2 KORINHTU 12:7 - Jinghpaw Common Language Bible 2009

⁷ Ngai mu lu ai jahtum chyalai mau hpa shingran a majaw ngai hta myit kaba gumrawng ai lam n nga u ga, nye a hkum shan hta ju machyi ai lam langai mi hkam sha nga nngai. Dai machyi ai lam gaw Satan wa e shangun dat ai kasa wa zawn ngai hpe abyen nna nye a gumrawng ai kawng hpe daw kau ya nga ai.

Jinghpaw Hanson Version Bible

⁷ Ya dai chyahtum chyalai re ai shingran a majaw, ngai myit nau wa n kaba u ga, ngai hpe abyen na Satan a salung sala ngu ai, nye hkum shan hta ju ai aju ngai hkrum nga nngai; shing rai ngai nau wa myit n kaba nngai.

2 KORINHTU 12:7 ပူးပေါင်းရင်းမြစ်များ

NINGPAWT NINGHPANG 32:25

Dai wa shi n dang lu ai hpe mu jang, Yaku a dangbau manat ya ai rai nna hkrihkraw kashai mat wu ai.

NINGPAWT NINGHPANG 32:31

Hpeniela shara na Yaku pru wa yang, jan pru sai. Shi a dangbau a majaw shi a lagaw layawt mat wu ai.

2 HKAWHKAM LABAU 26:16

Rai ti mung Hkawhkam Uzia gaw n-gun rawng wa jang, myit tsaw myit dap wa ai rai nna dai gaw shi hkrat sum na lam de woi mat wa nga ai. Shi gaw tawn hkungri ntsa e manam pyaw ai baw hpe nat nawng na nga Nawku Htingnu kata de shang nna dai Madu shi a Karai Kasang hpe hkap daw wu ai.

2 HKAWHKAM LABAU 32:31

Babelon dat kasa ni dai lamu ga kata byin ai laklai mabyin masa hte seng ai hpe sa sagawn yu ai shaloi pyi shi a arawn alai chyam yu na nga, Karai Kasang gaw Hezekia hpe shi a lam hku sha sa shangun nga ai.

YOBA 2:6

Dai rai nna, dai Madu gaw Satan hpe, “Rai sa, shi gaw na a lata hta rai nga ai; rai ti mung nang shi hpe sat kau lu na ndai n rai,” ngu nna tsun wu ai.

YOBA 2:7

Dai hpang Satan gaw dai Madu a man kaw nna pru mat wa nhtawm Yoba a hkum ting hta krwi jap tu ahpra shangun wu ai.

EZEKELA 28:24

Dai Madu gaw, “Israela hpe machyi shangun ai ju shingna ni zawn, grup yin e nga ai masha amyu baw ni kadai mung Israela hpe n kaw n law re ai lam galoi mung bai nga na ra ai n rai. Ngai nan Tsaw Htum ai dai Madu rai nga nngai hpe shanhte chye wa na mara ai.”

Daniela 5:20

Rai ti mung shi mahtang gumrawng gumtawng ai hte du ja nna mazut gumshem nga ai majaw shi a hkawhkam tingnyang kaw na hkrat mat ai hkrum ai hte shi hpe shagrau sha-a ai mung n nga mat nga ai.

HOSEA 2:6

Dai re ai majaw, ngai gaw shi a lam pat kau lu hkra, ju hpun ni hte shakum kum nhtawm bunghku langai galaw na nngai.

BU HKAWM 33:55

Rai ti mung dai mung hta nga ai masha ni hpe nanhte n gawt shapraw kau ai rai yang, naw ngam nga ai ni mahtang nanhte a myi ni hta maza mala zawn, nanhte a garep ni hta ju shingna zawn sharu shatsang ai hte nhtang gasat na mara ai.

MAHTE 26:67

Shaloi shanhte gaw shi a myi man hpe mayen mahtaw bun ai hte shi hpe htwi mu ai. Nkau mi shi hpe kahpret nna,

MAHTE 4:10

Shaloi Yesu gaw, “Satan e pru mat wa u! ‘Dai Madu na a Karai Kasang hpe nang nawku lu na rai nna, shi hpe hkrai daw jau lu na re ai!, nga nna she ka da nga ai,” ngu nna shi hpe htan wu ai.

