2 KORINHTU 1:15 - Jinghpaw Common Language Bible 2009

¹⁵ Ndai lam hte hpe myit mu myit hkut ai hte, nanhte lahkawng lang na chyeju lu la myit ga, nanhte kaw shawng sa du na ngu nna nnan e ngai myit yaw shada nngai.

Jinghpaw Hanson Version Bible

¹⁵ Ya, ning rai myit mu nga yang, nanhte gaw lahkawng lang na chyeju lu la myit ga she, nanhte hpang de shawng sa du nna,

2 KORINHTU 1:15 ပူးပေါင်းရင်းမြစ်များ

MAHTE 1:19

Yosep gaw myit ding hpring nna teng man ai hku galoi mung galaw ai masha langai mi rai nga ai hte maren, shi gaw Mari hpe masha a man e sari jahpoi ai lam n galaw mayu wu ai majaw, shi hte mahtan da ai lam hpe akatsi sha lagyim dawm kau na hkyen nga ai.

ROMA 1:11

Nanhte myit masin ngang kang nga myit ga, Wenyi shaman chyeju kumhpa langai ngai nanhte hpe karan jaw mayu ai majaw ngai nanhte hte grai hkrum mayu nga nngai.

ROMA 15:29

Ngai nanhte kaw du yang Hkristu kaw na ra n rawng nna gumring gumrat ai shaman chyeju ni nanhte hpe garan kachyan hkam la shangun lu na ngai chye nga nngai.

1 KORINHTU 11:34

Dai rai nna, Madu a Shana Shat Sha Poi sha na matu nanhte zuphpawng nga myit yang, Karai Kasang a tara dara ai hkrum na matu n rai u ga, masha langai ngai kawsi a yang gaw, nta e sha la u ga. Kaga ra ai lam ni hte seng nna ngai du sa ai shaloi she lajang sanglang na we ai.

1 KORINHTU 16:7

Ngai gaw nanhte kaw lai hprang sa wa let jahkring mi sha hkring ai hku n di mayu nngai. Karai Kasang ahkang jaw a yang gaw, ngai nanhte hte rau tawng marang mi nga lu na, myit mada nga nngai.

1 KORINHTU 4:19

Dai Madu hkraw a yang gaw, ngai nanhte hpang de alawan sa du na ring ngai. Dai shaloi shing rai gumrawng gumtawng nga ai ni a n-gup atsam hpe sha n rai, shanhte a n-gun atsam hpe mung ngai nan chye la lu na ring ngai.

2 KORINHTU 12:14

Ya ngai nanhte kaw masum lang ngu na sa du kawan na jin jin rai nga ni ai rai nna, ngai nanhte hpe kaga mi n htet shatsang na ni ai. Hpa majaw nga yang, ngai ra ai gaw ja gumhpraw hpe n rai, nanhte hpe sha ngai ra nga nngai. Kaja wa nga yang, kashu kasha ni gaw kanu kawa ni a matu sutgan mahkawng da na n ang ai, kanu kawa ni mahtang she shanhte a kashu kasha ni a matu mahkawng da na ang nga ai.

2 KORINHTU 6:1

Nanhte gaw Karai Kasang a chyeju hkam la ai ni rai nga myit dai hte maren dai chyeju hpe lahpawt lama n di kau myit ga, anhte Karai Kasang a shingdep shingtau ni hku nna nanhte hpe hpyi lajin dat ga ai.