2 KORINHTU 12:18 - Jinghpaw Common Language Bible 2009

¹⁸ Ngai gaw Titu hpe nanhte hpang de sa na matu hpyi lajin nna shangun dat nngai. Kaga Hkristan hpu nau langai mi mung shi hte rau hkan nang sa ai. Titu gaw nanhte a ntsa e ahkaw ahkang la nna sen di sha ai ngu na kun? Shi hte ngai gaw maw mawn ai myit mang lam langai sha hta hpawm hkrum nna lam masa langai hta sha hkan sa galaw ai ni n rai ga ni?

Jinghpaw Hanson Version Bible

¹⁸ Titu hpe ngai shadut jahkat nna, dai hpunau wa hpe shi hte rau shangun dat nngai. Titu gaw nanhte hpe sen di sha nga ai kun? Anhte gaw Wenyi langai sha hta hkawm nga ga ai, n rai kun? Lagaw hkang langai sha hta anhte hkawm nga ga ai, n rai ni?

2 KORINHTU 12:18 ပူးပေါင်းရင်းမြစ်များ

NEHEMIA 5:14

Hkawseng Artazazi hkaw dung ai hkun ning kaw nna sumshi lahkawng ning du hkra, shi lahkawng ning tup, Yuda mung e ngai munggyi tai nga ai shaloi, ngai hte nye a makyin jinghku ni munggyi jarit sha ga ai n rai.

BU HKAWM 16:15

Mawshe gaw masin pawt ai hte dai Madu hpe, “Ndai masha ni la sa ai hkungga hpa hpe mung hkum hkap la ya et; ngai shanhte hte hpa mara mung n galaw shut yu nngai; shanhte a lawze langai mi hpe pyi n la yu nngai,” ngu nna tsun wu ai.

ROMA 4:12

Abraham gaw matu gadoi ai hking hkam la ai ni a kawa mung rai nga ai. Lam mi hku tsun ga nga yang, shi gaw matu gadoi ai hking hkam la ai hta n-ga, anhte a kaji kawa Abraham matu gadoi hking garai n hkam la ai ten hta Karai Kasang hpe kam sham asak hkrung shamu shamawt lai wa sai kasi ningli hpe hkan dagraw ai ni a kawa mung rai nga ai.

1 KORINHTU 4:21

Ngai gaw nanhte hpang de shingna lang nna sa na rai ni? Shing n rai, tsaw ra nna sumnung shingdi ai wenyi hte nanhte hpang de sa du na kun? Nanhte gara mahtang hpe grau ra sharawng nga myit ta?

2 KORINHTU 7:2

Nanhte a myit masin hta anhte a matu shara jaw nna hkap hkalum la mi. Anhte kadai hpe mung n shut n hpyit ga ai; kadai hpe mung n sharun jahten ga ai; kade a ntsa e mung ahkaw ahkang n la ga ai.

2 KORINHTU 7:6

Rai ti mung myit kaji garen nga ai ni hpe karum n-gun jaw ai Karai Kasang gaw, anhte hpang de du sa wa ai Titu hku nna anhte hpe myit n-gun lu la shangun mi ai.

2 KORINHTU 8:6

Dai re ai majaw shawng kaw nna lit la galaw nga sai Titu hpe ndai alu hte seng nna nanhte a laksan tsaw ra shawang myit hte daw jau ai amu ngut kre hkra nanhte hpe karum u ga, anhte shi hpe shadut gaw ai.

1 PETRU 2:21

Dai hte maren nanhte galaw hkan sa na matu she, Karai Kasang gaw nanhte hpe shaga la manit dai; hpa majaw nga yang Hkristu shi hkum nan mung nanhte a matu nni nkri hkrum wu ai hte nanhte shi a hkang hta hkan nang lu myit ga, nanhte a matu ningli tawn da nu ai.