2 KORINHTU 10:5 - Jinghpaw Common Language Bible 2009

⁵ Anhte gaw Karai Kasang hpe chye chyang ai hpaji hpe dingbai dingna jaw ai amu yawng hpe run hpya jahten kau ga ai. Anhte gaw masha myit mang ai lam nga manga hpe rim sharen da nhtawm Hkristu a ga madat mara shangun ga ai.

Jinghpaw Hanson Version Bible

⁵ masha a myit mang ai hku hte, Karai Kasang a chye chyang ai lam hpe hkum da mayu ai tsaw matsaw hte hpe, anhte sharun shabya lu ai hte, Hkristu a ga madat mara na lam a npu e myit mang shagu hpe sharen da mu ai;

2 KORINHTU 10:5 ပူးပေါင်းရင်းမြစ်များ

NINGPAWT NINGHPANG 8:21

Dai hkungga a manam pyaw ai sangau gaw dai Madu hpe awng sharawng shangun nga ai rai nna dai Madu gaw, “Shinggyim masha e galaw ai amu a majaw, ginding aga hpe ngai galoi mung dagam kau na ni ai n rai; shi a myit mang ai lam ni gaw shi naw kaji nga ai aten kaw nna n shawp nga ai hpe ngai chye nngai. Ndai lang ngai galaw kau ni ai zawn asak rawng ai hkrung mahkrung ni yawng hpe ngai galoi mung bai jahten na ni ai n rai.

2 HKAWHKAM 19:22

Nang hpe n kaw n law di nna asawng asang di kau nit dai gaw kadai rai nga ai zawn nang myit nawn la wu ni? Nang gaw chyoi pra ai Israela a Karai Kasang ngai hpe n gawn n sawn di kau nga nit dai.

2 HKAWHKAM 19:28

Na a n'yun bu ai hte gumrawng gumtawng ga ni hpe ngai lu la ni ai. Ya chyawm gaw ngai na a ladi hta lashoi shoi ya nna n-gup hta runghtung bang let nang du sa wa ai lam hku bai nhtang wa shangun na de ai.

YOBA 42:6

Dai rai nna, ngai tsun kau sai lam yawng mayawng a majaw kaya hkrum nga nngai; shing rai ga nhpu hte wan dap hte bun nna myit malai lu nngai.

SHAKAWN KUNGDAWN 10:4

Tara n lang ai masha wa gaw Madu a lam hpe hpa zawn n nawn nga ai; Karai Kasang n ra ai nga nna shi a myit hta gumrawng nga lu ai.

SHAKAWN KUNGDAWN 139:2

Ngai galaw ai lam yawng mayawng hte hpe mung, nang chye nga ndai; nye a myit mang ai lam yawng mayawng hpe mung, tsan tsan kaw nna, nang chye nga ndai.

SHAKAWN KUNGDAWN 18:27

Shagrit shanem ai myit rawng ai ni hpe nang hkye hkrang la nga ndai; rai ti mung gumrawng gumtawng myit rawng ai ni hpe nang shagrit kau nga ndai.

SHAKAWN KUNGDAWN 18:44

Maigan masha ni nye a man e, dingnyawm nga ma ai; ngai tsun ai ga hpe na ma yang shanhte madat mara ma ai.

PRU MAT 5:2

Hkawhkam wa mahtang, “Dai Madu gaw kadai wa rai nga a ta? Ngai gaw hpa majaw shi tsun ai ga hpe madat nna Israela amyu masha ni hpe dat dat na rai ni? Dai Madu hpe ngai n chye nngai. Israela amyu masha ni hpe mung ngai n dat ya lu na nngai,” ngu nna tsun wu ai.

GA SHAGAWP 15:26

Dai Madu gaw n hkru n shawp ai myit mang lam ni hpe n dawng nga ai; ngwi ngawn ai ga ni hpe chyawm gaw shi awng sharawng nga ai.

GA SHAGAWP 24:9

Angawk ai wa a myit shapraw dat ai maw mawn lam hpa rai tim, yubak hte seng ai lam rai nga ai. Kaga masha ni hpe jahpoi jahpyak chye ai hta jan nna hpa n lu ai wa hpe masha ni n dawng nga ma ai.

ESAIA 2:17

Masha a gumrawng gumtawng ai gaw htum mat na ra ai, masha a myit tsaw myit dap ai gaw jahten kau ai hkrum na ra ai. Hpara sumla ni tsep kawp mat mat nna, dai Madu chyu sha dai shani e shagrau shatsaw ai hkrum na ra ai.

