2 KORINHTU 1:21 - Jinghpaw Common Language Bible 2009

²¹ Nanhte hte anhte hpe Hkristu hta langai sha tai hkra asak hkrung shangun ai wa gaw Karai Kasang shi nan rai nga ai.

Jinghpaw Hanson Version Bible

²¹ Nanhte hte rau anhte hpe Hkristu hta e shagrin da nna, anhte hpe namman chya ya ai wa gaw, Karai Kasang hkrai rai nga ai:

2 KORINHTU 1:21 ပူးပေါင်းရင်းမြစ်များ

SHAKAWN KUNGDAWN 45:7

ding man ai lam hpe nang tsaw ra nga ai hte, n hkru n shawp ai amu hpa hpe mung n dawng nga ndai. Dai re ai majaw, Karai Kasang na a Karai Kasang gaw nang hpe lata la nit dai; kaga hkawhkam kadai wa hta mung, grau nna kabu gara ai lam, nang hpe jaw ya nga nit dai.

SHAKAWN KUNGDAWN 87:5

Ziun chyawm gaw amyu baw yawng hte hte seng nga ai; Chyahtum Chyalai n-gun rawng ai Wa gaw dai bum hpe shangang shakang da na ra ai, nga nna tsun pru wa na mara ai.

SHAKAWN KUNGDAWN 89:4

‘Na a aru arat hpe tut nawng e, hkawhkam shatai da nna, na a hkawhkam amyu ni hpe htani htana shagrin da na nngai,’” nga nna tsun nit dai.

ESAIA 49:8

Dai Madu gaw shi a amyu masha ni hpe, “Nang hpe hkye la na matu aten du ai shaloi, ngai nang hpe myi man madun nna, karum la na matu hpyi jahtau ai ga ni hpe htan ya na nngai. Amyu masha ni yawng hte nang ga shaka tawn da ai hku nna sha, ngai nang hpe bau sin ai hte makawp maga na nngai. Ya aten katsi katsang gram mat sai na a mungdan hta ngai nang hpe kalang mi bai shanu nga shangun na nngai.

ESAIA 59:21

Ngai gaw nanhte hte ga shaka tawn da na nngai: dai gaw nanhte a matu htani htana rai nga na nye a daru magam n-gun hte nye a sharin achyin ai ga ni ngai nanhte hpe jaw ni ai, ya aten kaw nna, nanhte gaw nye a ga madat mara ra na rai myit dai, nanhte a kashu kasha ni hte nanhte a aru arat ni hpe prat mi hte prat mi nye a ga madat mara na matu sharin ya nga mu.”

ESAIA 61:1

Tsaw Htum ai dai Madu gaw ngai hpe shi a Wenyi hte jahpring ya ni ai. Matsan mayan ni hpang de kabu gara shiga gun sa na matu mung, Myit daw mat sai ni hpe shamai shatsai ya na matu mung, Bawng dung ai ni hpe raw dat na matu mung, Htawng hta shareng da hkrum ai ni hpe shalawt dat na matu mung, Shi ngai hpe lata la nna shangun dat nu ai.

ESAIA 62:7

Shi gaw Yerusalem hpe bai gram lajang ai hte mungkan ga ting Dai mare hpe shakawn kungdawn wa ai aten du hkra, shanhte gaw shi hpe ban sa lam jaw ma ai n rai.

ESAIA 9:7

Shi a hkawseng daru magam n-gun gaw matut nna galu kaba wa na ra ai; shi a mungdan tut nawng ngwi pyaw sim sa na ra ai. Shi gaw Hkawhkam Dawi a hkringhtawng dagraw ai wa zawn up hkang nna, shi a daru magam n-gun gaw ding man ai hte teng man rap ra ai hta rudi nga ai rai nna, ya kaw nna jahtum ai aten du hkra agrin nga na ra ai. Chyahtum Chyalai N-gun rawng ai dai Madu gaw ndai amu yawng galaw na matu daw dan da nga sai.

JAW JAU 7:35

Dai gaw Arun hte shi a shadang sha ni hpe hkinjawng amu gun hpai na matu aya dang ya ai shani e dai Madu hpe nat nawng ai lusha kumhpa ni hta na shanhte hpe jaw ai kamhtaw rai nga ai.

HABAKU 2:12

Nanhte gaw dingnye hkrum nga myit dai! Nanhte gaw mare hpe ru hka amu hta npawt de da nga myit dai; ru hka amu hte dai mare hpe gaw sharawt da nga myit dai.

YAWHAN 3:34

Karai Kasang e shangun dat ai wa gaw Karai Kasang a mungga ni hpe tsun nga ai, hpa majaw nga yang, Karai Kasang gaw shi shangun dat ai wa hpe hkum tsup re ai Wenyi jaw wu ai.

KASA 10:38

Nazaret wa Yesu gaw Karai Kasang kaw na Chyoi Pra ai Wenyi hte n-gun atsam gara hku hkam la lu ai hpe mung nanhte chye nga myit dai. Karai Kasang gaw Yesu hte rau rai nga ai majaw shi gaw shara shagu kawan katsan hkawm nna masha ni hpe mai kaja ai amu galaw ya let, nat gumlau e zingri zingrat hkrum ai ni yawng mayawng hpe shamai shatsai ya nga ai.

ROMA 16:25

Karai Kasang hpe anhte shakawn shagrau nga ga! Ngai nanhte hpe hkaw tsun dan sai Yesu Hkristu a lam Kabu gara shiga hte moi chyaloi nhkoi prat kaw nna makoi magap da ai dai teng man ai lam e shadan shadawng dat ai hte maren shi gaw nanhte hpe nanhte a makam masham hta ngang ngang kang kang tsap shangun lu nga ai.

