2 KORINHTU 13:7 - Jinghpaw Common Language Bible 2009

⁷ Nanhte gaw shut ai lam hpe n galaw myit ga, ngu nna anhte Karai Kasang kaw akyu hpyi ga ai. Dai gaw, anhte chyam dinglik ai hpe awng dang ai lam madun dan na matu n rai, anhte ni gaw hkrat sum mat ai ni zawn san ti mung, nanhte teng man ai hpe galaw lu myit ga she hpyi ya nga ga ai.

Jinghpaw Hanson Version Bible

⁷ Dai hta kaga, anhte dinglik hkam lu ai lam dan wa u ga n re ai sha, anhte dinglik n hkam lu ai ni zawn rai na ga ai rai timung, nanhte gaw kaja ai lailen galaw lu myit ga hte, n kaja ai lai len n galaw myit ga, ngu nna Karai Kasang hpe anhte ahpyi nga ga ai.

2 KORINHTU 13:7 ပူးပေါင်းရင်းမြစ်များ

1 HKAWHKAM LABAU 4:10

Rai ti mung Yabet chyawm gaw Israela Karai Kasang hpe, “Karai Kasang e, ngai hpe shaman ya e, ngai hpe lamu ga dam lada jat ya e. Ngai hte rau a nga nga nna ngai hpe machyi hkra shangun ai n hkru n kaja ai lam hta na makawp maga la e law,” ngu nna hpyi wu ai. Shi hpyi ai hte maren, Karai Kasang jaw ya nga ai.

MAHTE 6:13

Agung alau nga ai de anhte hpe n sa shangun ai sha, n kaja ai lam hta na mung shaw la mi law, (N gawn tawa hpe hkang ai ahkang hte hpung shingkang arawng sadang gaw, htani htana nang hta anga nga u ga law) Amen.

YAWHAN 17:15

Ndai ni hpe mungkan ga na htawt la na nang kaw ngai hpyi nngai n rai, shanhte hpe Satan a lata na lawt hkra makawp maga na she ngai hpyi nngai.

ROMA 1:28

Dai masha ni gaw Karai Kasang hte seng ai teng man ai machye machyang shanhte a myit hta bang da na ningdang kau ma ai majaw shanhte n galaw ang ai n hpru n mai re ai amu galaw mu ga, Karai Kasang gaw shanhte hpe n san n seng ai myit mang lam ni hta nawng kau mu ai.

ROMA 12:17

Nanhte hpe masha langai ngai n hkru n kaja ai hku tai yang, shi hpe n hkru n kaja ai hku hkum tai mu, masha shagu a myit hta htap htuk mai kaja ai ngu myit sawn la mai ai amu galaw na shakut shaja nga mu.

ROMA 13:13

Anhte gaw tang pyaw lam hkan ai hte chyaru nang ai, shawa num gaswi ai, hte ngang kayut ai, ga law ga la ai hte manawn masham ai hpe n hkan ai sha, shani chyingtung a nhtoi hta hkawm sa ai ni zawn anhte ahkawm nga ga.

ROMA 16:10

Hkristu hta sadi dung ai lam hta ra n rawng ai Apele hte Aristobulu a nta na ni hpe shakram ya mi.

1 KORINHTU 11:19

(Nanhte hta hka bra wa ai lam byin na sha rai nga ai. Shaloi she kadai ni gaw jaw ai maga rai nga ai ngu ai teng man ai lam asan sha dan pru wa na ra ai.)

2 KORINHTU 10:10

Hpa majaw nga yang, masha nkau mi gaw, “Pawlu a laika ni gaw grai sawng nna n-gun atsam namnak rawng ai laika ni rai lu ai, rai ti mung shi hkum nan anhte hte rau nga ai shaloi, shi gaw n-gun kya nna hpung n rawng ai hte shi a ga ni hpa tang n du lu ai,” nga nna tsun ma ai.

2 KORINHTU 10:18

Hpa majaw nga yang, tengman ai arawng hkam la ai wa gaw tinang hkum dai tinang shagrau shatsaw ai wa n rai, Karai Kasang e shagrau shatsaw hkrum ai wa she rai nga ai.

