2 KORINHTU 12:14 - Jinghpaw Common Language Bible 2009

¹⁴ Ya ngai nanhte kaw masum lang ngu na sa du kawan na jin jin rai nga ni ai rai nna, ngai nanhte hpe kaga mi n htet shatsang na ni ai. Hpa majaw nga yang, ngai ra ai gaw ja gumhpraw hpe n rai, nanhte hpe sha ngai ra nga nngai. Kaja wa nga yang, kashu kasha ni gaw kanu kawa ni a matu sutgan mahkawng da na n ang ai, kanu kawa ni mahtang she shanhte a kashu kasha ni a matu mahkawng da na ang nga ai.

Jinghpaw Hanson Version Bible

¹⁴ Yu mu, ya masum lang ngu na hta nanhte kaw du na ngai jin jin rai ni ai rai nna, ngai nanhte hpe n sharu shatsang na nngai. Kaning rai nme law, nanhte a arung arai hpe ngai tam nngai n rai, nanhte hpe sha ngai tam nga nngai: kashu kasha ni gaw kanu kawa ni a matu sutgan mahkawng da na n ang ai sha, kanu kawa ni mahtang kashu kasha ni a matu mahkawng da na ang nga ai.

2 KORINHTU 12:14 ပူးပေါင်းရင်းမြစ်များ

GA SHAGAWP 11:30

Ding man ai lam gaw asak hpe jaw ya lu tim, kashun kashe du daw sai hkaw amu gaw dai hpe dawm kau ya nga ai.

GA SHAGAWP 13:22

Mai kaja ai masha wa gaw shi a kashu ni a matu sut gan sali wunli ngam da ya na ra ai; rai ti mung, yubak kap ai wa a sut gan chyawm gaw ding hpring ai masha ni hpang de du mat na ra ai.

GA SHAGAWP 19:14

Masha gaw shi a kanu kawa ni kaw na, nta hte sut gan sali wunli hpe hkam la lu nga ai; dai Madu chyu sha shi hpe htauli htaula myit rawng ai madu jan jaw ya lu nga ai.

EZEKELA 34:2

Shi gaw, “Si chye ai masha wa e, Israela a du ni hpe jahpoi u. Tsaw Htum ai dai Madu ngai nan shanhte hte seng nna tsun ai myihtoi ga ni hpe htoi u: Israela a sagu rem ni e, nanhte gaw dingnye hkrum nga myit dai! Nanhte gaw tinang hkum hpe sha bau nna, sagu ni hpe galoi mung bau rem nga myit dai n rai.

KASA 20:33

Ngai gaw gade a ja gumhpraw hpun nba mung n ra marin yu nngai.

1 KORINHTU 10:24

Kadai wa mung tinang a akyu ni hpe n tam ai sha, masha kaga ni a akyu ni hpe tam nga u ga.

1 KORINHTU 10:33

Masha yawng mayawng hkye hkrang la ai hkrum mu ga she, nye a matu mai kaja ai lam n myit ai sha, yawng mayawng a akyu hpe tam let, masha ni sharawng awng hkra galaw nngai. Nanhte mung ngai galaw ai zawn hkan galaw mu.

1 KORINHTU 11:34

Dai rai nna, Madu a Shana Shat Sha Poi sha na matu nanhte zuphpawng nga myit yang, Karai Kasang a tara dara ai hkrum na matu n rai u ga, masha langai ngai kawsi a yang gaw, nta e sha la u ga. Kaga ra ai lam ni hte seng nna ngai du sa ai shaloi she lajang sanglang na we ai.

1 KORINHTU 16:5

Makedoni mung hku ga sa wa nhtawm, ngai nanhte kaw sa du na ring ngai; hpa majaw nga yang, ngai Makedoni mung hku ga shang sa wa ra nngai.

1 KORINHTU 4:19

Dai Madu hkraw a yang gaw, ngai nanhte hpang de alawan sa du na ring ngai. Dai shaloi shing rai gumrawng gumtawng nga ai ni a n-gup atsam hpe sha n rai, shanhte a n-gun atsam hpe mung ngai nan chye la lu na ring ngai.

