2 KORINHTU 10:1 - Jinghpaw Common Language Bible 2009

¹ Nanhte a man e akya shala rai myit grit myit nem ai lam madun nhtawm, nanhte hte tsan gang jang laja lana nden marai madun ai wa, ngu shatan hkrum ai ngai Pawlu nan nanhte hpe lajin dat made ai.

Jinghpaw Hanson Version Bible

¹ Nanhte a man e myit grit ai hte, tsan gang nga yang nanhte a lam nden ja ai myit madun ai, ngai Pawlu nan, Hkristu a sumnung ai hte myit gyip ai hpe tau yu nna, nanhte hpe shadut jahkat dat made ai:

2 KORINHTU 10:1 ပူးပေါင်းရင်းမြစ်များ

SHAKAWN KUNGDAWN 45:4

Teng man ai hte rap ra ai tara hpe makawp maga let awng dang ai kaw du hkra, hpung shingkang hta jawn sa wa u! Na a n-gun gaw nang hpe galu kaba ai awng padang ninglaw ni hpe hkam la shangun na ra ai.

ZEHKARIA 9:9

Ziun amyu masha ni e, kabu gara nga mu, kabu gara nga mu! Yerusalem amyu masha ni e, kabu gara jahtau garu nga mu! Yu mu, nanhte a hkawhkam wa gaw nanhte hpang de sa wa nga ai! Shi gaw padang ninglaw hte awng dang ai lam lu la nga ai, rai ti mung shagrit shanem ai myit hte lawze ntsa e jawn nga ai- lawze kasha langai a ntsa e, lawze kanu a kasha a ntsa e jawn nga ai.

MAHTE 11:29

Ngai gaw myit sumnung ai hte myit gyip nga nngai rai nna, nye a kandang hpe hpai mu, nye a lam sharin la mu: dai rai yang, nanhte a myit masin ban sa ai hkrum na malit dai.

MAHTE 21:5

Myihtoi gaw, “Ziun mare hpe tsun mu: Yu u, nanhte a hkawhkam wa gaw nanhte hpang de du sa wa ra ai! Shi gaw shagrit shanem ai myit hte, lawze kanu a kasha a ntsa e jawn nga ai; rai sa, lawze kanu a kasha ntsa e jawn nga ai,” nga ai.

KASA 8:32

Shi hti ai laika a ga gaw ndai rai nga ai: “Sat na sagu hpe zawn shi hpe dun sa wa nu ai, Sagu kasha gaw shi a mun rep ai shaloi atsin sha nga ai zawn, shi mung n shaga ai sha nga nga ai.

ROMA 10:20

Bai Esaia gaw grau nna nden ja ai myit hte, “Ngai hpe n tam ai ni gaw ngai hpe mu manu ai. Nye a lam n san yu ai ni kaw ngai dan pru nngai, nga ai.” ngu nna tsun mu ai.

ROMA 12:1

Dai re ai majaw hpu nau ni e, Karai Kasang gaw anhte a ntsa e tsaw ra matsan dum ai myit kaba rawng nga ai majaw shi a amu gun hpai na hte shi sharawng awng ai ahkrung nga ai hkungga tai na matu nanhte a hkum hkrang nawng ya na ngai nanhte hpe shadut jahkat dat made ai. Dai gaw nanhte nawng ya ang ai myit masin a teng man ai daw jau ai lam rai nga ai.

ROMA 15:15

Rai ti mung, ndai laika hta ginlam nkau mi hte seng nna nanhte hpe sadi jaw ai hta ngai gaw Karai Kasang jaw ai chyalai ahkaw ahkang a majaw nden ja ai hte ka dat nngai.

1 KORINHTU 2:3

Dai rai nna, ngai nanhte kaw sa du nga ai ten hte ting hta gawng kya ai hte hkrit gari let,

1 KORINHTU 4:10

Hpa majaw nga yang, anhte gaw Hkristu a majaw mana angawk ni rai nga ga ai, nanhte mahtang Hkristu hte langai sha rai nga ai hpaji rawng ai ni rai nga myit dai! Anhte gaw n-gun n ja ga ai, nanhte mahtang n-gun ja myit dai; anhte arawng hpoi saga ai, nanhte mahtang hpung rawng ai ni rai nga myit dai.

