2 KORINHTU 11:23 - Jinghpaw Common Language Bible 2009

²³ Shanhte Hkristu a shangun ma ni rai ma ni? Mana ai wa a ga zawn gaw nga ai, rai ti mung ngai gaw shanhte hta grau kaja ai shangun ma rai nngai. Ngai gaw shanhte hta grau nna amu bungli galaw shaja nngai, shanhte hta grau nna law law lang htawng hkrat nngai, shanhte hta grau nna shingna hkam sha ni ai, si hkrung si htan law law lang ngai grau hkrum nngai.

Jinghpaw Hanson Version Bible

²³ Shanhte Hkristu a bungli gun hpai ai ni rai ma yang gaw, ngai mahtang grau nna rai nga nngai, ngu nna mana bu ai wa zawn ngai tsun nngai. Amu bungli grau nna ngai galaw nngai; htawng hkrat ai grau nna ngai hkrum nngai; ladu lai ai shingna ngai hkam ni ai; si hkrung si htan law law lang ngai hkrum nngai.

2 KORINHTU 11:23 ပူးပေါင်းရင်းမြစ်များ

YEREMIA 36:5

Dai hpang, ngai gaw Baruk hpe lawu de na matsun maroi ga ni hpe tsun dan ni ai: “Ngai gaw Nawku Htingnu kata de shang na ahkang loi mi mung n lu nngai.

KASA 14:19

Dai hpang Pesidi mung na Antioki hte Ikoni mare hkan na Yuda masha nkau mi sa du nna shawa hpawng hpe shanhte maga lawm hkra woi awn nhtawm, Pawlu hpe n lung hte kabai nna shi hpe si mat sai zawn nawn ai majaw, mare shinggan de garawt shapraw kau mu ai.

KASA 20:23

Chyoi Pra ai Wenyi gaw ngai hpe gyit hkang sharen da ai hte zingri zingrat ai lam ngai hpe ala nga ai, nga nna mare shagu hta tau hkrau sadi jaw ai hpe chyu sha ngai chye nngai.

KASA 21:11

Shi anhte kaw shang nna Pawlu a shingkyit la nhtawm, shi dai shi a lagaw lata gyit nna, “Chyoi pra ai Wenyi ning nga tsun nga ai, ndai shingkyit madu hpe Yuda masha Yerusalem mare e ning di gyit nna, maigan amyu ni a lata de ap kau na mara ai da,” nga nna tsun ai.

KASA 25:14

Dai yang e nhtoi tsawmra ya nga nga yang Hpestu gaw Pawlu a lam Hkawhkam Agripa hpe tsun dan wu ai gaw, “Ndai yang e Hpilik sharen kau da ai bawng masha langai mi nga ai.

KASA 27:1

Hpestu gaw anhte hpe Itali mung de sa dat na myit daw dan ngut jang, Pawlu hte kaga bawng nkau mi hpe Hkawseng wa a hpyen ma latsa rawng ai dap up ai Yuli ngu ai du wa a lata hta ap dat mi ai.

KASA 28:16

Ya anhte Roma mare de du jang, Pawlu gaw shi hpe sin ai hpyen ma ni hte rau kaga hkrai rai nga na, ahkang lu la wu ai.

KASA 28:30

Dai kaw nna Pawlu gaw ni ning tup shi shap rawng ai nta hta nga nga let, shi kaw sa masa ni hpe hkap la nna,

KASA 9:16

Nye a mying majaw shi hkrum lu na ra ai matsan tsin-yam ni yawng hpe ngai nan shi e madun na we ai,” ngu wu ai.

ROMA 8:36

Dai gaw, “Na a jaw e anhte shani shagu sat kau ai hkrum ga ai; sat na san da ai sagu hpe zawn anhte hpe nawn da mi ai,” nga nna Chyum Laika hta ka da ai hte maren rai nga ai.

1 KORINHTU 15:10

Rai ti mung, Karai Kasang a chyeju majaw, ngai gaw ngai wa rai nga nngai; ngai hpe Karai Kasang jaw ai chyeju mung kaman lila n rai nga ai sha, kaga kasa ni yawng hta, ngai grau nna bungli galaw gun hpai shaja nngai. Shing rai galaw lu ai gaw, nye a atsam majaw n rai, ngai hte rau amu galaw nga ai Karai Kasang a chyeju a majaw rai nga ai.

