2 KORINHTU 11:1 - Jinghpaw Common Language Bible 2009

¹ Ngai loi mi angawk ai mara hpe nanhte sharang ya mi ga ngai ra nga nngai. Chyeju hte kaja wa sharang ya mi.

Jinghpaw Hanson Version Bible

¹ Ngai angawk ai mara loi mi nanhte naw sharang ya mi ga, ngai ra nga nngai: gaja wa nanhte nye a lam sharang ya nga myit dai.

2 KORINHTU 11:1 ပူးပေါင်းရင်းမြစ်များ

2 HKAWHKAM 5:3

Lani mi na aten hta, shi gaw shi a nta madu jan hpe, “Nye a madu wa gaw Samari mare e nga ai myihtoi wa kaw sa lu na hpe ngai sharawng nngai law! Shi a ana ahkya hpe dai myihtoi wa shamai ya na wu ai,” ngu nna tsun dan wu ai.

BU HKAWM 11:29

Mawshe gaw, “Ngai hte seng ai amu hta myit hkan tsang nga n ni? Dai Madu gaw shi a amyu masha ni yawng hpe wenyi jaw ya nna myihtoi ni zawn shanhte yawng hpe marawn jahtau shangun na, ngai ra sharawng nga nngai!,” ngu nna htan wu ai.

MAHTE 17:17

Yesu htan nna, “Nanhte gaw makam masham n rawng ai hte nhtan shai ai amyu she rai nga myit hka! Nanhte hte rau ngai galoi du hkra nga lu na rai ta? Galoi du hkra, ngai nanhte hpe sharang nga lu na rai ta? Dai la kasha ma hpe ngai hpang de woi sa wa marit,” ngu wu ai.

KASA 18:14

Shaloi Pawlu ga htan na nga n-gup ap sha naw rai yang, Galio mahtang, “Yuda masha ni e, amu ndai tara tawt lai ai amu, n hkru n hkra re ai amu, rai yang gaw, nanhte mara shagun ai lam hpe myit galu ai hte hkan madat ya na lam nga ai.”

KASA 26:29

Bai Pawlu gaw, “Aten kadun sha mi rai tim, aten galu wa rai tim Hkawhkam wa hte hpawn nang e nga ai ni nlang hte gaw, nye a htawng masha tai ai aya hta lai nna, ngai zawn re ai hkrai byin wa na matu Karai Kasang kaw ngai akyu hpyi nngai!,” ngu wu ai.

1 KORINHTU 1:21

Hpa majaw nga yang, masha gaw tinang a hpaji byeng-ya hte Karai Kasang hpe n chye lu mu ga nga, Karai Kasang gaw shi a hpaji daw ai hte maren galaw lajang da nu ai. Shing rai na malai anhte hkaw dan ai angawk angak mungga ngu ai ga hpe kam sham ai ni hpe hkye hkrang la na matu Karai Kasang gaw myit daw dan da nu ai.

1 KORINHTU 3:18

Kadai rai ti mung tinang hkum hpe hkum hkalem nga myit ga. Nanhte hta na marai langai ngai ndai mungkan a madang hku nna tinang hkum hpe hpaji byeng-ya rawng nga nngai nga nna grang a yang gaw, hpaji byeng-ya rawng ai wa majing tai na matu angawk angak re ai masha tai wa u ga.

1 KORINHTU 4:10

Hpa majaw nga yang, anhte gaw Hkristu a majaw mana angawk ni rai nga ga ai, nanhte mahtang Hkristu hte langai sha rai nga ai hpaji rawng ai ni rai nga myit dai! Anhte gaw n-gun n ja ga ai, nanhte mahtang n-gun ja myit dai; anhte arawng hpoi saga ai, nanhte mahtang hpung rawng ai ni rai nga myit dai.

1 KORINHTU 4:8

Ya nanhte hta ra mara hkum tsup hkra lu rau manit dai n rai ni? Nanhte lu su rau wa manit hka i? Anhte pyi hkawhkam garai n tai yang nanhte hkawhkam tai wa manit hka! Rai sa, nanhte hkawhkam tai yang she anhte mung nanhte hte rau hkaw dung lu na re ai majaw, kaja wa nanhte ni hkawhkam tai na ngai ra nga nngai.

2 KORINHTU 11:19

Nanhte nan hpaji nau rawng nna angawk ai ni hpe kabu gara ai hte hkam sharang nga myit dai!

2 KORINHTU 11:21

Anhte gaw dai zawn re ai lam ni hpe galaw na matu gawng kya la ga ai lam yin la na matu pyi gaw kaya saga ai! Rai ti mung marai langai ngai lam lama ma hta gumrawng yang gaw ngai mung angawk angak re ai wa zawn tsun gwi da we ai.

2 KORINHTU 11:4

Hpa majaw nga yang, nanhte hpang de masha langai ngai sa du nna anhte n hkaw dan yu ai kaga Yesu langai mi a lam hkaw dan ai shaloi, nanhte gaw kabu gara hkap la myit dai, bai nanhte gaw anhte kaw na hkap la lu sai wenyi hte kabu gara shiga hte tsep kawp nhtan shai ai wenyi hte kabu gara shiga hpe hkap hkalum la nga manit hka!

2 KORINHTU 12:11

Ngai gaw angawk ai wa zawn rai nga nngai. Nanhte mahtang ngai hpe dai zawn rai shangun manit dai. Nanhte ni mahtang ngai hpe tau madi shadaw ai lam madun ang ai ni rai nga myit dai. Hpa majaw nga yang, ngai gaw hpa n re ai wa rai nga yang pyi gaw, nanhte a laksan ahkyak shatai ai “Kasa ni” hta gara hku nna mung n grit nga nngai.

2 KORINHTU 5:13

Anhte kaja wa n gring mat saga ni? N gring nga ga yang gaw Karai Kasang a matu mara n gring nga ga ai. Shing n rai anhte gring nga ga ni? Gring nga ga yang gaw nanhte a matu gring nga ga ai.

HEBRE 5:2

Shi hkum nan pyi lam amyu myu hta gawng kya nga ai rai nna, machye machyang kata ai ni, shut hpyit lam dam ai ni hpe sumnung ai myit madun lu ai wa rai nga ai.

YAWSHU 7:7

Yawshu gaw, “Tsaw Htum ai Madu e, nang hpa majaw ndai Yawdan hka woi rap n ni? Amori masha ni a lata de ap kau na matu rai nga a ni? Shing n rai anhte hpe shamyit kau na matu rai nga a ni? Yawdan wora hkran e anhte hpe hpa majaw n nga shangun n ni?