2 KORINHTU 11:29 - Jinghpaw Common Language Bible 2009

²⁹ Gawng kya ai wa langai ngai nga yang, ngai mung gawng kya ai hpe hkam sha nngai, masha langai ngai yubak hta kataw mat yang, ngai myit ru nga nngai.

Jinghpaw Hanson Version Bible

²⁹ Ngai gawng n kya yang, kadai gawng kya nga a ta? kadai kataw ai hkrum yang gaw, ngai myit n kahtet ai nga na kun?

2 KORINHTU 11:29 ပူးပေါင်းရင်းမြစ်များ

MAHTE 11:6

Ngai hta myit kataw ai lam n mu ai wa kadai mung, a lu nga ai,” ngu mu ai.

YAWHAN 2:17

Dai shaloi shi a sape ni gaw, “Na a nta hta manoi ai nye a n ja n hpra myit gaw, nye a kraw lawang kata e wan zawn hkru nga ai,” nga nna ka da ai ga hpe dum ma ai.

ROMA 12:15

Kabu gara re ai ni hte rau kabu gara nga mu, hkrap ngu hkrap ngoi re ai ni hte rau hkrap ngu hkrap ngoi nga mu.

ROMA 15:1

Dai rai nna makam masham hta n-gun ja ai anhte ni gaw, makam masham n-gun kya ai ni a makam masham n hten mat hkra shanhte a lit hpe madi shadaw na mai kaja nga ai. Anhte gaw tinang a ra ai lam hpe n mai hkan tam ai.

1 KORINHTU 11:22

Ataw, sha na lu na matu tinang a nta n lu myit ni? Shing n rai Karai Kasang a Hpung hpe n gawn n sawn jahpoi asawng nna, n lu n su ai ni hpe kaya jahkrum ai ga rai myit ni? Ngai nanhte hpe ndai lam hte seng nna kaning ngu tsun na ra ai ngu nna nanhte myit mada myit ta? Ngai nanhte hpe shakawn na rai ni? Kaja wa nanhte hpe ngai shakawn na made ai n rai.

1 KORINHTU 12:26

Shing rai daw shan langai mi nji nmu hkrum yang, daw shan kaga ni yawng mung, dai hte rau machyi hkrum ma ai. Daw shan langai mi shakawn shagrau ai hkrum yang, daw shan kaga ni yawng mung rau kabu gara nga ma ai.

1 KORINHTU 15:36

Dai gaw angawk ai wa a ga san sha rai nga ai. Nang gaw ga hta nli tum langai mi hkai dat ai shaloi, dai nli tum shawng nhten mat yang gaw tu hkrung wa lu ai n rai.

1 KORINHTU 8:13

Dai rai nna, shahpa a majaw nye hpu nau wa hpe myit kataw nna mara galaw shangun na she rai yang gaw, nye a hpu nau wa hpe n kataw shangun na matu, ngai prat dingsa e shan n sha na ni ai.

1 KORINHTU 8:9

Rai ti mung, nanhte ndai zawn n dut n dang sha lu ai ahkaw ahkang gaw, Karai Kasang hpe kam sham ai lam hta n-gun kya nga ai ni hpe lam shadam, mara galaw shangun ai lam n byin u ga, sadi nga mu.

1 KORINHTU 9:22

Ngai gaw Karai Kasang hpe kam sham ai hta n-gun n ja ai ni a kata de du mat wa ai shaloi, shanhte hpe lum la lu hkra, makam masham n-gun n ja ai wa zawn ngai tai nga nngai. Dai rai nna, nkau mi hpe byin mai ai lam langai ngai hte hkye hkrang la lu hkra, ngai gaw masha amyu myu hta, amyu myu hku nga nngai.

2 KORINHTU 13:9

Dai rai nna, anhte gawng kya nga nna nanhte n-gun ja nga yang, anhte kabu gara ga ai. Shing rai nanhte hkum tsup ai ni rai wa myit ga mung anhte akyu hpyi nga ga ai.

GALATI 2:14

Ya shanhte Kabu Gara Shiga a teng man ai lam hta ding ding n hkawm n sa nga ma ai hpe ngai mu mawe ai shaloi, shanhte yawng a man e Petru hpe, “Nang gaw Yuda masha rai nga ninglen Yuda masha zawn n rai, maigan masha ni zawn rai nga nhtawm me, maigan masha ni hpe Yuda masha ni zawn sak hkrung nga lu hkra kaning di shadut shagwi lu na n ta?,” ngu nna ngai tsun we ai.

GALATI 6:2

Nanhte shada da a lit ni hpe gun hpai shingtau ai hte Hkristu a tara hpe shatup nga mu.

SHINGRAN 2:2

Nang galaw sai amu hpe ngai chye nga nngai. Nang gade yak la ai hte galaw sai lam, nang gade hkam sharang sai lam ngai chye nga nngai. Nang gaw n hkru n hkra re ai masha ni hpe ra mi n rai nga shangun lu ndai mung, Kasa n re ai ni kasa rai ga ai nga nna tsun ai kasa hpyi hpun ai ni hpe nang san dinglik yu nna, shanhte masu ai ni re ai lam shadan kau ya lu ndai mung, ngai chye nga nngai.

SHINGRAN 2:20

Rai ti mung ngai nang hpe mara shagun na lam langai mi mu nngai. Hpa majaw nga yang, nang gaw, tinang dai ‘Karai Kasang kaw na du sa ai kasa rai nngai,’ nga nna tsun ai num Yezebela hpe shi ra ai hku di shangun ai hte hkap la tawn ndai. Shi gaw nye a shangun ma ni hpe hpye ai amu galaw na hte sumla ni hpe nawng ya ai lusha ni hpe sha na lam sharin ya nna, shanhte hpe shut hpyit lam dam shangun mu ai.