na myit dai.

2 KORINHTU 11:14

Ning rai galaw ai gaw mauhpa n rai nga ai! Satan pyi gaw nhtoi a lamu kasa hkrang hpe naw masu dagraw lu nga ai!

2 KORINHTU 11:3

Ewa gaw lapu a hpaji rawng ai zai byeng-ya hte masu hkalem hkrum ai zawn, nanhte mung nanhte a myit mang ai lam jahten kau hkrum nna, nanhte a hpring tsup nna san seng ai myit hte Hkristu hta maju jung kam sham daw jau ai lam hpe kau da na myit tsang nga nngai.

2 KORINHTU 4:4

Ndai mungkan ga a n hkru n kaja ai karai wa ngu ai Nat Satan wa gaw shanhte a myit ni hpe ningsin hte ka-up shamak tawn kau ya manu ai majaw, shanhte n kam n sham ma ai. Shi gaw dai Karai Kasang a hkrang bung sumla nan rai nga ai. Hkristu a hpung shingkang a lam dai Kabu Gara Shiga kaw na pru ai nhtoi hpe n mu lu shangun mu ai.

2 TIMOHTI 2:25

Tinang hpe n htan shai ninghkap ai ni hpe shading sharai ai hta sumnung shingdi si mani ai hku galaw ai wa rai ra ai; hpa majaw nga yang, shanhte gaw myit malai lu nna dai teng man ai lam hpe chye na wa na ahkang Karai Kasang shanhte hpe jaw yang jaw na ra ai.

1 PETRU 5:8

Nanhte htauli htaula rai nga mu! Nanhte a hpyen wa ngu ai Satan gaw, kadai hpe kawa mayu sha kau lu na i? nga nna shabam ai hkanghkyi zawn ningwan hkawm nga ai.

SHINGRAN 13:8

Sat kau hkrum sai Sagu Kasha a asak laika hta, ginding aga garai n pra kaw nna amying ka da lawm sai mungkan masha nlang hte hta lai nna, mungkan ntsa e nga ai masha yawng gaw dai matse labye hpe nawku na mara ai.

SHINGRAN 2:24

“Rai ti mung, Htuatira mare hta naw ngam nga ai hpung masha nkau mi gaw, dai n hkru n shawp ai sharin shaga ai lam hta n hkan nang ai hta n ga, masha ni tsun dam ai, ‘Satan a sung htum ai makoi magap da ai lam ni,’ ngu ai hpe mung n sharin hkam la ma ai rai nna, ngai nanhte hpe tsun made ai gaw, nanhte hta lit kaga ngai n shajat na ni ai.