1 KORINHTU 3:5

Apolo gaw kadai wa rai nga a ta? Pawlu mung kadai wa rai nga a ta? Anhte gaw Karai Kasang a shangun ma ni sha rai nna, anhte a marang e nanhte Karai Kasang hpe kam sham wa lu myit ga, woi awn lanu lahku ya ai ni sha rai nga ga ai. Dai rai nna anhte langai hte langai gaw Karai Kasang e garan masat jaw da ya ai amu hpe gun hpai lu ga ai.

1 KORINHTU 4:1

Anhte gaw Karai Kasang a sung htum nna makoi magap da ai teng man ai lam ni hpe lit la nna kunhting tai nga ai Hkristu a shangun ma ni re ai ngu nna nanhte myit la ang myit dai.

1 KORINHTU 4:11

Ya ten du hkra anhte kawsi hpang gara, singgu krin, adup ajin zingri hkrum nna nga shara garen let shara mi kaw nna shara mi de hkawm nga ga ai.

1 KORINHTU 4:9

Hpa majaw nga yang, majan poi awng dang nna yan hkawm dan ai shaloi, sat kau hkrum na bawng ni hpe hpang ningdim e hkan nang shangun ai zawn, Karai Kasang gaw shinggyim masha ni hte lamu kasa ni a man e jawm yu mada mu ga, anhte kasa ni hpe hpang ningdim tawn da mi ai ngu nna ngai myit nawn nngai.

2 KORINHTU 10:7

Nanhte gaw hpa lam hpe mung ntsa lam hku sha yu nga myit dai; “Ngai gaw Hkristu hte seng ai wa rai nngai,” nga nna tinang hkum hpe myit nawn ai wa langai ngai nga a ni? Lama nga ai rai yang, kalang mi bai shi hkum hpe shi sumru yu u ga. Hpa majaw nga yang, shi gaw Hkristu a maga na masha rai nga ai hte maren, anhte mung Hkristu a maga na masha ni rai nga ga ai.

2 KORINHTU 11:5

Ngai gaw dai nanhte a kaba htum ai kasa ni ngu nna shagrau da ai kasa ni hta kachyi mi pyi grit ai wa n re ngu nna ngai nawn nga nngai.

2 KORINHTU 3:6

Anhte gaw ga shaka ningnan a matu amu gun hpai lu u ga, anhte hpe atsam marai jaw ai gaw Karai Kasang shi nan rai nga ai. Dai ga shaka ningnan gaw ka da ai tara hta rawng ai n re ai sha, Wenyi kaw na rai nga ai. Hpa majaw nga yang laika hkum hte ka da ai tara gaw asak hpe si shangun nga ai; dai Wenyi chyawm gaw asak jahkrung ya nga ai.

2 KORINHTU 4:11

Yesu a sak hkrung ai lam gaw anhte a si chye ai hkum hkrang hta dan dawng mu lu u ga, anhte gaw anhte a sak hkrung lam ting hte hta, aten shagu Yesu a matu si hkam na lam hta hkawm sa nga ga ai.

2 KORINHTU 6:9

Anhte gaw gade e me n dum n chye ai ni zawn rai ga ti mung kajai gumhkawng ai ni, masha jasi ni zawn rai ga ti mung ya nanhte mu lu ai hte maren, anhte ahkrung nga ga ai. Ari hkrum ga ai rai ti mung, anhte sat kau ai n hkrum ga ai.

GALATI 6:17

Ya kaw nna kadai mung ngai hpe hkum sharu shatsang manu ga, hpa majaw nga yang nye a hkum hta kap ai nma hkang ni gaw ngai Hkristu a mayam re ai lam sakse hkam nga ma ai.

EHPESU 3:1

Ndai lam a majaw, Hkristu a bawng dung ai wa ngai Pawlu gaw, nanhte maigan masha ni a matu Karai Kasang kaw akyu hpyi ya nngai.

EHPESU 4:1

Dai re ai majaw dai Madu hpe daw jau ai a majaw bawng dung ai wa ngai Pawlu gaw nanhte hpe shi shaga la ai kaw nna Karai Kasang e madat da ya sai sak hkrung lam madung hte maren, sak hkrung hkawm sa na matu ngai nanhte hpe shadut jahkat dat made ai.

EHPESU 6:20

Ya ngai bawng dung ai wa rai nga ti mung, dai Kabu Gara Shiga a jaw e kasa langai mi rai nga nngai; Dai Kabu Gara Shiga hpe hkaw tsun na ngai hta lit nga ai hte maren nden ja ai hte tsun shana lu u ga, akyu hpyi nga mu.