1 KORINHTU 4:21

Ngai gaw nanhte hpang de shingna lang nna sa na rai ni? Shing n rai, tsaw ra nna sumnung shingdi ai wenyi hte nanhte hpang de sa du na kun? Nanhte gara mahtang hpe grau ra sharawng nga myit ta?

2 KORINHTU 10:10

Hpa majaw nga yang, masha nkau mi gaw, “Pawlu a laika ni gaw grai sawng nna n-gun atsam namnak rawng ai laika ni rai lu ai, rai ti mung shi hkum nan anhte hte rau nga ai shaloi, shi gaw n-gun kya nna hpung n rawng ai hte shi a ga ni hpa tang n du lu ai,” nga nna tsun ma ai.

2 KORINHTU 10:2

Hkristu a sumnung ai hte myit gyip ai hpe tau yu nna nanhte kaw du sa ai shaloi sheng mareng nga nna ga shaga ai kaw n du ra na matu hpyi nem dat nngai; hpa majaw nga yang, anhte hpe mungkan a ra marit ai hku maw mawn ai myit hte asak hkrung ai ni re ngu nna tsun ai ni hpe sheng mareng ngu nna ngai hkrak sha tsun shaga lu nngai.

2 KORINHTU 10:7

Nanhte gaw hpa lam hpe mung ntsa lam hku sha yu nga myit dai; “Ngai gaw Hkristu hte seng ai wa rai nngai,” nga nna tinang hkum hpe myit nawn ai wa langai ngai nga a ni? Lama nga ai rai yang, kalang mi bai shi hkum hpe shi sumru yu u ga. Hpa majaw nga yang, shi gaw Hkristu a maga na masha rai nga ai hte maren, anhte mung Hkristu a maga na masha ni rai nga ga ai.

2 KORINHTU 11:21

Anhte gaw dai zawn re ai lam ni hpe galaw na matu gawng kya la ga ai lam yin la na matu pyi gaw kaya saga ai! Rai ti mung marai langai ngai lam lama ma hta gumrawng yang gaw ngai mung angawk angak re ai wa zawn tsun gwi da we ai.

2 KORINHTU 11:30

Ngai gumrawng na rai yang gaw, ngai gade gawng kya ai ngu ai lam hta she gumrawng na nngai.

2 KORINHTU 12:5

Dai rai nna dai wa a lam ngai gumrawng na nngai, rai ti mung ngai hkum nan gade gawng kya nga ai lam ni hta kaga nye a lam ngai n gumrawng na nngai.

2 KORINHTU 3:12

Anhte gaw ning re ai myit mada ai lam lu ga ai majaw, anhte nden ja ga ai.

2 KORINHTU 5:20

Dai rai nna anhte gaw Hkristu a lam htinglet ya ai kasa ni tai let, Karai Kasang shi nan anhte a n-gup aga hku nna nanhte hpe lajin nga ai. Nanhte gaw shi hpe hpyen ai ni tai nga ai kaw nna shi a jinghku ni tai wa mu ngu, Hkristu a malai anhte hpyi nem nga ga ai.

2 KORINHTU 6:1

Nanhte gaw Karai Kasang a chyeju hkam la ai ni rai nga myit dai hte maren dai chyeju hpe lahpawt lama n di kau myit ga, anhte Karai Kasang a shingdep shingtau ni hku nna nanhte hpe hpyi lajin dat ga ai.

2 KORINHTU 7:4

Ngai gaw nanhte hpe nachying kam kaba nga nngai; nanhte a matu mara ngai grai gumrawng nga nngai! Yak hkak tsin-yam tsindam amyu myu hkrum hkra rai ti mung, ngai hta nden marai hpring tsup nga ai hta n-ga, ngai hta kabu gara ai lam mung hpring kabrat nga li ai.

