2 KORINHTU 13:11 - Jinghpaw Common Language Bible 2009

¹¹ Nye a hpu nau ni e, ya anhte shakram dat ga ai, nanhte yawng ngwi pyaw nga myit ga law! hkum hkum tsup tsup rai nga lu hkra matut nna shakut shaja nga mu. Nye a hpyi lajin ai ga ni hpe madat mara nna shada da myit hkrum nga let ngwi pyaw sim sa ai hku nga nga mu. Tsaw ra myit rawng ai hte ngwi pyaw shangun ai Karai Kasang gaw nanhte hte rau nga nga na ra ai.

Jinghpaw Hanson Version Bible

¹¹ Dai hta kaga gaw, hpunau ni e, kabu gara nga mu; hkum hkum tsup tsup rai nga mu; shangwi shapyaw ai hkam la mu; myit mang langai sha rai nga mu; ngwipyaw ai lam hkan nna, tsawra myit rawng ai hte ngwipyaw shangun ai Karai Kasang gaw nanhte hte rau anga nga na ra ai.

2 KORINHTU 13:11 ပူးပေါင်းရင်းမြစ်များ

NINGPAWT NINGHPANG 37:4

Shanhte a kawa shanhte hpe tsaw ra ai hta Yosep hpe mahtang grau nna tsaw ra ai hpe mu ma yang, shanhte gaw shanhte a kanau hpe grai wa n dawng nga ma ai hte shi hpe hku lahkun re ai lai hte n kam hkap shaga ma ai.

NINGPAWT NINGHPANG 45:24

Shi gaw shi a kahpu kanau ni hpe shangun dat nhtawm shanhte pru wa ai shaloi, shi shanhte hpe, “Hkrun lam hkan e, ndang kalang hkum rai hkat myit,” ngu nna tsun dat wu ai.

MAHTE 1:23

Shi gaw, “Yu u, dai hkawn sek gaw na-um nasin rai wa nna, shadang sha shangai na ra ai, shi a mying, Emanuela ngu shamying ya na maru ai,” nga ai. De a lachyum gaw, “Karai Kasang anhte hte rau rai nga ai!,” nga ai re.

MAHTE 5:48

Dai majaw sumsing lamu na nanhte a Kawa gaw kup tsup nga ai hte maren, nanhte mung kup tsup nga mu.

MARKU 10:49

Yesu gaw hkring tsap let, “Shi hpe shaga wa marit,” ngu mu ai. Dai rai nna shanhte gaw dai myi kyaw ai wa hpe shaga wa mu ai. Shanhte gaw, “Myit pyaw kabu nga nu! Rawt u, Shi nang hpe shaga nga ai,” ngu mu ai.

MARKU 9:50

“Jum gaw kaja nga ai rai ti mung dai jum hkawng mat a yang gaw nanhte kaning di bai jashum la lu na myit ta? “Nanhte hta hkau chyap kanawn mazum ngu ai jum rawng nga shangun nhtawm, shada da sim sa ngwi pyaw ai hku nga mu,” ngu nna shanhte hpe tsun mu ai.

LUKA 9:61

Bai masha kaga langai wa mung, “Madu e, ngai nang kaw hkan nang na nngai; rai ti mung, nye nta na ni hpe wa shakram da na ahkang naw jaw e,” ngu wu ai.

YAWHAN 17:23

Nang ngai hpe shangun dat nna, nang ngai hpe tsaw ra nga ai zawn, shanhte hpe mung tsaw ra nga ai lam, mungkan masha ni chye lu na matu ngai gaw shanhte hta nga nga nna, nang mung ngai hta nga nga ai hte shanhte langai sha tai wa mu ga.

KASA 15:29

Ndai lam ni hpe nanhte koi gam nga myit yang nanhte a matu mai kaja ram ging na malit dai. Hkam kaja nga myit ga law,” nga ai.

KASA 18:21

“Karai Kasang hkraw yang gaw, ngai nanhte hpang de bai du na ring ngai,” ngu nna shanhte hpe shakram da nhtawm, Ehpesu mare kaw na li hte pru mat wa ai.

KASA 23:30

Yuda masha ni shi hpe sat kau na hpaji daw nga ma ai lam ngai hpe shana ma ai majaw shaloi jang ngai shi hpe nang hpang de shangun dat we ai. Shi hpe mara shagun mayu ai ni hpe mung, na a man e sa shagun hkat na hku, hkang dat mawe ai,” nga nna rawng nga ai.

ROMA 12:16

Shada da myit tsang hkat nga mu. Gumrawng gumtawng n re ai sha arawng n lu ai lit ni hpe hkap la gun hpai nga mu. Tinang hkum hpe hpaji rawng ai zawn hkum nawn nga myit

ROMA 12:18

Nanhte a maga hku nna rai lu myit dai daram, masha nlang hte hte myit hkrum ngwi pyaw simsa hkra nga mu.