LUKA 13:16

Ya ndai Abraham a amyu matu shayi sha hpe mung, shi matsat ning tup, Satan e gyit hkang da ai sumri hta na, Bansa Nhtoi e mai raw dat ai n rai ni?,” ngu nna htan wu ai.

1 KORINHTU 4:11

Ya ten du hkra anhte kawsi hpang gara, singgu krin, adup ajin zingri hkrum nna nga shara garen let shara mi kaw nna shara mi de hkawm nga ga ai.

1 KORINHTU 5:5

Dai tara daw dan ai Madu a nhtoi hta e dai wa a wenyi hkye hkrang la hkrum na matu, dai wa a hkum hkrang hpe jahten kau ra ai majaw, nanhte gaw dai wa hpe Satan a lata de ap kau na rai myit dai.

2 KORINHTU 10:10

Hpa majaw nga yang, masha nkau mi gaw, “Pawlu a laika ni gaw grai sawng nna n-gun atsam namnak rawng ai laika ni rai lu ai, rai ti mung shi hkum nan anhte hte rau nga ai shaloi, shi gaw n-gun kya nna hpung n rawng ai hte shi a ga ni hpa tang n du lu ai,” nga nna tsun ma ai.

2 KORINHTU 10:5

Anhte gaw Karai Kasang hpe chye chyang ai hpaji hpe dingbai dingna jaw ai amu yawng hpe run hpya jahten kau ga ai. Anhte gaw masha myit mang ai lam nga manga hpe rim sharen da nhtawm Hkristu a ga madat mara shangun ga ai.

2 KORINHTU 11:20

Nanhte gaw, nanhte hpe reng sha ai ni, nanhte a ntsa e ahkaw ahkang la ai ni, nanhte hpe mahkam hte rim la ai ni, nanhte hpe yu kaji ai ni, nanhte a myi man kahpret ya ai ni kadai hpe mung nanhte hkam mana nga myit dai.

2 KORINHTU 12:1

Gumrawng ai lam gaw akyu n nga ai rai ti mung dai Madu kaw na shingran ni hte madun dan ai lam ni hte seng nna ngai gumrawng ai ga naw tsun nga nngai.

GALATI 4:13

Shawng na lang ngai nanhte hpe dai Kabu Gara Shiga hkaw dan lu ai lam gaw, hkum hkrang machyi hkrum nna hkring nga ai majaw lu hkaw dan ai re ai hpe nanhte dum chye nga myit dai.

TARA JAHPRANG 17:20

Dai gaw shi hpe kaga Israela masha ni hta grau mai kaja nga ai hte dai Madu a hkang da ai ga hpe lam lama ma hku nna n hkan kau ai kaw na makawp maga ya na ra ai. Dai hpang shi gaw shaning law law up hkang na ra ai rai nna, shi a amyu matu ni mung Israela hpe prat ban law law up hkang na ra ai.

TARA JAHPRANG 8:14

nanhte mayam sa tai nga ai Egutu mung kaw na nanhte hpe hkye hkrang la ai wa, nanhte a Madu Karai Kasang hpe malap kau nna gumrawng ai myit n rawng nga myit ga, sadi nga mu.

1 TIMOHTI 3:6

Shi gaw Hkristan nnan tai ai wa mung n rai u ga, shi gaw gumrawng gumtawng ai hta myit tsaw myit dap wa nna Nat Satan hpe zawn jeyang daw dan ai n hkrum u ga, dai makam masham hta myit su kunghpan wa ra nga ai.

TARA AGYI 2:3

Dai rai nna nanhte rawt lung wa myit yang, dai masha amyu ni hpe ngai n gawt shapraw kau ya sana, ngu ya nanhte hpe ngai tsun made ai. Shing rai shanhte gaw nanhte a gumlau hpyen tai nhtawm, shanhte a hpara ni hpe nawku wa hkra mahkam hkam hkrum na rai myit dai,” ngu nna tsun wu ai.