2 KORINHTU 1:11 - Jinghpaw Common Language Bible 2009

¹¹ Dai majaw Karai Kasang gaw nanhte a shing rai akyu hpyi ai ga ni hpe htan ya nna anhte hpe shaman chyeju jaw na ra ai. Masha law law mung anhte hkam la ai shaman chyeju a majaw chyeju shakawn shagrau na mara ai.

Jinghpaw Hanson Version Bible

¹¹ law law wa anhte a lam shakawn kungdawn lu mu ga, nanhte mung shingdep shingtau let anhte a matu mara akyu hpyi ya mi.

2 KORINHTU 1:11 ပူးပေါင်းရင်းမြစ်များ

ESAIA 37:4

Asuri hkawseng gaw asak hkrung nga ai Karai Kasang hpe n kaw n law di na matu shi a hpyen du wa hpe dat dat nu ai. Dai Madu na a Karai Kasang gaw dai zawn re ai n kaw n law re ai lam hpe na nna shanhte hpe shing ngu tsun sai wa hpe ari jaw u ga law. Dai rai nna naw ngam nga ai anhte a amyu masha ni a matu Karai Kasang kaw akyu hpyi ya mi.”

KASA 12:5

Rai ti mung hpung masha ni yawng chyawm gaw Petru a matu mara Karai Kasang kaw aja awa akyu hpyi ya nga ma ai.

2 KORINHTU 4:15

Ndai lam ni yawng hte gaw nanhte hta akyu ara byin tai wa na matu rai nga ai; Karai Kasang a chyeju hpe hkam la ai masha ni mung grau grau law wa ai hte maren, Madu a hpung shingkang hpe chyeju dum shakawn shagrau akyu hpyi ai lam ni mung grau nna law htam wa na ra ai.

2 KORINHTU 9:14

Nanhte gaw nachying laklai ai Karai Kasang a chyeju hpe hkam sha lu manit dai majaw, shanhte gaw nanhte hpe grai tsaw ra ai myit hte nanhte a matu akyu hpyi ya na mara ra ai.

HPILIPI 1:19

Hpa majaw nga yang, nanhte a akyu hpyi ai ga ni a majaw mung, Yesu Hkristu kaw na Wenyi a karum madi shadaw ai lam a majaw mung, ngai ndai bawng dung ai kaw nna shalawt dat hkrum na nngai,

KOLOSE 4:3

Madu Yesu a sung htum ai mungga a lam hkaw tsun lu na ahkaw ahkang ginshan kaja Karai Kasang anhte hpe jaw u ga, anhte a matu mung akyu ahpyi ya nga mi. Hpa majaw nga yang, Hkristu a sung htum ai mungga hpe hkaw tsun ai a majaw ya e ngai htawng rawng nga nngai.

1 HTESALONI 5:25

Hpu nau ni e, anhte a matu mara mung akyu hpyi ya mi.

2 HTESALONI 3:1

Anhte a hpu nau ni e, hpang jahtum nanhte hpe htet dat mayu ai lam gaw, Madu a mungga gaw nanhte hta e byin ai zawn matut nna grai lawan ai hku chyam bra wa na hte shagrau shareng let hkap la mu ga, anhte a matu akyu hpyi ya mi.

HPILEMON 1:22

Dai hta n ga nye a matu nga shara lajang tawn u; hpa majaw nga yang, Karai Kasang gaw nanhte yawng hte a akyu hpyi ai ga hpe madat ya na ra ai rai nna, nanhte hpang de bai du sa shangun na ra ai hpang jahtum shakram dat ai ga ni ngu nna ngai myit mada nga nngai.

HEBRE 13:18

Anhte a matu mara n sim n sa akyu hpyi nga mu, anhte ni gaw tinang ni a htauli htaula myit asan apra rai nga ai lam kam lu ga ai, hpa majaw nga yang, anhte gaw ten shagu teng man ai lam galaw mayu ai myit rawng nga ga ai.