ESAIA 55:7

N hkru ai ni gaw shanhte a asak hkrun lam hpe kau da nna shanhte a myit mang ai lam galai shai kau nga mu ga. Shanhte gaw dai Madu anhte a Karai Kasang hpang de kayin wa mu ga; shi gaw matsan dum chye ai wa rai nna mara raw dat ya na matu lawan nga ai.

ESAIA 59:7

Nang gaw tut nawng n hkru ai amu yaw shada nga ndai, dai amu galaw lu na matu nang dasang ala nga ndai. Nang gaw mara n kap ai amyu masha ni hpe sat na matu galoi mung myit kanung nga ndai n rai. Nang du ai shara shagu hkan hten run ai hte hten za ai amu hpe nang tawn da nga ndai.

ESAIA 60:14

Nang hpe dip gamyet sha lai wa sai ni a aru arat ni gaw Shanhte a hkungga lara ai hpe madun na matu gum dagup na mara ai. Nang hpe lang mi n kaw n law di lai wa sai ni yawng na a lagaw nhpang e nawku na mara ai. Shanhte gaw nang hpe, ‘Dai Madu a Mare,’ ‘Ziun ngu ai, Israela a Chyoi Pra Ai Karai Kasang a Mare,’ ngu nna shaga na mara ai.

YEREMIA 23:29

Nye a mungga gaw wan zawn mung, nlung ni hpe adup ga ai sumdu zawn mung rai nga ai.

YEREMIA 4:14

Yerusalem e, na a myit masin kaw na n hkru ai hpe kashin kau u, shaloi hkye hkrang la hkrum na ndai. Nang gaw kade na hkra yubak hte seng ai myit mang lam ni hpe matut myit na ngu wu ni?

EZEKELA 17:24

Dai mung na hpun ni yawng gaw ngai nan dai Madu rai nga nngai hpe chye na mara ai. Ngai gaw hpun galu ni hpe kran kau nna hpun kaji ni hpe tu galu shangun na nngai. Ngai gaw tsit lali ai hpun ni hpe shanyip kau nna hkraw ai hpun ni hpe tsit lali shangun na nngai. Dai Madu ngai nan tsun ni ai. Ngai galaw na ngu tsun sai amu hpe ngai galaw na we ai.”

Daniela 4:37

“Ya chyawm gaw, Ngai Nebuhkadneza nan sumsing lamu na Hkawhkam a hpung shingkang hpe shakawn kungdawn, shagrau sha-a nngai. Shi galaw ai lam magup mung jaw ai hte teng man nga ai rai nna shi gaw gumrawng gumtawng ai hte amu galaw ai ni kadai hpe mung shagrit kau nga ai.

MAHTE 15:19

Hpa majaw nga yang, myit masin hta na masha sat na, num shaw na, n kaja ai arawn alai lam ni hkan galaw na, lagu na, n teng n man ai sakse hkam na ngu ai n hkru ai myit mang lam ni byin wa ai.

LUKA 1:51

Shi a lahpum hte atsam pra di nna, gumrawng ai ni hpe tinang a myit hte maw mawn ai lam ni hte hpawn shabra kau nu ai.

ROMA 1:21

Shanhte gaw Karai Kasang hpe chye chyang ninglen Karai Kasang hpe shagrau sha-a ang ai hte maren, n shagrau sha-a ma ai, chyeju jawm shakawn kung dawn ai lam n galaw ma ai, shanhte a myit mang ai lam gaw, lachyum n pru kaman li la sha rai mat malu ai majaw, shanhte a htauli htaula myit kaja ai myit masin ni gaw sin mak ai hte hpring chyat nga malu ai.

ROMA 1:5

Masha amyu baw shagu gaw Yesu Hkristu hpe kam sham nna madat mara mu ga she Karai Kasang gaw shi a mying nsang a marang e Hkristu a matu mara Kasa langai mi tai na ahkang chyeju ngai hpe jaw ni ai.

ROMA 16:26

Rai ti mung ya aten hta dai makoi magap da ai teng man ai lam gaw, myihtoi laika ni hku nna dan dawng wa ra ai. Masha amyu nlang hte Karai Kasang hpe kam sham nna madat mara mu ga, htani htana Karai Kasang a hkang da ai hte maren dai teng man ai lam hpe hkaw tsun shadum dan nga sai.

ROMA 7:23

Rai ti mung nye a hkum kata hta nye a myit hkrum ra sharawng ai tara hte gasat hkat nga ai kaga tara langai mi amu galaw nga ai hpe ngai mu we ai. Dai tara gaw nye a hkum shan hta shamu shamawt amu galaw nna ngai hpe yubak a tara hta bawng dung shangun nngai.

