2 KORINHTU 10:15 - Jinghpaw Common Language Bible 2009

¹⁵ Dai re ai majaw anhte gaw Karai Kasang e anhte a matu masat da ya ai amu hta lai nna masha kaga ni galaw ai magam amu hte seng nna anhte grang ai ga tsun ga ai n rai. Shing rai na malai, galoi mung Karai Kasang masat da ya ai shingwang kata e anhte a makam masham kunghpan wa na hte nanhte a lapran e grau kaba ai bungli galaw maden jat lu na hpe anhte myit mada nga ga ai.

Jinghpaw Hanson Version Bible

¹⁵ Bai anhte gaw masha kaga wa a bungli hta shang nna, shalai gumrawng ga ai n re ai sha, nanhte a kamsham ai myit kaba wa yang she, anhte a shadawn sharam da ai jarit tau yu let, nanhte a jaw e anhte grau nna kaba wa na ga ai rai nna,

2 KORINHTU 10:15 ပူးပေါင်းရင်းမြစ်များ

KASA 5:13

Masha ni shan hte hpe grai tsun shakawn ma ai rai tim shinggan masha gale kadai mung shan hte n kanawn wam ma ai.

ROMA 15:20

Rai ti mung masha wa langai ngai e gaw da ai npawt ntsa hta n kahtap u ga, Hkristu a mying n na yu ai shara hkan e dai Kabu Gara Shiga hkaw dan na ngai galoi mung myit sharawng makun nga nngai.

2 KORINHTU 10:13

Anhte chyawm gaw, gumrawng ang ai madang hta shalai nna gumrawng na ga ai n rai. Nanhte kaw anhte galaw gun hpai ai amu hte hpawn, anhte gun hpai na matu Karai Kasang shi nan masat da ya ai magam amu shingwang kata e sha anhte gumrawng lu ga ai.

2 HTESALONI 1:3

Tsaw ra ai hpu nau ni e, nanhte a lam hte lakap nna Karai Kasang a chyeju hpe anhte tut nawng e shakawn kungdawn ra ga ai. Shing rai shakawn kungdawn ai lam anhte galaw na gaw anhte a matu jaw ang ai amu rai nga ai; hpa majaw nga yang, nanhte a makam masham gaw grai galu kaba wa ai hte nanhte hta rawng ai, masha hpe tsaw ra ai myit mung grau grau nna kunghpan kaba wa sai.