1 KORINHTU 9:12

Sara kaga ni nanhte kaw na lu la na myit mada na ahkang lu ma yang gaw, anhte grau nna lu ang ga ai n rai ni? Rai ti mung dai ahkaw ahkang hpe n la ga ai. Ahkaw ahkang la na malai, Hkristu a lam Kabu Gara Shiga hpe shingdang da ai dingbai dingna n byin u ga, yak hkak ai lam shagu hpe anhte hkrum katut shakut sharang nga ga ai.

1 KORINHTU 9:18

Dai rai yang, ngai gaw hpa baw shabrai wa hkam sha lu na rai nga a ta? Dai gaw manu jahpu n hpyi ai sha Kabu Gara Shiga hpe hkaw tsun lu ai hte nye a ahkaw ahkang hpe n jai lang ai sha dai Kabu Gara shiga amu hpe gun hpai lu ai amyat rai nga ai.

1 KORINHTU 9:19

Shing rai ngai gaw, kade a mayam mung n rai nngai; rai ti mung, masha law lu ai made law hkra Hkristu hpang de woi lum la lu hkra, ngai gaw nye a hkum hpe masha nga manga a mayam shatai we ai.

2 KORINHTU 1:15

Ndai lam hte hpe myit mu myit hkut ai hte, nanhte lahkawng lang na chyeju lu la myit ga, nanhte kaw shawng sa du na ngu nna nnan e ngai myit yaw shada nngai.

2 KORINHTU 11:9

Dai hta n ga, ngai gaw nanhte hte rau nga nga ai ten e ja gumhpraw ra wa ai shaloi karum la na matu ngai nanhte hpe n shatsang nngai. Makedoni mung na sa du ai hpu nau ni chyawm gaw ngai ra mara a matu la sa wa ya ma ai. Lai wa sai ten hta mung, nanhte hpe lit n shali nngai zawn, du na ra ai ten hta mung nanhte hpe ngai galoi mung lit n shali na nngai.

2 KORINHTU 12:13

Nanhte kaw na karum gumhpraw n la ai hta lai nna, ngai nanhte hpe kaga buga hpung ni hte madang yawm ai hku galaw lai wa yu ni ai kun? Ndai zawn n tara ai hku galaw hkrup ai hpe chyeju hte mara naw dat kau ya mi.

GALATI 4:19

Tsaw ra ai kashu kasha ni e, Hkristu a gawng shingyan nanhte hta hkum tsup wa ai aten du hkra, ngai gaw ma shangai ai kanu zawn shinggyim machyi ai hpe nanhte a matu kalang mi bai hkam nga nngai.

HPILIPI 4:1

Dai rai nna hpu nau ni e, nanhte hpe ngai grai tsaw ra nga made ai hte grai myit dum marit nga nngai. Nanhte gaw nye a kabu gumrawng shara rai myit dai. Tsaw ra ai ni e, dai Madu hte langai sha tai nna asak hkrung ai lam hta ngang ngang lahpran tsap nga mu.

HPILIPI 4:17

Ning ngu nna ngai tsun nngai gaw, kumhpaw kumhpa ni hpe ngai ra marin nna n rai; nanhte galaw daw ai magam bungli a asi, amyat jahpan hta jat galu kaba wa na hpe sha ngai ra sharawng nngai.

1 HTESALONI 2:11

Kawa gaw tinang a kasha ni hpe yu gawn lajang ai zawn, nanhte langai hte langai hpe anhte yu gawn lajang lai wa saga ai lam nanhte chye nga myit dai.

1 HTESALONI 2:8

Nanhte gaw anhte a grai nja nhpra re ai ni tai wa manit dai! Karai Kasang kaw na Kabu Gara Shiga sha n rai, anhte a asak hpe pyi garan jaw na jin jin rai nga ga ai.