ROMA 14:19

Dai re ai majaw, anhte gaw shada ngwi pyaw sim sa ai hku nga lu na lam shabyin ya nna, shada da Wenyi n-gun atsam lu la shangun ai lam ni hpe galoi mung myit yaw shada let agalaw nga ga.

ROMA 15:13

Ya Chyoi Pra ai Wenyi a n-gun atsam hte nanhte a myit mada ai lam matut nna gumring gumrat galu kaba wa myit ga, myit mada ai lam a npawt rai nga ai Karai Kasang gaw, nanhte a kam sham ai lam hta e chyeju hte ngwi pyaw ai amyu myu nanhte hpe jahpring shatsup ya myit ga law.

ROMA 15:33

Ya ngwi pyaw ai npawt Karai Kasang gaw nanhte yawng mayawng hte rau a nga nga u ga law. Amen.

ROMA 16:20

Ngwi pyaw ai a npawt Karai Kasang gaw gade n na yang Satan wa hpe nanhte a lagaw npu e kabye agrawp kau na ra ai. Anhte a Madu Yesu a chyeju gaw nanhte hte rau anga nga u ga law.

1 KORINHTU 1:10

Hpu nau ni e, anhte a Madu Yesu Hkristu a mying nsang ahkaw ahkang hte nanhte yawng hpe ngai hpyi nem dat nngai. Nanhte hta myit garan nna daw hka bra wa ai lam n nga na matu nanhte tsun shaga ai mung sumtu hta myit hkrum nga mu. Nanhte gaw myit mang ai lam langai sha, yaw shada ai lam langai sha hte tsep kawp myit hkrum kahkyin gumdin nga mu.

2 KORINHTU 1:4

Anhte ru yak jam jau amyu myu hkrum ai shaloi Karai Kasang anhte hpe karum la mani ai. Dai rai nna, anhte gaw Karai Kasang kaw na anhte hkam la lu sai shalan shabran ai chyeju hte nan ru yak jam jau amyu myu hkrum nga ai kaga masha ni hpe bai karum la lu ga ai.

2 KORINHTU 13:9

Dai rai nna, anhte gawng kya nga nna nanhte n-gun ja nga yang, anhte kabu gara ga ai. Shing rai nanhte hkum tsup ai ni rai wa myit ga mung anhte akyu hpyi nga ga ai.

EHPESU 4:12

Shi shing rai galaw ai gaw Hkristu a hkum hkrang hpe gaw gap shagrin da u ga, Karai Kasang a masha ni yawng hte hpe Hkristan daw jau sasana bungli a matu mara hkum tsup hkra hkyen lajang shajin ya na matu rai nga ai.

EHPESU 4:3

Nanhte hpe shajup shangang da ai ngwi pyaw ai makyit sumri a marang e dai Wenyi e jaw ya ai myit hkrum kahkyin gumdin lam hpe atsam htum hkra kyem mazing da nga mu.

EHPESU 6:23

Kawa Karai Kasang hte Madu Yesu Hkristu gaw Hkristan hpu nau ni yawng hpe ngwi pyaw ai, tsaw ra ai hte, makam masham jaw ya u ga law.

HPILIPI 1:27

Ya e nanhte a matu grau nna ra ahkyak dik ai lam gaw Hkristu a kabu gara shiga e hkan sa shangun ai hte maren asak hkrung nga pra na lam rai nga ai. Shing rai jang ngai nanhte hpang de sa du ai rai ti mung, n du lu ai rai ti mung, Wenyi e yaw shada ai lam langai sha hte nanhte lahpran tsap nga nna, myit ra sharawng ai lam langai sha hte dai kabu gara shiga a makam masham lam ngang grin galu kaba wa na matu rau sha majan jawm gasat nga ai lam hpe ngai na lu na nngai.

HPILIPI 3:16

Gara hku mi rai ti mung, anhte gaw dai ni du hkra hkan sa lai wa sai lai masa ni hte maren shawng de shanang nna hkawm sa wa ga.

HPILIPI 4:2

Eodia hte Suntuki yan e, dai Madu hta kanau kana rai nga myit dai hte maren myit hkrum myit ra na matu chyeju hte ngai nan hpe hpyi nem dat nngai.

HPILIPI 4:4

Dai Madu hta nanhte tut nawng e kabu gara nga myit ga, bai ngai tsun nngai, kabu gara nga mu.

HPILIPI 4:9

Nye a ga ni hte galaw shamu shamawt ai lam ni hpe mu yu, na yu nna sharin la ai hte hkap la hkan galaw nga mu; shaloi ngwi pyaw ai a npawt Karai Kasang gaw nanhte hte rau anga nga na ra ai.

1 HTESALONI 3:10

Anhte gaw nanhte hpe myi man chyaw mu hkrum lu na hte, nanhte a makam masham hta naw ra nga ai hpe shatup shatsup na matu, anhte a myit masin yawng hte shani shana hpyi nem nga ga ai.

