2 KORINHTU 1:17 - Jinghpaw Common Language Bible 2009

¹⁷ Ya ndai zawn yaw shada ai hta ngai gaw myit n grin ai kajam kalam myit rawng ai wa re ai lam madun nga nngai kun? Nye a yaw shada ai lam ni hpe ngai myit daw dan sa wa ai shaloi tinang akyu tam ai maw mawn ai myit hte galaw sa wa nngai kun? Aten langai mi hta sha, “Rai sa, rai sa,” nga nna mung, “N rai law, n rai law,” nga nna mung, ga kabra tsun nngai kun?

Jinghpaw Hanson Version Bible

¹⁷ Ya, shing rai ngai myit da nga yang, ngai gaja wa nhting nhtang re ai myit madun nngai kun? Bai, nye a ga gaw, Rai sa, rai sa, nga ai gaw, N rai, n rai, tai wa u ga, ngu nna ngai myit da ai gaw, dinghta myit hku hkan nna myit da nngai kun?

2 KORINHTU 1:17 ပူးပေါင်းရင်းမြစ်များ

YEREMIA 23:32

Dai Madu ngai nan tsun ai ga hpe madat mu! Masu magaw ga amyu amyu hte hpring nna, shanhte a yup mang shingran ni hpe tsun hkai ai myihtoi ni hpe ngai hkap daw na nngai. Shanhte a masu magaw ga ni, kaman lila grang ai ga ni, ndai yup mang shingran ni tsun hkai ai hte nye a amyu masha ni hpe lam woi shadam nga ma ai. Ngai gaw shanhte hpe shangun dat ai n rai, shanhte gaw ndai amyu masha ni a matu dik nna hpa karum shingtau ya lu ma ai n rai. Dai Madu ngai nan tsun ni ai,” ngu nna tsun ai.

ZEHPANI 3:4

Myihtoi ni gaw lit n la ai hte ga kaman sha tsun nhtawm gumle gumlau rai nga ma ai; hkinjawng ni mung, chyoi pra ai shara hpe awu asin di nna shanhte a akyu a matu Karai Kasang a hkang da ai tara hpe manai makai di ma ai.

MAHTE 1:19

Yosep gaw myit ding hpring nna teng man ai hku galoi mung galaw ai masha langai mi rai nga ai hte maren, shi gaw Mari hpe masha a man e sari jahpoi ai lam n galaw mayu wu ai majaw, shi hte mahtan da ai lam hpe akatsi sha lagyim dawm kau na hkyen nga ai.

MAHTE 5:37

Na ga gaw, ‘Re ai’ shing n rai, ‘N re ai,’ ngu nna sha tsun u. Dai hta jan nna nang tsun ai ga gaw n kaja ai wa kaw na pru ai ga rai nga ai.

YAWHAN 8:15

Nanhte gaw shinggyim masha hkum shan lam madang hku nna sha daw dan myit dai, ngai gaw kadai hpe mung n daw dan nngai.

2 KORINHTU 1:12

Anhte myit kata hta asan sha gumrawng na lam langai mi nga ai; dai gaw, ndai mungkan hta anhte a asak hkrung lam, grau nna nanhte hte kanawn mazum matut mahkai ai lam ni hta masha a machye machyang hta n shamyet shanat ai sha Karai Kasang a chyeju atsam hte anhte gaw Karai Kasang jaw ai teng man san seng ai myit masin e up hkang ai hku nna amu galaw ai lam rai nga ai.

2 KORINHTU 11:18

Rai ti mung masha law law wa masha a galaw lu ai atsam hta gum rawng ma ai majaw ngai mung gumrawng na nngai.

GALATI 1:16

Dai hpang maigan masha ni hpe shi a kasha a lam Kabu Gara Shiga hkaw tsun dan lu u ga matu shi a kasha hpe ngai e shadan dan ni ai. Dai shaloi e ngai gaw kade a hpaji jaw ai lam hpe mung n hpyi n hkam la nngai.

GALATI 2:2

Ning rai ngai lung wa ai gaw Karai Kasang jaw ai shingran ga hte maren rai nga ai. Ningbaw ningla ni san san hte hpawng ai zuphpawng hta maigan masha ni hpe ngai hkaw tsun ai Kabu Gara Shiga a lam tsun sanglang dan nngai. Ndai zawn tsun sang lang dan ra ai lam gaw, shawng de rai ti mung, ya e rai ti mung ngai galaw gun hpai shakut nga ai magam amu hpe kaman lila sum mat ai lam n byin shangun mayu ai majaw rai nga ai.

1 HTESALONI 2:18

Anhte gaw nanhte hpang de bai wa mayu ga ai. Ngai hkum nan nanhte hpang de bai sa wa na matu lahkawng lang shakut yu ni ai, rai ti mung Satan gaw anhte hpe ban hkum shadang kau mi ai.

YAKU 5:12

Dai hta n ga nye a hpu nau ni e, nanhte ga sadi tawn ai shaloi dagam dala ga hkum lang myit. Sumsing lamu shing n rai ginding aga shing n rai hpa hpe rai ti mung gang nna hkum dagam myit. Nanhte tsun ai ga gaw “Re ai,” rai yang re ai; “N re ai,” rai yang n re ai ngu nna sha tsun mu, shaloi nanhte gaw Karai Kasang a daw dan ai kaw na lawt lu na myit dai.

TARA AGYI 9:4

Shanhte gaw shi hpe Bala Ga Shaka htingnu kaw na gumhpraw sanit shi shaw ya dat ma ai rai nna gumhpraw dai hte shi matut mahkai na masha gumbyak hpung mi hpe saw la wu ai.