2 KORINHTU 12:6 - Jinghpaw Common Language Bible 2009

⁶ Ngai gumrawng mayu yang mung, angawk angak ngai tai na nngai n rai; hpa majaw nga yang, ngai gaw teng man ai sha tsun na rai nga ai. Rai ti mung ngai n gumrawng na nngai, hpa majaw nga yang, kadai wa mung ngai galaw ai lam hte tsun ai ga hpe mu lu na lu ai majaw ngai hpe chye ai hta jan nna ngai hpe htang kaba ai lam n byin shangun mayu nngai.

Jinghpaw Hanson Version Bible

⁶ Ngai gumrawng mayu timung, angawk angak ngai tai na nngai n rai; kaning rai nme law, tengman ai ga ngai tsun na nngai: rai timung, ngai hkum hpe mu ai hte nye a n-gup ga na lu ai hta n-ga, nye a lam kadai mung hpa n nawn mu ga, gumrawng na lam da kau na nngai.

2 KORINHTU 12:6 ပူးပေါင်းရင်းမြစ်များ

YOBA 24:25

Ndai hku she re law, nga nna kadai ningdang lu na rai ta? Nye a ga ni gaw n teng n man nga ai nga nna kadai sakse madun lu na rai ta?

ROMA 9:1

Ngai gaw Hkristu hte seng ai wa rai nna teng man ai ga ngai tsun nga nngai, hte ngai n masu nngai. Ngai teng man ai ga tsun nga nngai gaw dai Chyoi Pra ai Wenyi e up hkang ai hpe hkam la nga ai nye a kraw lawang myit e sakse hkam ya nga ai.

1 KORINHTU 3:5

Apolo gaw kadai wa rai nga a ta? Pawlu mung kadai wa rai nga a ta? Anhte gaw Karai Kasang a shangun ma ni sha rai nna, anhte a marang e nanhte Karai Kasang hpe kam sham wa lu myit ga, woi awn lanu lahku ya ai ni sha rai nga ga ai. Dai rai nna anhte langai hte langai gaw Karai Kasang e garan masat jaw da ya ai amu hpe gun hpai lu ga ai.

2 KORINHTU 1:18

Kaja wa Karai Kasang gaw tengman ai hpe tsun nga ai hte maren, ngai nanhte hpe jaw ai ga sadi mung, “Re ai,” hte “N re ai,” kayau ai ga kabra n rai nga ai.

2 KORINHTU 11:16

Bai ngai kahtap tsun mayu nngai gaw, ngai hpe angawk ai wa re ngu nna kadai mung n mai sawn la ai. Rai ti mung, nanhte dai hku sawn la ai rai yang mung, dik shale ngai hpe angawk ai wa langai mi hku nna hkap la mi. Shing rai ngai mung gumrawng ai ga loi mi tsun na nngai.

2 KORINHTU 11:31

Ngai masu magaw ga n tsun ai gaw Madu Yesu a Kawa Karai Kasang chye nga ai. Dai Madu Karai Kasang a mying ningsang gaw tut nawng a nga u ga law!

2 KORINHTU 12:11

Ngai gaw angawk ai wa zawn rai nga nngai. Nanhte mahtang ngai hpe dai zawn rai shangun manit dai. Nanhte ni mahtang ngai hpe tau madi shadaw ai lam madun ang ai ni rai nga myit dai. Hpa majaw nga yang, ngai gaw hpa n re ai wa rai nga yang pyi gaw, nanhte a laksan ahkyak shatai ai “Kasa ni” hta gara hku nna mung n grit nga nngai.

2 KORINHTU 12:7

Ngai mu lu ai jahtum chyalai mau hpa shingran a majaw ngai hta myit kaba gumrawng ai lam n nga u ga, nye a hkum shan hta ju machyi ai lam langai mi hkam sha nga nngai. Dai machyi ai lam gaw Satan wa e shangun dat ai kasa wa zawn ngai hpe abyen nna nye a gumrawng ai kawng hpe daw kau ya nga ai.

2 KORINHTU 5:13

Anhte kaja wa n gring mat saga ni? N gring nga ga yang gaw Karai Kasang a matu mara n gring nga ga ai. Shing n rai anhte gring nga ga ni? Gring nga ga yang gaw nanhte a matu gring nga ga ai.

2 KORINHTU 7:14

Ngai gaw Titu hpe nanhte a lam gumrawng dan ni ai. Shing rai gumrawng dan ai hte maren teng man nga ai lam nanhte madun dan manit dai majaw ngai hpe myit daw shangun myit dai n rai. Anhte gaw nanhte hpe galoi mung teng man ai lam hpe sha tsun ga ai hte maren, Titu hpe nanhte a lam gumrawng dan ai lam mung teng nga ai hpe chye lu sai.