2 KORINHTU 2:1 - Jinghpaw Common Language Bible 2009

¹ Dai rai nna nanhte hpe myit yawn ai lam n byin shangun u ga, nanhte hpang de bai n sa sana ngu nna ngai myit daw dan se ai.

Jinghpaw Hanson Version Bible

¹ Rai timung, ngai gaw myit yawn ai hte nanhte hpang de bai n sa na, ngu nna ngai nan myit da se ai.

2 KORINHTU 2:1 ပူးပေါင်းရင်းမြစ်များ

KASA 11:29

Sape ni gaw, Yuda mung na kahpu kanau ni hpang de langai hte langai rai lu ai made karum dat na nga, myit daw dan da ma ai.

KASA 15:2

De a majaw bra na lam pru nna Pawlu yan Barnaba gaw dai masha ni hte dai lam hte seng nna aja awa ndang kalang hkat ma ai. Dai majaw hpung gaw ndai ndang kalang hkat ai lam hte seng nna bawng ban jahkrup na matu Pawlu yan Barnaba hte Antioki hpung na myit su nkau mi hpe Yerusalem de nga ai kasa ni hte salang ni hpang de shangun dat na myit hkrum daw dan ma ai.

KASA 15:37

Dai shaloi Barnaba gaw Marku mying ai Yawhan hpe shanhte hte rau woi hkawm shalawm la mayu wu ai.

1 KORINHTU 2:2

Hpa majaw nga yang, ngai nanhte hte rau nga nga ai ten hta, Yesu Hkristu a lam, grau nna wudang ntsa e Madu si hkam ai lam hta jan nna kaga lam nga manga hpe malap kau na matu ngai myit daw dan da se ai.

1 KORINHTU 4:21

Ngai gaw nanhte hpang de shingna lang nna sa na rai ni? Shing n rai, tsaw ra nna sumnung shingdi ai wenyi hte nanhte hpang de sa du na kun? Nanhte gara mahtang hpe grau ra sharawng nga myit ta?

1 KORINHTU 5:3

Ngai gaw nanhte hpang de hkum hkrang nan n du ti mung, myit wenyi hta nanhte kaw du nna rau rai nga ai. Ngai hkum nan nanhte kaw du taw nga ai zawn, dai hkrithpa n shawp ai amu galaw ai wa a ntsa e dai Madu Yesu a mying nsang hte ngai jeyang daw dan we ai.

2 KORINHTU 1:23

Korinhtu mare de ngai bai n sa sana ngu nna ngai myit daw dan ai lam gaw nanhte hpe hkyamsa shangun mayu ai majaw re ai lam, nye a myit masin hpe chye ya ai Karai Kasang gaw nye a sakse rai nga sai.

2 KORINHTU 13:10

Nanhte hte tsan gang nga yang ngai ndai laika hpe ka ai lam gaw, ngai nanhte kaw du sa ai shaloi Madu ngai hpe jaw da ai ahkang aya hpe sheng mareng di nna n jai lang ra na matu rai nga ai. Dai ahkang aya gaw nanhte hpe sharun shabya kau na matu n rai, nanhte hpe gaw gap na matu she rai nga ai.

2 KORINHTU 2:4

Ngai gaw tsin-yam tsindam myit ru myit yak grai hkrum nna myi prwi law law pru let dai laika hpe ka dat se ai. Nye a yaw shada ai lam gaw nanhte hpe myit yawn shangun na matu n rai; Nanhte hpe ngai gade daram tsaw ra nga ai hpe chye shangun mayu ai majaw ka dat ai rai nga ai.

TITU 3:12

Artima hpe, shing n rai Tuhkiku hpe, nang kaw ngai shangun dat yang, Nikapoli mare de ngai hpe sa tau na atsam htum hkra shakut nna sa wa rit; hpa majaw nga yang, dai mare e nshung ta shalai na ngu nna ngai myit daw dan da se ai.