2 KORINHTU 10:2 - Jinghpaw Common Language Bible 2009

² Hkristu a sumnung ai hte myit gyip ai hpe tau yu nna nanhte kaw du sa ai shaloi sheng mareng nga nna ga shaga ai kaw n du ra na matu hpyi nem dat nngai; hpa majaw nga yang, anhte hpe mungkan a ra marit ai hku maw mawn ai myit hte asak hkrung ai ni re ngu nna tsun ai ni hpe sheng mareng ngu nna ngai hkrak sha tsun shaga lu nngai.

Jinghpaw Hanson Version Bible

² anhte gaw hkum shan hking hte hkawm nga ga ai myit nna, anhte a lam nawn ya ai ni nkau mi hpe nachying nden ja ai myit madun na ngai maw nga nngai hte maren, nanhte hte rau nga yang, dai hte wa nden ja ai myit madun shara n nga u ga, ngai hpyi nem nngai.

2 KORINHTU 10:2 ပူးပေါင်းရင်းမြစ်များ

ROMA 8:1

Dai re ai majaw ya gaw Hkristu Yesu hte langai sha rai nga ai ni a matu daw dan hkrum shara n nga ai.

ROMA 8:4

Karai Kasang ndai hku galaw shabyin ai lam gaw anhte gaw masha hkum shan myit ra ai hku n re ai sha Wenyi a myit ra ai hku asak hkrung nga ai anhte ni dai jep ai Tara hta matsun da ai ding hpring ai lam hpe hkan shadik lu na matu rai nga ai.

ROMA 8:5

Hkum shan myit e shangun ai hku asak hkrung ai ni gaw hkum shan a ra marit ai lam ni e shanhte a myit ni hpe up hkang kau ya mu ai. Wenyi e hkang ai hku asak hkrung ai ni gaw Wenyi ra ai hku shanhte a myit ni hpe up hkang nga ma ai.

2 KORINHTU 1:17

Ya ndai zawn yaw shada ai hta ngai gaw myit n grin ai kajam kalam myit rawng ai wa re ai lam madun nga nngai kun? Nye a yaw shada ai lam ni hpe ngai myit daw dan sa wa ai shaloi tinang akyu tam ai maw mawn ai myit hte galaw sa wa nngai kun? Aten langai mi hta sha, “Rai sa, rai sa,” nga nna mung, “N rai law, n rai law,” nga nna mung, ga kabra tsun nngai kun?

2 KORINHTU 11:21

Anhte gaw dai zawn re ai lam ni hpe galaw na matu gawng kya la ga ai lam yin la na matu pyi gaw kaya saga ai! Rai ti mung marai langai ngai lam lama ma hta gumrawng yang gaw ngai mung angawk angak re ai wa zawn tsun gwi da we ai.

2 KORINHTU 13:10

Nanhte hte tsan gang nga yang ngai ndai laika hpe ka ai lam gaw, ngai nanhte kaw du sa ai shaloi Madu ngai hpe jaw da ai ahkang aya hpe sheng mareng di nna n jai lang ra na matu rai nga ai. Dai ahkang aya gaw nanhte hpe sharun shabya kau na matu n rai, nanhte hpe gaw gap na matu she rai nga ai.

2 KORINHTU 13:2

Shawng de yubak galaw lai wa sai ni hte kaga ni yawng hpe ngai tsun mayu nngai. Dai hpe shawng de lahkawng lang ngu na nanhte hpang de sa du ai shaloi mung ngai tsun ni ai hte maren, ya nanhte hte tsan gang nga ai ten hta mung ngai kalang mi bai tsun na nngai. Dai gaw hpang na lang ngai bai sa du ai shaloi nanhte langai mi mung jeyang ari jaw ai hta na lawt lu na n rai.