1 HTESALONI 4:1

Jahtum e hpu nau ni e, Karai Kasang sharawng awng na matu nanhte kaning rai asak hkrung ra ai lam anhte kaw na nanhte sharin la manit dai. Nanhte dai lam masa hku nna asak hkrung hkawm sa nga manit dai. Dai hta grau nna galaw lu na matu Madu Yesu a mying nsang hta nanhte hpe anhte hpyi nem shadut jahkat dat ga ai.

1 HTESALONI 4:18

Dai re ai majaw, ndai ga ni hte shada da shangwi shapyaw n-gun jaw hkat nga mu.

1 HTESALONI 5:13

Shanhte gun hpai ai magam bungli a majaw shanhte hpe grai wa di nna hkungga lara ai hte tsaw ra ai hku galaw nga mu. Nanhte a kata hta mung shada da ngwi pyaw sim sa ai hku asak hkrung nga mu.

1 HTESALONI 5:16

Tut nawng e kabu gara nga mu,

1 HTESALONI 5:23

Anhte hpe ngwi pyaw sim sa ai lam jaw ya ai Karai Kasang gaw, nanhte hpe lam shagu hta shachyoi shapra nna, anhte a Madu Yesu Hkristu bai du sa ai shaloi e, nanhte a Wenyi, myit masin hte hkum hkrang ting gaw, mara n kap hkra bau maka nga u ga.

2 HTESALONI 2:16

Anhte a Madu Yesu Hkristu shi nan hte anhte hpe tsaw ra nna shi a chyeju hte anhte hpe htani htana grin ai nden marai hte ngang kang ai myit mada shara jaw ai Wa Karai Kasang gaw,

2 HTESALONI 3:1

Anhte a hpu nau ni e, hpang jahtum nanhte hpe htet dat mayu ai lam gaw, Madu a mungga gaw nanhte hta e byin ai zawn matut nna grai lawan ai hku chyam bra wa na hte shagrau shareng let hkap la mu ga, anhte a matu akyu hpyi ya mi.

2 HTESALONI 3:16

Anhte a ngwi pyaw ai lam a npawt rai nga ai Madu gaw, nanhte hpe tut nawng e lam shagu hta ngwi pyaw ai lam ajaw nga u ga.

2 TIMOHTI 2:22

Brang ram a myit kayut ai lam ni hpe koi gam nna Madu hpe san seng ai myit hte karum hpyi ai ni hte rau ding hpring ai lam, kam sham ai lam, tsaw ra ai lam hte ngwi pyaw sim sa ai lam hpe tam shakut nga u.

HEBRE 12:14

Masha shagu hte ngwi pyaw ai hku nga lu hkra mung, chyoi pra ai asak hkrung lam hpe lu la hkra mung, tam shakut nga mu. Hpa majaw nga yang, dai zawn re ai asak hkrung lam hte n rai yang kadai mung dai Madu hpe mu lu na n rai.

HEBRE 13:20

Shi a asak hpe nawng ya kau nna si hkam ai hte htani htana ga shaka hpe dazik dawk da sai majaw sagu ni a Sagu Rem Wa Kaba ngu ai anhte a Madu Yesu hpe Karai Kasang gaw si ai kaw na bai jahkrung sharawt la nu ai.

YAKU 1:4

Nanhte gaw hpa lam hta mung ra rawng ai lam n nga nna hpring tsup nga myit ga, nanhte a hkam sharang ai myit hpe jahtum du hkra ngang grin nga shangun u.

1 PETRU 3:11

Shi gaw n hkru n kaja ai kaw na kayin mat wa nna mai kaja ai amu galaw let; shi a myit masin yawng hte dai ngwi pyaw sim sa ai lam a matu shakut shaja lu na rai nga ai.

1 PETRU 3:8

Hpungdim hku nna tsun mayu ai gaw, nanhte yawng hte hta maren mara re ai myit masa hte myit hta hkam sha ai lam rawng nga lu na rai nna; shada da shinggyim nau na zawn tsaw ra ai hte shada da matsan dum nna shagrit shanem hkat nga mu.

1 PETRU 5:10

Rai ti mung nanhte jahkring sha mi nni nkri hkam ngut ai hpang, chyeju yawng mayawng a Madu rai nga ai Karai Kasang gaw nanhte hpe Hkristu hta langai sha tai shangun nna htani htana hpung shingkang hta shang sha lu mu ga, nanhte hpe shaga la ai Madu shi nan nanhte hpe ra n rawng hkra jahkum shatsup ai lam shangang shakang ai lam, n-gun lagaw sharawng ai lam ni jaw nna ngang kang ai npawt hkridun hta tsap nga lu ai ahkang jaw na marin dai.

SHINGRAN 22:21

Madu Yesu Hkristu a chyeju gaw, Karai Kasang a masha ni hte rau anga nga u ga law! Amen!