1 KORINHTU 1:19

Hpa majaw nga yang, dai Chyum Laika hta, “Hpaji rawng ai ni a hpaji hpe ngai jahten kau na nngai, hpaji ninghkrin ni a chye na ai lam hpe ngai yeng seng kau ya na mawe ai,” nga nna ka da nga ai.

1 KORINHTU 3:19

Hpa majaw nga yang, ndai mungkan ga na hpaji byeng-ya gaw, Karai Kasang a man e angawk angak rai nga ai. Dai Chyum Laika hta tsun ai hte maren, “Karai Kasang gaw hpaji byeng-ya rawng ai ni hpe, shanhte nan lang ai hpaji mahkam hta lu si mat shangun mu ai.”

2 KORINHTU 11:20

Nanhte gaw, nanhte hpe reng sha ai ni, nanhte a ntsa e ahkaw ahkang la ai ni, nanhte hpe mahkam hte rim la ai ni, nanhte hpe yu kaji ai ni, nanhte a myi man kahpret ya ai ni kadai hpe mung nanhte hkam mana nga myit dai.

2 KORINHTU 9:13

Ndai nanhte a galaw daw ai amu a awng dang ai kasi kaja a majaw, masha law law gaw, nanhte Hkristu a kabu gara shiga hpe kangka sadi dung ai hku hkap la kam sham myit dai majaw mung, nanhte a shawang myit hte shanhte hte kaga masha ni hpe ndaw nhta alu jaw ya myit dai majaw mung, Karai Kasang a hpung shingkang hpe shagrau sha-a na mara ai.

TARA JAHPRANG 15:9

Jaw ra ai hka ni hpe shaprai kau ya ai shaning ladaw du wa magang ra ai majaw arai lama ma shi hpe hkoi shap ya na matu lit hkum li dum myit. Dai zawn re ai n hkru n shawp ai myit mang lam nanhte a kraw hta hkum rawng shangun nga myit. Shi hpe hkoi shap ya na matu nanhte ningdang kau ai rai yang, dai Madu hpe shi jahtau shaga ai majaw mara jaw hkrum na rai myit dai.

HPILIPI 4:7

Shaloi masha a chye chyang ai nyan hta grau lai ai Karai Kasang a ngwi pyaw ai gaw nanhte a kraw lawang ni hte myit masin ni hpe Hkristu Yesu hta e bau sin na ra ai.

2 HTESALONI 2:4

Shi gaw masha ni nawku daw jau nga ai karai ngu ai baw nga manga hpe nhtan shai ninghkap nna, shi hkum nan hpe yawng mayawng a ntsa e hpung shingkang grau rawng ai wa re ngu nna shagrau shatsaw na ra ai. Shi gaw Karai Kasang a Nawku Htingnu kata de pyi sa shang dung nga nna shi hkum dai Karai Kasang re ai ngu nna tsun ndau na ra ai.

2 HTESALONI 2:8

Dai hpang dai N hkru Ai Wa dan pru na ra ai, rai ti mung Madu Yesu du sa ai shaloi N hkru Ai Wa hpe shi a n-gup kaw na pru ai nsa hte sat kau nna, shi a htoi kabrim ai hpung shingkang hte jahten shaza kau na ra ai.

HEBRE 4:12

Hpa majaw nga yang, Karai Kasang a mungga gaw, ahkrung nga ai hte alet nga ai rai nna, nshan lahkawng maga dai ai hpa baw ntawng nhtu hta mung grau dai nga ai. Dai gaw wenyi hte myit masin hpe mung, nra hkrihkraw hte laswi hpe mung, yawng dinghkren ginhka chye nna masha a kraw lawang kata na maw mawn ai lam ni hte myit mamyit hte hpe jeyang hparan ya nga ai.

HEBRE 5:9

Shi hpe hkum tsup ai wa shatai la ngut jang, shi gaw madat mara ai ni yawng mayawng a matu htani htana hkye hkrang la ai lam a npawt tai wa sai.

1 PETRU 1:2

Shi a Wenyi hta chyoi pra ai amyu masha shatai la nna, Yesu Hkristu a ga madat mara na hte shi a sai hte shachyoi shapra la na matu Kawa Karai Kasang a moi kaw nna shatawng shada da sai hte maren nanhte hpe lata la manit dai. Chyeju hte ngwi pyaw ai gaw nanhte hta hpring tsup nga malit ga law.

1 PETRU 1:22

Ya nanhte gaw dai teng man ai lam hpe madat mara nga let nanhte a hkum ni hpe jasan jaseng kau nhtawm, nanhte a kam sham ai manaw manang ni hpe kaja wa tsaw ra nga myit dai. Dai rai nna nanhte shada da myit masin mahkra hte tsaw ra nga mu.