2 KORINHTU 11:7 - Jinghpaw Common Language Bible 2009

⁷ Ngai gaw nanhte hpe shagrau shatsaw na matu ngai hkum nan hpe shagrit kau nna, jahpu n hpyi ai sha Karai Kasang a kabu gara shiga nanhte hpe hkaw dan ni ai. Shing rai galaw ai gaw ngai hta shut ai lam rai ni?

Jinghpaw Hanson Version Bible

⁷ Nanhte grau wa myit ga, ngai hkum hpe ngai shagrit nna, jahpu n hpyi ai sha Karai Kasang a kabu gara shiga nanhte hpe hkaw dan ai gaw, ngai hta mara kap nga ai kun?

2 KORINHTU 11:7 ပူးပေါင်းရင်းမြစ်များ

KASA 20:33

Ngai gaw gade a ja gumhpraw hpun nba mung n ra marin yu nngai.

KASA 20:34

Ngai gaw ndai lata ni hte amu galaw nna, ngai hte ngai kaw hkan nang ai ni a ra ai lam magup a matu karum madi shadaw jaw ya ni ai hpe nanhte nan chye nga myit dai.

ROMA 1:1

Karai Kasang a Kabu Gara Shiga hkaw tsun na matu kasa hku nna Karai Kasang e lata san da hkrum ai Hkristu Yesu a shangun ma wa ngai Pawlu gaw Laika ka dat nngai.

1 KORINHTU 9:12

Sara kaga ni nanhte kaw na lu la na myit mada na ahkang lu ma yang gaw, anhte grau nna lu ang ga ai n rai ni? Rai ti mung dai ahkaw ahkang hpe n la ga ai. Ahkaw ahkang la na malai, Hkristu a lam Kabu Gara Shiga hpe shingdang da ai dingbai dingna n byin u ga, yak hkak ai lam shagu hpe anhte hkrum katut shakut sharang nga ga ai.

1 KORINHTU 9:6

Ngai hte Barnaba an chyu sha lu na sha na, a matu amu galaw lu na rai nga a ni?

2 KORINHTU 10:1

Nanhte a man e akya shala rai myit grit myit nem ai lam madun nhtawm, nanhte hte tsan gang jang laja lana nden marai madun ai wa, ngu shatan hkrum ai ngai Pawlu nan nanhte hpe lajin dat made ai.

2 KORINHTU 10:16

Dai hpang anhte gaw nanhte a buga shinggan de lai nna kaga mungdan ni hta Madu Yesu a lam kabu gara shiga hkaw tsun dan lu na ga ai. Bai nna masha kaga ni a ginra ni hta galaw shangut da sai magam amu a lam hta shakawng gumrawng ra na ga ai n rai.

2 KORINHTU 12:13

Nanhte kaw na karum gumhpraw n la ai hta lai nna, ngai nanhte hpe kaga buga hpung ni hte madang yawm ai hku galaw lai wa yu ni ai kun? Ndai zawn n tara ai hku galaw hkrup ai hpe chyeju hte mara naw dat kau ya mi.

2 KORINHTU 2:12

Hkristu a Kabu Gara Shiga hkaw tsun na matu Troa mare de ngai sa du ai shaloi, dai shara kaw magam gun lu n ga, nye a matu Madu chyinghka hpaw da ya nga ai.

1 HTESALONI 2:9

Hpu nau ni e anhte gade daram amu bungli galaw shakut shaja lai wa saga ai hpe kaja wa nanhte dum nga myit dai. Nanhte hpe hpa lit n shali n shayak sha u ga, anhte gaw anhte a kan bau bungli hpe shani shana galaw shakut let Karai Kasang a Kabu Gara Shiga hpe hkaw tsun ga ai.

2 HTESALONI 3:8

Anhte gaw jahpu manu n jaw ai gade a lusha hpe mung n la sha ga ai. De a malai, nanhte kadai hpe mung lit n shali u ga, anhte shani shana salu salat hte amu bungli galaw lai wa saga ai.