HPILIPI 1:13

Dai Hkawhkam htingnu hpe sin ai hpyen dap ting hte nang e nga ai kaga ni yawng hkra gaw, ngai bawng dung ai gaw Hkristu a shangun ma tai ai majaw re ai lam hpe chye wa masai.

HPILIPI 2:17

Lama rai nna, ngai sat kau hkrum wa ai rai yang, dai gaw nanhte Karai Kasang kaw nawng ya ai nanhte a makam masham a hkungga hte daw jau ai hkungri a ntsa e nye a asak hpe dumhpung hkungga zawn ru jaw nawng jau kau timung, ngai kabu nga nna nanhte hte rau kabu ninglaw nga nngai.

KOLOSE 1:24

Ya chyawm gaw, nanhte a matu mara ngai hkrum ai tsin-yam tsindam hta kabu gara nga nngai. Hkristu gaw shi a hkum hkrang ngu ai Hpung a matu nni nkri hkrum nu ai hte maren, ngai gaw nye a hkum hkrang a matu nni nkri hkam ai hku nna Hkristu a hkum hkrang ngu ai dai Hpung a matu hkam na naw ngam nga ai nni nkri ni hpe ngai hkan shatup karum nga nngai.

KOLOSE 1:29

Shing rai dai lam byin lu hkra, ngai gaw Hkristu jaw ya ai mauhpa n-gun atsam hte jam jau hkam nna galaw shakut nngai. Dai n-gun atsam ngai hta amu galaw nga ai gaw, ngai galaw ai bungli hta dan dawng nga ai.

1 HTESALONI 3:2

Hkristu a Kabu Gara Shiga hkaw tsun ai hta anhte rau magam bungli galaw nga ai anhte a hpu nau wa Timohti hpe shangun dat ga ai.

1 TIMOHTI 4:6

Ndai matsun ga ni hte maren Hkristan hpu nau ni hpe nang shadum shahprang nga n yang gaw nang gaw nang hkap la nga ai wenyi makam masham lam hpe mung, teng man ai sharin shaga ai ga hpe mung, hkan nga ai majaw Hkristu a shangun ma kaja rai nga nit dai.

2 TIMOHTI 1:16

Dai Madu gaw Onesihpuru a nta masha ni hpe chyeju jaw ya u ga, hpa majaw nga yang shi gaw law law lang ngai hpe myit n gun lu la shangun ni ai hta n ga, shi gaw ngai bawng dung hkrum nga ai hpe n kaya ai wa rai nga ai.

2 TIMOHTI 1:8

Dai rai nna anhte a Madu a matu sakse hkam ai hta hkum kaya nga u; bai nna Hkristu a jaw e bawng dung ai wa nye a majaw mung hkum kaya nga u; shing rai na malai, Karai Kasang gaw nang hpe n-gun lagaw jaw da nit dai hte maren, dai Kabu Gara Shiga a jaw e nni nkri hpe hkam sharang u.

2 TIMOHTI 2:9

Hpa majaw nga yang ngai gaw Kabu Gara Shiga hkaw tsun ai majaw ru tsang hkrum nngai; ru hka hkrum ai bawng langai mi zawn gyit hkang sharen da ai pyi gaw hkrum ni ai. Rai ti mung dai Karai Kasang a mungga chyawm gaw sharen da hkrum ai n rai.

2 TIMOHTI 3:11

nye a zingri zingrat hkrum sha ai lam, nye a nni nkri hkam ai lam, re ai ni hpe maram masam mu chye nit dai. Antioki mare, Ikoni mare, Lustra mare hkan e ngai hta byin hkrum hkra ai hkrithpa zingri zingrat lam ni hte ngai hkam sharang lai wa sai lam hpe nang yawng chye nga ndai. Madu chyawm gaw dai lam ni yawng hta na ngai hpe mawai la ni ai.

HPILEMON 1:9

Rai ti mung, Hkristu a kasa, dingla wa ngai Pawlu rai nga nngai hte ya e Hkristu a bawng dung ai wa mung rai nga nngai majaw, tsaw ra ai hku she nang hpe hpyi nem dat na ngai grau ra nngai.

HEBRE 10:34

Nanhte gaw bawng dung ai ni hkrum ai nni nkri hpe hkap shalan shabran lawm myit dai; nanhte a arung arai ni hpe kashun kashe di la kau hkrum ai shaloi mung kabu gara ai hte asum hkam myit dai, hpa majaw nga yang, grau nna kaja reng ai dinggrin anga nga ai arung arai lama mi nanhte naw lu nga myit dai hpe nanhte chye nga myit dai.