2 KORINHTU 13:6

Anhte gaw hkrat sum ai ni n re ai hpe nanhte chye na re ngu nna ngai kam nngai.

2 KORINHTU 13:8

Hpa majaw nga yang, anhte gaw teng man ai lam hte nhtan shai ai hpa mung n galaw ga ai, teng man ai lam a maga de sha tsap ga ai.

2 KORINHTU 13:9

Dai rai nna, anhte gawng kya nga nna nanhte n-gun ja nga yang, anhte kabu gara ga ai. Shing rai nanhte hkum tsup ai ni rai wa myit ga mung anhte akyu hpyi nga ga ai.

2 KORINHTU 6:4

Ru yak jam jau lam ni, tsin-yam tsindam ni, yak hkak lam ni hpe myit galu kaba hte hkam sharang nna anhte galaw ai lam shagu hta anhte gaw Karai Kasang a nchyang mayam ni rai nga ga ai lam she madun dan ga ai.

2 KORINHTU 8:21

Dai Madu a man e sha n rai, masha a man e mung, teng man htap htuk ai amu galaw na gaw anhte a yaw shada ai lam nan rai nga mali ai.

HPILIPI 4:8

Hpu nau ni e, hpungdim hku nna tsun ga nga yang, nanhte gaw hpa teng man ai lam rai ti mung, hpa ding hpring ai lam rai ti mung, hpa san seng ai lam rai ti mung, hpa sharawng awng hpa lam rai ti mung, hpa sha-a ram ai lam rai ti mung, a rawng re ai lam lama ma, shakawn kungdawn re ai lam lama ma rai nga yang gaw dai lam hte hpe myit sumru yu nga mu.

1 HTESALONI 5:23

Anhte hpe ngwi pyaw sim sa ai lam jaw ya ai Karai Kasang gaw, nanhte hpe lam shagu hta shachyoi shapra nna, anhte a Madu Yesu Hkristu bai du sa ai shaloi e, nanhte a Wenyi, myit masin hte hkum hkrang ting gaw, mara n kap hkra bau maka nga u ga.

1 TIMOHTI 2:2

Anhte gaw Karai Kasang hpe hkrit hkungga ai lam ni yawng hta atsawm sha hkan sa nna htap htuk mai kaja ai arawn asam rawng let ngwi pyaw sim sa ai hku asak hkrung nga lu u ga, Hkawhkam ni hte ahkang lu ai ni yawng a matu mara akyu hpyi nga mu.

2 TIMOHTI 2:15

Nang chyawm gaw shi a amu hta kaya shara hpa n rawng ai magam gun hpai wa zawn mung, Karai Kasang a teng man ai mungga hpe jaw ang ai hku hkaw tsun sharin achyin ya ai wa hku nna mung, Karai Kasang a man e myi man pa lu hkra na a atsam htum hkra shakut shaja nga u.

2 TIMOHTI 4:18

Dai Madu gaw n hkru n hkra ai lam yawng hta na ngai hpe mawai la nna, shi a sumsing lamu Mungdan de hkap hkra shim lam jaw let woi la na ring ngai. Shi hta htani htana prat dingsa e hpung shingkang anga nga u ga law! Amen.

YAKU 1:12

Agung alau ai lam ni hkrum yang ngang ngang kang kang sadi dung nga ai wa gaw a lu ai; hpa majaw nga yang dai wa gaw dai zawn re ai chyam dinglik ai lam hpe lai di awng dang kau lu ai shaloi Karai Kasang gaw shi hpe tsaw ra ai ni hpe jaw na nga nna ndat da sai asak hpe shi a shagrau kumhpa hku nna hkam la lu na ru ai.

1 PETRU 2:12

Tara maigan de na ni nanhte hpe n hkru n kaja ai lam galaw ai ni re ngu nna shadu myit yang, nanhte a kaja ai amu mu lu nna dai Madu bai du sa ai Nhtoi hta Karai Kasang hpe shakawn shagrau mu ga, nanhte gaw shanhte a man e nanhte a arawn alai lam hta tsawm htap kup tsup nga myit ga law.