GALATI 4:13

Shawng na lang ngai nanhte hpe dai Kabu Gara Shiga hkaw dan lu ai lam gaw, hkum hkrang machyi hkrum nna hkring nga ai majaw lu hkaw dan ai re ai hpe nanhte dum chye nga myit dai.

GALATI 5:2

Madat mu! Nanhte matu gadoi hkam myit yang gaw, Hkristu gaw nanhte a matu hpa akyu n nga ai, ngu nna ngai Pawlu nan nanhte hpe tsun dan made ai.

EHPESU 3:1

Ndai lam a majaw, Hkristu a bawng dung ai wa ngai Pawlu gaw, nanhte maigan masha ni a matu Karai Kasang kaw akyu hpyi ya nngai.

EHPESU 4:1

Dai re ai majaw dai Madu hpe daw jau ai a majaw bawng dung ai wa ngai Pawlu gaw nanhte hpe shi shaga la ai kaw nna Karai Kasang e madat da ya sai sak hkrung lam madung hte maren, sak hkrung hkawm sa na matu ngai nanhte hpe shadut jahkat dat made ai.

HPILIPI 4:5

Nanhte a sumnung shingdi ai myit hpe masha yawng a man e madun dan mu. Dai Madu du sa na ten ni magang ra ai.

KOLOSE 1:23

Kaja wa nanhte gaw nanhte hkam la kam sham ai lam hpe ngang kang nna teng man ai npawt hkridun zawn ngang grin nga u ga, matut nna makawp maga sin lajang tawn lu na rai myit dai. Bai nna nanhte gaw dai Kabu Gara Shiga na la ai shaloi lu la tawn ai myit mada ai lam kaw na htak mat hkra ari jahkrat kau na ahkang jaw mai na myit dai n rai. Ndai Kabu Gara Shiga a majaw ngai Pawlu gaw magam gun wa langai mi tai wa ni ai, dai Kabu Gara Shiga chyawm gaw mungkan ting hta masha shagu hpe hkaw tsun dan ai mungga rai nga ai.

2 HTESALONI 3:17

Nye a lata hte nan lawu na hte maren ngai ka nngai, Shakram dat ai wa ngai Pawlu. Laika shagu hta nye a ta masat gaw ndai rai li ai. Ndai gaw nye a laika ka ai lai rai sai.

HPILEMON 1:19

Ngai Pawlu gaw dai hka wa na ngu nna nye a lata hte nan ka dat nngai. (Rai ti mung nang hkum nan pyi Hkristu a majaw lu la ai asak hkrung lam ningnan a matu ngai hpe hka wa ra nga ndai ngu nna tsun shapraw dan ra na zawn n shadu nngai.)

HPILEMON 1:9

Rai ti mung, Hkristu a kasa, dingla wa ngai Pawlu rai nga nngai hte ya e Hkristu a bawng dung ai wa mung rai nga nngai majaw, tsaw ra ai hku she nang hpe hpyi nem dat na ngai grau ra nngai.

1 PETRU 2:11

Ngai tsaw ra ai ni e, nanhte gaw ndai mungkan hta bu hkawm ai tsasam manam ni hte shingbyi nga ai ni zawn rai nga myit dai rai nna, myit masin hte gasat hkat nga ai hkum shan a kayut ai lam ni hpe galoi mung asum n jaw na matu ngai nanhte hpe hpyi nem dat made ai.

SHINGRAN 1:9

Ngai gaw nanhte a hpu nau wa Yawhan rai nga nngai. Yesu a hpang hkan nang ai wa langai mi hku nna, shi a Mungdan hte seng ai masha ni hkrum sha nga ai nni nkri hpe myit galu let nanhte hte rau hkam sharang nga ai wa rai nga nngai. Ngai gaw Karai Kasang a mungga hte Yesu Hkristu sakse hkam shadan dan ai dai teng man ai lam hpe hkaw tsun shana dan ai majaw Patmu ngu ai zunlawng de sa kau ai hkrum nngai.