2 KORINHTU 10:14 - Jinghpaw Common Language Bible 2009

¹⁴ Nanhte gaw anhte a matu Karai Kasang masat da ya ai magam amu shingwang kata hta lawm nga myit dai majaw, anhte gaw Hkristu a kabu gara shiga hpe nanhte hpang de la sa ai shaloi magam bungli gun na masat da ai ga jarit tawt lai ai hku n galaw saga ai.

Jinghpaw Hanson Version Bible

¹⁴ Nanhte kaw du dep na matu ntsa hku chyan ga ai n re ai sha, anhte Hkristu a kabu gara ai shiga hte nanhte kaw mung du dep saga ai.

2 KORINHTU 10:14 ပူးပေါင်းရင်းမြစ်များ

MARKU 1:1

Ndai gaw Karai Kasang a Kasha Yesu Hkristu a lam Kabu Gara Shiga rai nga ai.

KASA 20:24

Rai ti mung nye a matu masat da ai amu lit hpe mung Madu Yesu ngai e ap ya da ai magam amu hpe mung, tsep kawp ngut kre hkra gun na lam chyu sha ahkyak madung rai nga ai majaw ngai gaw nye a asak hpe pyi lahpawt nngai n rai. Dai Madu ap ya da ai magam amu ngu ai gaw Karai Kasang a chyeju Kabu Gara Shiga hpe hkaw tsun sakse hkam na lam nan rai nga ai.

ROMA 1:16

Hpa majaw nga yang, dai Kabu Gara Shiga hta awm dawm kam sham myit hkut nga nngai, Dai gaw shawng nnan e Yuda ni dai hpang e maigan masha ni hta kam sham ai ni kadai hpe mung hkye hkrang la hkrum shangun lu ai Karai Kasang a atsam rai nga ai.

ROMA 16:25

Karai Kasang hpe anhte shakawn shagrau nga ga! Ngai nanhte hpe hkaw tsun dan sai Yesu Hkristu a lam Kabu gara shiga hte moi chyaloi nhkoi prat kaw nna makoi magap da ai dai teng man ai lam e shadan shadawng dat ai hte maren shi gaw nanhte hpe nanhte a makam masham hta ngang ngang kang kang tsap shangun lu nga ai.

ROMA 2:16

Dai rai nna ngai hkaw tsun ai Kabu Gara Shiga hte maren, tara jeyang ai Nhtoi hta e Karai Kasang gaw Yesu Hkristu a lata hte masha nlang hte a makoi magap ai maw mawn ai myit ni hpe jeyang daw dan na ra ai.

1 KORINHTU 2:10

Karai Kasang chyawm gaw shi a Wenyi hku nna shi a makoi magap da ai lam anhte hpe shapraw shadan dan mi ai. Dai Wenyi gaw arai yawng mayawng hpe sha n rai, Karai Kasang a sung htum ai hte makoi magap da ai shatawng shada ai lam ni hpe pyi manaw sawk yu nga ai.

1 KORINHTU 3:10

Karai Kasang ngai hpe jaw ai chyeju kumhpa hpe lang let, hpaji rawng ai nta shachyaw ai wa zawn, ngai npawt nhpang gaw jahkrat da se ai; kaga masha langai mi gaw dai hta e gaw kahtap nga ai. Rai ti mung gaw kahtap ai ni langai hte langai gaw, tinang gara hku gaw kahtap ai hpe sadi sahka hte yu yu nga u ga.

1 KORINHTU 4:15

Hpa majaw nga yang, nanhte a Hkristan asak hkrung lam hta nanhte hpe sharin achyin ya na sara mun mi dang lu myit ti mung, nanhte kawa langai sha lu myit dai. Ngai gaw dai Kabu Gara Shiga hkaw dan ai hku nna, nanhte hpe Hkristu hte kahkyin gumdin ai asak hkrung lam de du wa shangun ai nanhte a shangai kawa tai wa ni ai.

2 KORINHTU 2:12

Hkristu a Kabu Gara Shiga hkaw tsun na matu Troa mare de ngai sa du ai shaloi, dai shara kaw magam gun lu n ga, nye a matu Madu chyinghka hpaw da ya nga ai.

2 KORINHTU 4:4

Ndai mungkan ga a n hkru n kaja ai karai wa ngu ai Nat Satan wa gaw shanhte a myit ni hpe ningsin hte ka-up shamak tawn kau ya manu ai majaw, shanhte n kam n sham ma ai. Shi gaw dai Karai Kasang a hkrang bung sumla nan rai nga ai. Hkristu a hpung shingkang a lam dai Kabu Gara Shiga kaw na pru ai nhtoi hpe n mu lu shangun mu ai.

KOLOSE 1:5

Dai teng man ai mungga ngu ai Kabu Gara Shiga nanhte kaw shawng du dep sa wa ai shaloi, nanhte gaw dai Kabu Gara Shiga e jaw ya ai myit mada ai lam hpe na yu manit dai. (Dai rai nna nanhte a makam masham hte tsaw ra ai lam gaw sumsing lamu e nanhte a matu kyem da ya ai myit mada ai lam hta npawt jung nga ai.)

1 TIMOHTI 1:11

Dai sharin shaga ai lam gaw, hpung shingkang rawng nna a lu ai Karai Kasang kaw na Kabu Gara Shiga hte maren rai nga ai. Dai Kabu Gara Shiga hpe tsun ndau na matu Karai Kasang gaw ngai hpe ap da ni ai.