2 KORINHTU 11:26 - Jinghpaw Common Language Bible 2009

²⁶ Ngai law law lang bu hkawm sa ai hta hka tung wa nna hkrum ai tsin yam, damya hkrum ai tsin yam, nye a Yuda amyu masha ni di ai tsin yam, maigan amyu ni e di ai tsin yam, mare kahtawng hkan hkrum ai tsin yam nam mali hkan hkrum ai tsin yam, nammukdara e hkrum ai tsin-yam, masu ai hpu nau ni e di ai tsin yam ni hpe hkrum katut lai wa ni ai.

Jinghpaw Hanson Version Bible

²⁶ Law law lang ningwan hkawm nga nngai; hka e rap ai tsin-yam, damya hkrum ai tsin-yam, nye a amyu masha ni e di ai tsin-yam, maigan amyu ni e di ai tsin-yam, kahtawng mare hkan e hkrum ai tsin-yam, nam mali hkan e hkrum ai tsin-yam, nammukdara e hkrum ai tsin-yam, masu ai hpunau ni e di ai tsin-yam ngai a hkrum nga nngai;

2 KORINHTU 11:26 ပူးပေါင်းရင်းမြစ်များ

KASA 13:45

Yuda masha ni chyawm gaw, dai shawa hpawng hpe mu jang, manawn ai myit hte hpring chyat nga ma ai rai nna, Pawlu tsun ai lam hpe ndang hkat ai hte aroi ara ngu da mu ai.

KASA 13:50

Rai ti mung Yuda masha ni gaw mare na du agyi salang ni hte Karai Kasang hpe nawku kam sham ai lahta tsang maigan amyu num sha ni hpe myit sharawt jashut nhtawm Pawlu Yan Barnaba hpe zingri zingrat di shangun ai hte, shanhte a lamu ga kaw na gawt shapraw kau ma ai.

KASA 14:19

Dai hpang Pesidi mung na Antioki hte Ikoni mare hkan na Yuda masha nkau mi sa du nna shawa hpawng hpe shanhte maga lawm hkra woi awn nhtawm, Pawlu hpe n lung hte kabai nna shi hpe si mat sai zawn nawn ai majaw, mare shinggan de garawt shapraw kau mu ai.

KASA 14:5

Shaloi, maigan masha nkau mi hte Yuda masha ni gaw shanhte a agyi salang ni hte hpawn, kasa ni hpe aroi arip di nna nlung hte kabai sat na myit hkrum daw dan ma ai.

KASA 15:40

Pawlu chyawm gaw Sila hpe lata la nna, hpu nau ni mung shi hpe Madu a chyeju hta rai nga u ga ap ya dat ngut jang, pru sa wa ma ai.

KASA 17:13

Rai ti mung Beria mare hta mung kasa Pawlu gaw Karai Kasang a mungga hkaw dan nga ai lam, Htesaloni mare na Yuda masha ni na chye jang, shanhte dai de sa nna, mare masha ni hpe myit sharawt nhtawm kabrawng shangun mu ai.

KASA 17:5

Rai ti mung Yuda masha ni myit manawn ai majaw, mare lam hkan na akyu n rawng pagawn para re ai n hkru n kaja ai masha ni hpe saw la nhtawm shawa hpawng langai mi byin hkra shinggyin la nna mare ting hpe woi kabrawng shangun mu ai. Shanhte gaw Yasun a nta de shang nna Pawlu yan Sila hpe shawa hpawng a man de shapraw na hku tam ma ai.

KASA 18:12

Galio gaw Ahkaia mung e munggyi rai nga yang Yuda masha ni masha jahpawng la nhtawm Pawlu hpe rim la nna tara tingnyang a man de woi wa mu ai.

