2 KORINHTU 1:23 - Jinghpaw Common Language Bible 2009

²³ Korinhtu mare de ngai bai n sa sana ngu nna ngai myit daw dan ai lam gaw nanhte hpe hkyamsa shangun mayu ai majaw re ai lam, nye a myit masin hpe chye ya ai Karai Kasang gaw nye a sakse rai nga sai.

Jinghpaw Hanson Version Bible

²³ Nanhte hpe matsam dum na majaw sha, ngai Korinhtu mare de rai n sa du ai gaw, nye a myit masin hta sakse tai na, Karai Kasang hpe ngai shaga nngai.

2 KORINHTU 1:23 ပူးပေါင်းရင်းမြစ်များ

KASA 18:1

Dai hpang Pawlu gaw Ahten mare na pru nna Korinhtu mare de du ai.

KASA 18:8

Krispu mying ai tara jawng agyi wa mung shi a nta masha nlang hte hpawn Madu hpe kam sham ma ai; kaga Korinhtu masha ni law law mung, dai mungga na la nna kam sham ai hte hkalup hkam la ma ai.

ROMA 1:9

Ngai tsun ai ga teng man nga ai gaw nye a myit kraw lawang mahkra hte shi a Kasha a Kabu Gara Shiga a lam hkaw tsun ai hte ngai daw jau nga ai Karai Kasang nan nye a sakse rai nga ai.

ROMA 9:1

Ngai gaw Hkristu hte seng ai wa rai nna teng man ai ga ngai tsun nga nngai, hte ngai n masu nngai. Ngai teng man ai ga tsun nga nngai gaw dai Chyoi Pra ai Wenyi e up hkang ai hpe hkam la nga ai nye a kraw lawang myit e sakse hkam ya nga ai.

1 KORINHTU 4:21

Ngai gaw nanhte hpang de shingna lang nna sa na rai ni? Shing n rai, tsaw ra nna sumnung shingdi ai wenyi hte nanhte hpang de sa du na kun? Nanhte gara mahtang hpe grau ra sharawng nga myit ta?

1 KORINHTU 5:5

Dai tara daw dan ai Madu a nhtoi hta e dai wa a wenyi hkye hkrang la hkrum na matu, dai wa a hkum hkrang hpe jahten kau ra ai majaw, nanhte gaw dai wa hpe Satan a lata de ap kau na rai myit dai.

2 KORINHTU 1:1

Karai Kasang a myit ra ai hku hte maren, Hkristu Yesu a Kasa wa ngai Pawlu hte anhte a hpu nau Timohti gaw, Korinhtu mare na Karai Kasang a hpung hte Ahkaia mung ting na Karai Kasang a masha ni nlang hte hpe shakram dat ga ai.

2 KORINHTU 1:18

Kaja wa Karai Kasang gaw tengman ai hpe tsun nga ai hte maren, ngai nanhte hpe jaw ai ga sadi mung, “Re ai,” hte “N re ai,” kayau ai ga kabra n rai nga ai.

2 KORINHTU 10:2

Hkristu a sumnung ai hte myit gyip ai hpe tau yu nna nanhte kaw du sa ai shaloi sheng mareng nga nna ga shaga ai kaw n du ra na matu hpyi nem dat nngai; hpa majaw nga yang, anhte hpe mungkan a ra marit ai hku maw mawn ai myit hte asak hkrung ai ni re ngu nna tsun ai ni hpe sheng mareng ngu nna ngai hkrak sha tsun shaga lu nngai.

2 KORINHTU 11:10

Hkristu a teng man ai ga ngai hta rawng nga ai hte maren, ndai nye a gumrawng ai lam hpe Ahkaia mung shara shagu hta kadai mung jasim shangap kau ya lu na n rai, ngu nna ngai ga sadi jaw nngai.

2 KORINHTU 11:11

Ngai ning nga nna tsun ai gaw, ngai nanhte hpe n tsaw ra ai majaw rai ni? Ngai nanhte hpe tsaw ra ai gaw Karai Kasang chye nga ai.

2 KORINHTU 11:31

Ngai masu magaw ga n tsun ai gaw Madu Yesu a Kawa Karai Kasang chye nga ai. Dai Madu Karai Kasang a mying ningsang gaw tut nawng a nga u ga law!

2 KORINHTU 12:20

Nanhte hpang de ngai du yang, ngai ra ai, mu mayu ai hku nanhte n rai nga la na hpe mung, nanhte mung nanhte ra ai, mu mayu ai hku ngai hta n rai nga na hpe mung ngai tsang nga nngai. Bai ngai gaw nanhte hta ga li ga law ai lam, manawn masham ai lam, pawt sindawng ai lam, tinang akyu tam ai lam, shada da jahpoi asawng ai lam, kadum kahte ai ga, grang ai ga hte kabring kabrawng n ru n ra re ai lam ni sa mu na hpe tsang nngai.

2 KORINHTU 13:10

Nanhte hte tsan gang nga yang ngai ndai laika hpe ka ai lam gaw, ngai nanhte kaw du sa ai shaloi Madu ngai hpe jaw da ai ahkang aya hpe sheng mareng di nna n jai lang ra na matu rai nga ai. Dai ahkang aya gaw nanhte hpe sharun shabya kau na matu n rai, nanhte hpe gaw gap na matu she rai nga ai.

2 KORINHTU 13:2

Shawng de yubak galaw lai wa sai ni hte kaga ni yawng hpe ngai tsun mayu nngai. Dai hpe shawng de lahkawng lang ngu na nanhte hpang de sa du ai shaloi mung ngai tsun ni ai hte maren, ya nanhte hte tsan gang nga ai ten hta mung ngai kalang mi bai tsun na nngai. Dai gaw hpang na lang ngai bai sa du ai shaloi nanhte langai mi mung jeyang ari jaw ai hta na lawt lu na n rai.

2 KORINHTU 6:6

Myit masin san seng ai lam, chye chyang ai lam, hkam sharang ai lam, matsan dum lama ai lam hku nna mung, chyoi pra ai wenyi a chyeju lam hte n sawt ai tsaw ra myit hku nna mung,

GALATI 1:20

Ya ngai ka dat ai lam gaw teng ai lam rai nga ai; ngai masu magaw ga n tsun nga ai hpe Karai Kasang chye nga ai!

HPILIPI 1:8

Ngai gaw Hkristu Yesu shi nan a myit masin hta rawng ai n-gaw nwai ai myit hte nanhte hpe myit dum marit nga nngai, ngu nna ngai tsun ai ga teng nga ai gaw Karai Kasang nye a sakse rai nga li ai.

1 HTESALONI 2:5

Hpa majaw nga yang, nanhte atsawm sha chye nga myit dai hte maren, anhte gaw nanhte hpang de n teng n man ai hku asawng hkalem ai ga tsun shaga let, shing n rai nammak lawhpa ai lam hpe magap ai ga ni lang let sa ga ai n rai. Dai lam hta Karai Kasang nan sakse rai nga ai.

1 TIMOHTI 1:20

Shanhte ni hta Satan a lata de ap kau ai hku nna ngai ari jaw ai Humeni hte Alexandru ngu ai yan lawm ma ai. Shing di ai lam gaw, shanhte a masu matsa shatan nhkan ai lam jahkring kau mu ga, sharin ya na matu rai nga ai.