2 KORINHTU 11:9 - Jinghpaw Common Language Bible 2009

⁹ Dai hta n ga, ngai gaw nanhte hte rau nga nga ai ten e ja gumhpraw ra wa ai shaloi karum la na matu ngai nanhte hpe n shatsang nngai. Makedoni mung na sa du ai hpu nau ni chyawm gaw ngai ra mara a matu la sa wa ya ma ai. Lai wa sai ten hta mung, nanhte hpe lit n shali nngai zawn, du na ra ai ten hta mung nanhte hpe ngai galoi mung lit n shali na nngai.

Jinghpaw Hanson Version Bible

⁹ Makedoni mung na du sa ai hpunau ni chyawm gaw ngai ra mara shapraw jaw ma ai rai nna, nanhte hpe hpa mung n shatsang ai sha ngai sadi nga ai hte naw a sadi nga na nngai.

2 KORINHTU 11:9 ပူးပေါင်းရင်းမြစ်များ

NEHEMIA 5:15

Nye a shawng e rung dung ai munggyi shagu gaw amyu masha ni hpe lit li gun shangun ma ai rai nna, lusha hte sabyi ntsin a matu lani mi gumhpraw dengga mali shi shi hpyi la ya ma ai. Shanhte a shangun ma ni du hkra, amyu masha ni hpe dip gamyet sha lai wa masai. Rai ti mung ngai gaw Karai Kasang hpe shagrau sha-a nngai majaw dai hte shai ai hku ngai galaw nngai.

KASA 18:3

shan gaw Pawlu zawn janghpang chywi sha ai ni rai nga ma ai. Dai rai nna, Pawlu gaw shan kaw sa nna shan hte rau amu jawm galaw let nga nga ai.

KASA 18:5

Ya Sila yan Timohti Makedoni mung nna hkan dep du wa ma yang Pawlu gaw mungga hkaw tsun ai amu hkrai san aten jaw nna, Yesu gaw Meshia nan rai nga ai lam Yuda masha ni hpe sakse hkam dan nga ai.

KASA 20:33

Ngai gaw gade a ja gumhpraw hpun nba mung n ra marin yu nngai.

ROMA 15:26

Hpa majaw nga yang, Makedoni hte Ahkaia mung na hpung ni gaw Yerusalem na Karai Kasang a masha ni hta na matsan mayan ni hpe karum madi shadaw alu jaw na lam langai mi galaw na matu daw dan da masai.

1 KORINHTU 16:17

Stehpan, Hportunatu hte Ahkaiku ni du sa ma ai majaw, ngai kabu gara nngai. Shanhte gaw nanhte a malai ngai hpe galaw daw ma ai.

2 KORINHTU 6:4

Ru yak jam jau lam ni, tsin-yam tsindam ni, yak hkak lam ni hpe myit galu kaba hte hkam sharang nna anhte galaw ai lam shagu hta anhte gaw Karai Kasang a nchyang mayam ni rai nga ga ai lam she madun dan ga ai.

2 KORINHTU 9:12

Hpa majaw nga yang ndai nanhte galaw ai daw jau ai amu gaw, Karai Kasang a masha ni a ra kadawn nga ai hpe shatup ya lu ai hta n ga, Karai Kasang a chyeju dum shakawn ai nsen hpring kabrat wa nga ai.

HPILIPI 2:25

Bai nanhte a hpu nau wa, shingdep shingtau wa hte rau sha gasat gala ai hpyen ma manang wa, ngai hpe karum na matu nanhte shangun dat nna gawn lajang ai wa Epahprodi hpe nanhte hpang de bai shangun dat na re ai ngu nna ngai nawn nngai.

1 HTESALONI 2:6

Anhte gaw nanhte kaw na mung, kaga ni kaw na mung, masha kadai kaw na mung shakawn shagrau ai lu la hkra shakut ga ai n rai.

1 HTESALONI 2:9

Hpu nau ni e anhte gade daram amu bungli galaw shakut shaja lai wa saga ai hpe kaja wa nanhte dum nga myit dai. Nanhte hpe hpa lit n shali n shayak sha u ga, anhte gaw anhte a kan bau bungli hpe shani shana galaw shakut let Karai Kasang a Kabu Gara Shiga hpe hkaw tsun ga ai.

HEBRE 11:37

Shanhte gaw nlung hte kabai sat ai, zingret hte ret dut sat ai, nhtu hte htau sat kau ai hkrum sha ma ai. Shanhte gaw matsan mayan rai nna zingri zingrat ai, nni nkri aroi arip re ai hkrum let sagu hpyi, bainam hpyi hpun nna htawt hkawm nga ma ai.