KASA 19:1

Ya Apolo Korinhtu mare e nga nga yang, Pawlu gaw dai mungdaw a hkin-gau mayan lahta daw kaw nna kata maga hku ga sa wa ai hpang Ehpesu mare de du ai. Dai mare kaw shi sape nkau mi hpe hkrum ai rai nna,

KASA 19:23

Ya dai hte yang, Madu a Lam a majaw Ehpesu mare e kabring kabrawng re ai lam grai sawng ai hku byin wa ai.

KASA 20:19

Yuda masha ni a n hkru n kaja ai maw mawn ai lam a majaw, matsan jam jau ru yak tsin yam hkrum ai ten hta ngai myi prwi law law hkrat let nachying myit shagrit shanem ai hte Madu a shangun ma rai nga nngai hte maren shi a magam gun hpai nngai.

KASA 20:3

Dai kaw shi shata masum nga nga ai. Dai hpang Suri mung de li hte bai wa na hkyen shajin nga yang, Yuda masha ni shi hpe gyam nga ma ai hpe mu chye kau wu ai majaw Makedoni mung hku ga lai nna nhtang wa na myit daw dan wu ai.

KASA 23:10

Shing rai dangrang hkat ai lam grai laja lana rai wa jang shanhte Pawlu hpe ashep ashin di kau na, hpyen du kaba wa myit tsang da wu ai; dai majaw, shanhte kaw yu wa nna Pawlu hpe dai ni a ka-ang na gare la nhtawm hpyen wang de shawn la na hpyen ma ni hpe hkang da mu ai.

KASA 25:3

Shanhte gaw Pawlu hpe lam e hkap gyam sat kau na matu makoi magap ai hku lajang da ma ai. Dai rai nna, shanhte hpe chyeju galaw ai hku nna, Pawlu hpe Yerusalem mare de sa dat ya na Hpestu kaw hpyi ma ai.

KASA 27:42

Shaloi hpyen ma ni gaw bawng ni hpungyawt rap nna hprawng lawt na hpe tsang ma ai majaw dai hpe makawp maga na matu shanhte hpe sat kau na hkyen nga ma ai.

ROMA 15:19

Dai re ai majaw ngai gaw Yerusalem mare kaw nna Iluri ginwang grup hkra Hkristu a Kabu Gara Shiga hkaw jahproi dan ni ai.

ROMA 8:35

Dai rai nna Hkristu a tsaw ra ai hta na anhte hpe kadai wa mi jahka kau lu na mi ta? Tsin-yam tsindam atsu atsam hte yak hkak jam jau lam shing n rai zingri zingrat hte hku hku hpang gara lam, shing n rai singgu krin matsan chyaren lam hte hkrit hpa ri nhtu si hkrung si htan lam hkrum yang she jahka kau lu na myit ni?

1 KORINHTU 15:30

Anhte mung hpa majaw hkying hkum shagu hkrit tsang hpa lam hta sak dan nna hkan nga ga ni?

1 KORINHTU 15:32

Lama wa ngai shinggyim masha a maw mawn ai myit hte sha mungkan akyu hpe myit mada let Ehpesu Mare na matse labye dusat ni hte gasat hkat nngai rai yang gaw, nye a matu hpa akyu nga na a ta? Si mat ai ni bai n hkrung rawt wa na rai yang gaw, masha ni tsun ga ai ga, “Anhte lu ga, sha ga, pyaw pyaw rai nga ga, hpawt ni anhte si na ga ai,” nga ai hte maren sha rai na rai nga ai.

2 KORINHTU 11:32

Damasku mare e ngai nga ai ten hta hkawhkam Areta a npu na munggyi wa gaw ngai hpe rim la na matu mare chyinghka ni hta sin langa ni hpe jahkrat da wu ai.

GALATI 2:4

Dai masha ni gaw anhte Hkristu Yesu hte langai sha tai nna asak hkrung ai a marang e anhte lu la ai shanglawt ahkang hpe kin-yu yu na matu Hkristan hpu nau ni tai masu let anhte a hpawng de mayun shang wa ai ni rai ma ai. Shanhte gaw anhte hpe mayam shatai mayu da mi ai.