2 KORINHTU 11:31 - Jinghpaw Common Language Bible 2009

³¹ Ngai masu magaw ga n tsun ai gaw Madu Yesu a Kawa Karai Kasang chye nga ai. Dai Madu Karai Kasang a mying ningsang gaw tut nawng a nga u ga law!

Jinghpaw Hanson Version Bible

³¹ Ngai masu magaw ga n tsun nngai gaw, htani htana e a nga ai Madu Yesu a Kawa Karai Kasang gaw chye nga ai.

2 KORINHTU 11:31 ပူးပေါင်းရင်းမြစ်များ

NEHEMIA 9:5

Lewi masha ni rai nga ai Yeshua, Kadmiela, Bani, Hashabneia, Sherebia, Hodia, Shebania hte Pehtahia hte gaw nawku na matu saw shaga ma ai. Shanhte gaw ning ngu tsun ma ai: “Rawt tsap let, dai Madu nanhte a Karai Kasang hpe shakawn kungdawn mu; shi hpe htani htana shakawn kungdawn mu! Masha shakawn kungdawn ai gaw n kaba nga ti mung, masha shagu gaw shi a hpung shingkang mying nsang hpe shakawn kungdawn nga mu ga.

SHAKAWN KUNGDAWN 41:13

Dai Madu Israela a Karai Kasang hpe shakawn mu! Ya kaw nna htani htana shi hpe shakawn ga law! Amen! Amen!

YAWHAN 10:30

Ngai hte nye Wa gaw langai sha rai nga ai,” ngu tsun wu ai.

YAWHAN 20:17

Yesu gaw, “Ngai e hkum hkra et, hpa majaw nga yang, ngai Wa hpang de garai n lung wa nngai. Rai ti mung ngai nau ni hpang de wa nna nye a Kawa ngu ai nanhte a Kawa, nye a Karai Kasang ngu ai nanhte a Karai Kasang hpang de ngai lung wa sana da, ngu nna shanhte hpe wa tsun dan su,” ngu nna shi hpe tsun dat wu ai.

ROMA 1:25

Shanhte gaw Karai Kasang a teng man ai lam hpe masu ai hte galai kau mu ai rai nna, Hpan da ai Wa a malai Karai Kasang e hpan da ai arai ni hpe nawku daw jau ma ai. Hpan da ai Wa a hpung shingkang hpe htani htana shagrau sha-a shakawn kungdawn nga mu ga law! Amen.

ROMA 1:9

Ngai tsun ai ga teng man nga ai gaw nye a myit kraw lawang mahkra hte shi a Kasha a Kabu Gara Shiga a lam hkaw tsun ai hte ngai daw jau nga ai Karai Kasang nan nye a sakse rai nga ai.

ROMA 15:6

Shing rai yang she, nanhte yawng rau sha nsen langai sha hte anhte a Madu Yesu Hkristu a Kawa Karai Kasang a hpung shingkang hpe shakawn kungdawn lu na myit dai.

ROMA 9:1

Ngai gaw Hkristu hte seng ai wa rai nna teng man ai ga ngai tsun nga nngai, hte ngai n masu nngai. Ngai teng man ai ga tsun nga nngai gaw dai Chyoi Pra ai Wenyi e up hkang ai hpe hkam la nga ai nye a kraw lawang myit e sakse hkam ya nga ai.

ROMA 9:5

Shanhte gaw mying gumhkawng ai Hebre kaji kawa ni kaw na yu hkrat wa ai ni rai ma ai rai nna masha labau hku gawn yang Hkristu gaw shanhte kaw na rai nga ai. Yawng mayawng a ntsa e up nga ai Karai Kasang hpe htani htana shagrau sha-a nga ga law! Amen.

2 KORINHTU 1:23

Korinhtu mare de ngai bai n sa sana ngu nna ngai myit daw dan ai lam gaw nanhte hpe hkyamsa shangun mayu ai majaw re ai lam, nye a myit masin hpe chye ya ai Karai Kasang gaw nye a sakse rai nga sai.

2 KORINHTU 1:3

Matsan dum chye ai kawa hte karum ai lam amyu myu a Karai Kasang, anhte a Madu Yesu Hkristu a Kawa Karai Kasang hpe anhte chyeju dum shakawn ga law.

2 KORINHTU 11:11

Ngai ning nga nna tsun ai gaw, ngai nanhte hpe n tsaw ra ai majaw rai ni? Ngai nanhte hpe tsaw ra ai gaw Karai Kasang chye nga ai.

GALATI 1:20

Ya ngai ka dat ai lam gaw teng ai lam rai nga ai; ngai masu magaw ga n tsun nga ai hpe Karai Kasang chye nga ai!

EHPESU 1:3

Anhte a Madu Yesu a Kawa rai nga ai Karai Kasang hpe chyeju dum shakawn ga law! Hpa majaw nga yang anhte Hkristu hte langai sha tai lu ai a marang e shi gaw sumsing lamu lahta tang hta e wenyi hte seng ai shaman chyeju lam shagu hpe jaw ya nga mani ai.

EHPESU 3:14

Ndai lam a majaw sumsing lamu hte ginding aga ntsa e nga ai nta dinghku shagu a teng man ai npawt daju rai nga ai

KOLOSE 1:3

Anhte gaw nanhte a matu akyu hpyi ai ten shagu hta anhte a Madu Yesu Hkristu a Kawa Karai Kasang hpe chyeju dum shakawn kungdawn ga ai.

1 HTESALONI 2:5

Hpa majaw nga yang, nanhte atsawm sha chye nga myit dai hte maren, anhte gaw nanhte hpang de n teng n man ai hku asawng hkalem ai ga tsun shaga let, shing n rai nammak lawhpa ai lam hpe magap ai ga ni lang let sa ga ai n rai. Dai lam hta Karai Kasang nan sakse rai nga ai.

1 TIMOHTI 1:11

Dai sharin shaga ai lam gaw, hpung shingkang rawng nna a lu ai Karai Kasang kaw na Kabu Gara Shiga hte maren rai nga ai. Dai Kabu Gara Shiga hpe tsun ndau na matu Karai Kasang gaw ngai hpe ap da ni ai.

1 TIMOHTI 1:17

Ya htani htana Hkawhkam rai nna, n hten n mat chye ai hpe myi hte n mu lu ai, langai sha rai nga ai Karai Kasang kaw arawng sadang hte hpung shingkang gaw htani htana prat dingsa e anga nga u ga law! Amen.

1 TIMOHTI 6:16

Shi chyu sha n si n mat ai wa rai nna, shi gaw kadai mung n shani sa lu ai nhtoi hta shanu nga ai. Kadai mung shi hpe n mu yu ai hte kadai mung shi hpe n mu lu nga ai. Shi hta arawng sadang hte htani htana hpung shingkang a nga nga u ga law! Amen.

1 PETRU 1:3

Anhte gaw Madu Yesu Hkristu a Kawa Karai Kasang hpe shagrau sha-a nga ga; hpa majaw nga yang, shi a matsan dum ai myit kaba hte Yesu Hkristu hpe si mat ai kaw nna bai hkrung sharawt la ai a marang e shi anhte hpe asak sumdam ningnan bai jaw da mani ai rai nna anhte hta ahkrung nga ai myit mada shara jahpring shatsup ya mani ai.