ROMA 8:9

Rai ti mung, nanhte a hkum shan myit e hkang ai hku n re ai sha nanhte hta Wenyi nan shanu nga yang gaw Wenyi e hkang ai hku galaw hkawm sa myit mang lu na rai myit dai. Kadai rai ti mung Hkristu a Wenyi n rawng ai wa gaw Hkristu hte n seng nga ai.

1 KORINHTU 1:8

Anhte a Madu Yesu Hkristu bai du sa nna tara daw dan ai Nhtoi hta, mara shagun shara n nga hkra, shi nanhte hpe shangang shakang na marin dai.

2 KORINHTU 5:5

Dai galai mat na lam hpe anhte a matu lajang ai wa chyawm gaw Karai Kasang rai nga ai. Shi gaw anhte hkam la na rai nga ai chyeju nlang hte a matu hkam dahka galaw ya ai hku nna shi anhte hpe wenyi jaw mani ai.

KOLOSE 2:7

Sharin achyin ai hpe hkam la manit dai hte maren, shi hta sung sung ru jung nna, shi hta tinang a asak hkrung lam hpe gaw da let nanhte a makam masham hpe grau nna ngang kang shangun nga mu. Nanhte hta chyeju dum ai myit hte hpring nga mu.

1 HTESALONI 3:13

Ndai lam hku nna shi nanhte hpe shadaw shangang na ra ai. Anhte a Madu Yesu gaw shi a chyoi pra ai ni yawng hte rau bai du sa ai shaloi e, nanhte gaw anhte a Kawa Karai Kasang a man e hkum tsup nna chyoi pra san seng ai ni tai wa na marin dai.

2 HTESALONI 2:17

nanhte hpe galoi mung mai kaja ai lam tsun shaga galaw gunhpai nga lu myit ga n-gun jaw shangang shakang ya u ga law.

2 HTESALONI 2:8

Dai hpang dai N hkru Ai Wa dan pru na ra ai, rai ti mung Madu Yesu du sa ai shaloi N hkru Ai Wa hpe shi a n-gup kaw na pru ai nsa hte sat kau nna, shi a htoi kabrim ai hpung shingkang hte jahten shaza kau na ra ai.

2 HTESALONI 3:3

Rai ti mung Madu gaw kangka nga ai rai nna, shi gaw nanhte hpe myit n-gun shaja ya ai hte N hkru N kaja Ai Wa a hpyen ai kaw na makawp maga na ra ai.

HEBRE 13:9

Shawoi n mu n na yu ai sharin shaga ai lam tsasam amyu myu gaw nanhte hpe dai teng man ai lam kaw na lam hkum woi shadam shangun myit. Lusha hte seng ai hkan sa tara ni hpe madat mara hkan shadik ai hku n re ai sha Karai Kasang a chyeju kaw na wenyi n-gun atsam hpe hkam la ai mahtang grau mai kaja nga ai; dai lusha hte seng ai tara ni gaw hkan sa shadik ai ni hpe hpa n karum lu nga ai.

1 PETRU 5:10

Rai ti mung nanhte jahkring sha mi nni nkri hkam ngut ai hpang, chyeju yawng mayawng a Madu rai nga ai Karai Kasang gaw nanhte hpe Hkristu hta langai sha tai shangun nna htani htana hpung shingkang hta shang sha lu mu ga, nanhte hpe shaga la ai Madu shi nan nanhte hpe ra n rawng hkra jahkum shatsup ai lam shangang shakang ai lam, n-gun lagaw sharawng ai lam ni jaw nna ngang kang ai npawt hkridun hta tsap nga lu ai ahkang jaw na marin dai.

1 YAWHAN 2:20

Rai ti mung Yesu Hkristu gaw nanhte a ntsa e dai Chyoi Pra ai Wenyi ru jaw bun ya ai hkrum manit dai rai nna, nanhte yawng mayawng gaw, dai tengman ai hpe chye lu myit dai.

1 YAWHAN 2:27

Rai ti mung nanhte chyawm gaw, Hkristu shi a wenyi hpe nanhte a ntsa e ru jaw bang ya ai hkrum manit dai rai nna, nanhte hta dai wenyi a shanu nga dingsa kadai mung nanhte hpe sharin shaga na n ra sai. Hpa majaw nga yang, shi a Wenyi gaw nanhte hpe lam shagu hta e sharin shaga nga ai rai nna, shi sharin shaga ai lam gaw teng man nga ai, masu ai lam hpa mung n lawm ai. Dai majaw nanhte gaw dai Wenyi e sharin ai hte maren madat mara hkan sa nna Hkristu hte langai sha rai nga mu.

SHINGRAN 1:6

Shi a Kawa a magam amu hpe gun hpai lu na matu anhte hpe mungdan amyu hte hkinjawng aya jaw ya ai Yesu Hkristu kaw hpung shingkang hte daru magam ahkang aya gaw htani htana e anga nga u ga law! Amen.

SHINGRAN 3:18

Dai re ai majaw, nang sut su n ga, wan hta jen kau sai ja jet hpe mung, na a singgu krin re ai kaya kahpa masha a man e n dawng lit ga magap ya na matu, nang lawai na hpraw ai hpun palawng ni hpe mung, na myi mu lit ga chya na matu tsi mung, ngai kaw na mari la na matu, ngai nang hpe hpaji daw ya de ai.