2 KORINHTU 13:4 - Jinghpaw Common Language Bible 2009

⁴ Kaning rai nme law shi gaw n-gun kya ai madang hta wudang hta jen sat kau ai hkrum tim, Karai Kasang a n-gun atsam hte ahkrung nga ai. Anhte mung Hkristu hte langai sha tai ai a jaw e n-gun kya nga ga ai. Rai ti mung nanhte hte matut mahkai ai lam hta anhte gaw Hkristu hte rau ahkrung nga ga ai a jaw e Karai Kasang a n-gun atsam hpe jawm hkam la na ga ai.

Jinghpaw Hanson Version Bible

⁴ kaning rai nme law, n-gun kya ai majaw wudang e jen da hkrum rai timung, Karai Kasang a n-gun atsam a gawp e shi ahkrung nga ai. Anhte mung Hkristu hte maren gawng kya nga ga timung, nanhte hta rawng ai Karai Kasang a n-gun atsam majaw, anhte shi hte rau ahkrung nga na ga ai.

2 KORINHTU 13:4 ပူးပေါင်းရင်းမြစ်များ

YAWHAN 10:18

Gade e mung nye a asak hpe nawng kau shangun ai n rai. Nye a myit hte ngai nawng ya kau nngai. Nawng ya kau na ahkang hte bai la na ahkang ngai lu nngai. Shing rai galaw na matu nye Wa gaw ngai hpe hkang da ni ai,” ngu mu ai.

KASA 2:36

Dai re ai majaw, Israela amyu ting a Meshia hku nna mung, Madu hku nna mung, Karai Kasang e san da ai wa gaw, nanhte wudang hta jen sat kau ai Yesu nan rai nga ai gaw kaja wa chye nga myit ga law!,” ngu nna tsun mu ai.

KASA 3:16

Shi a mying nsang a atsam gaw ndai lagaw hten ai wa hpe n-gun lagaw jaw nu ai. Shi a amying nsang hpe kam sham ai a marang e, ya nanhte mu chye ai lam hpe shabyin dat sai. Nanhte yawng mu chye lu ai hte maren Yesu hpe kam sham ai hte chyu sha dai wa hpe shamai shatsai ya sai rai nga ai.

ROMA 1:4

Chyoi Pra ai Karai hkum hku nna Karai Kasang a Kasha nan rai nga ai hpe shadan dan na matu Karai Kasang gaw hpung shingkang kaba hte dai Madu hpe si ai kaw na bai jahkrung sharawt dat nu ai.

ROMA 14:9

Hpa majaw nga yang, Hkristu gaw hkrung nga ai ni hte si mat ai ni a Madu tai lu na matu si hkam nna bai hkrung rawt wa sai.

ROMA 6:4

Dai re ai majaw Hkristu gaw kawa a hpung shingkang hte si mat ai ni kaw na hkrung sharawt la hkrum wu ai hte maren anhte mung asak ningnan hta rawt hkawm wa lu hkra, dai hkalup hkam ai hta e anhte si hkam nna shi hte rau lup makoi ai hkrum saga ai.

1 KORINHTU 1:25

Hpa majaw nga yang, Karai Kasang a angawk angak re ai lam rai nga ai ngu nna myit nawn ai lam gaw, masha a hpaji byeng-ya hta grau hpaji rawng nga ai, Karai Kasang a n-gun kya ai zawn re ai ngu nna myit nawn ai lam mahtang gaw, shinggyim masha a n-gun atsam hta grau ja nga ai.

1 KORINHTU 15:43

Lup makoi hkrum ai shaloi n tsawm n htap ai hte n-gun n rawng nga ai; hkrung rawt wa ai shaloi, dai gaw tsawm htap ai hte n-gun atsam rawng na ra ai.

1 KORINHTU 2:3

Dai rai nna, ngai nanhte kaw sa du nga ai ten hte ting hta gawng kya ai hte hkrit gari let,

1 KORINHTU 6:14

Karai Kasang gaw dai Madu hpe si ai kaw na hkrung sharawt wu ai rai nna, anhte hpe mung shi a n-gun atsam hte hkrung sharawt na mi ai.

2 KORINHTU 10:10

Hpa majaw nga yang, masha nkau mi gaw, “Pawlu a laika ni gaw grai sawng nna n-gun atsam namnak rawng ai laika ni rai lu ai, rai ti mung shi hkum nan anhte hte rau nga ai shaloi, shi gaw n-gun kya nna hpung n rawng ai hte shi a ga ni hpa tang n du lu ai,” nga nna tsun ma ai.

2 KORINHTU 12:10

Dai rai nna ngai gaw Hkristu a jaw e hkam ai gawng kya ai lam ni jahpoi asawng ai, kyin dut ai. zingri zingrat hkrum ai, hte yak hkak ai lam ni a majaw kabu myit dik nga nngai, hpa majaw nga yang ngai gawng kya ai shaloi ngai n-gun atsam rawng nga nngai.

2 KORINHTU 13:9

Dai rai nna, anhte gawng kya nga nna nanhte n-gun ja nga yang, anhte kabu gara ga ai. Shing rai nanhte hkum tsup ai ni rai wa myit ga mung anhte akyu hpyi nga ga ai.

HPILIPI 3:10

Ngai gaw Hkristu hpe chye chyang na lam, shi a bai hkrung rawt wa ai n-gun atsam hpe mu hkrum hkam sha lu na lam, shi hte rau nni nkri hkam nna shi si hkam ai zawn si hkam na hpe sha ngai ra marit nga nngai.

HEBRE 5:7

Yesu gaw dinghta hkum shan hta asak naw hkrung nga ai ten hte hta, shi hpe si ai kaw na hkye mawai la lu ai Karai Kasang kaw nsen kaba hte hkrap myiprwi ni hkrat let akyu hpyi tawng ban ai lam galaw nu ai, Yesu gaw myit grit myit nem ai hte ap nawng ai wa re ai majaw, Karai Kasang mung shi a hpyi nem tawng ban ai hpe madat ya wu ai.

1 PETRU 3:18

Hpa majaw nga yang, Hkristu gaw anhte a yubak mara ni a majaw kalang mi hte yawng a matu ngut hkra si hkam sai. Shi gaw kaja ai masha langai mi rai nga da nna yubak lu ai ni a malai si hkam nu ai. Shing rai galaw ai lam gaw nanhte hpe Karai Kasang hpang de woi wa na matu rai nga ai. Shi gaw hkum shan hku nna sat kau ai hkrum timung, wenyi hta Karai Kasang jahkrung la sai.

1 PETRU 3:22

Yesu Hkristu gaw sumsing lamu de lung mat wa nhtawm, Karai Kasang a hkra maga de anga nga ai rai nna lamu kasa ni yawng hte sumsing lamu na ahkang aya lu ai ni hte, hpung dagu rawng ai ni yawng hpe up hkang nga ai.