2 HKAWHKAM 9:3 - Jinghpaw Common Language Bible 2009

³ ndai tsanlun sau shi a baw ntsa e ru bun let, ‘Israela hkawhkam tai na matu nang hpe namman jaw ya u, nga nna dai Madu tsun ai,’ ngu tsun u. Dai hpang dai yang kaw nna nang chyang lu ai made pru mat wa u,” ngu nna tsun wu ai.

Jinghpaw Hanson Version Bible

³ dai namman tau la nna, shi a baw hta ru bun let, Yehowa ning nga ai: ‘Nang Israela hkawhkam tai na matu, ngai nang hpe namman chya ya sade ai,’ nga nna tsun ngut jang, hpa n hkring nga ai sha, chyinghka hpaw nna gat sa su,” ngu dat wu ai.

2 HKAWHKAM 9:3 ပူးပေါင်းရင်းမြစ်များ

1 HKAWHKAM 1:34

dai yang e, Zadok hte Nahtan gaw shi hpe Israela hkawhkam tai wa na matu namman jaw ya na rai myit dai. Dai hpang pahtau dum dat nhtawm, “Hkawhkam Shawlumon asak galu u ga law!,’ ngu nna jahtau tsun na rai myit dai.

1 HKAWHKAM 19:16

Israela hkawhkam tai na matu Nimshi a kasha Yehu hpe namman jaw ya u, na a hkang galai na myihtoi a matu Abela Mehola mare na Shahpat a kasha Elisha hpe namman jaw ya na rai ndai.

2 HKAWHKAM 8:13

Hazaela gaw, “Ngai hpa n rai nga nngai mi, kaning rai daru magam n-gun rawng wa lu na rai nga a ta?,” ngu nna san wu ai. Elisha gaw, “Nang Suri hkawhkam tai wa na rai nga ai gaw, dai Madu ngai hpe madun dan nga sai,” ngu nna tsun htang wu ai.

2 HKAWHKAM 9:6

Dai hpang shan lahkawng nta nhku de shang nhtawm myihtoi shabrang wa mahtang Yehu a baw ntsa e tsanlun sau ru bun let shi hpe, “Dai Madu Israela a Karai Kasang ning nga tsun dat ai: ‘Nye a amyu masha Israela a hkawhkam tai na, ngai nang hpe namman jaw ya nngai.

2 HKAWHKAM LABAU 22:7

Karai Kasang gaw Ahazia hpe hkrat sum shangun na matu ndai zawn Yoram hpang de sa hpu yu shangun nga ai. Dai yang e Ahazia nga nga yang shi hte Yoram gaw Ahab hkawhkam amyu matu hpe jahten sharun kau na matu dai Madu e lata san da sai Nimshi a kasha Yehu mying ai wa hte man hkrum rai hkrum katut wu ai.

PRU MAT 29:7

Dai hpang namman sau la nhtawm shi a baw ntsa e ru bun let, shi hpe namman sau chya ya na rai nga ndai.

Daniela 2:1

Nebuhkadneza hkaw dung ai lahkawng ning hta, shi yup mang mu wu ai. Dai gaw shi hpe grai wa myit sharu shatsang ya nga ai majaw shi n lu yup nga ai,

Daniela 4:35

Shi gaw mungkan masha ni hpe hpa mi n re ai zawn yu nga ai; sumsing lamu na lamu kasa ni hte mungkan ga na masha ni gaw shi up hkang ai n pu hta taw nga ai. Kadai mung shi a sharawng awng ai hpe ninghkap lu ai n rai; shi galaw ai amu hpe kadai mung ga san n shapraw lu nga ai.

Daniela 5:18

“Tsaw Htum ai Karai Kasang gaw na a nwa Nebuhkadneza hpe hkawhkam kaba shatai nna hpung rawng ai sari sadang hte daru magam hpung dagu jaw ya nu ai.

JAW JAU 8:12

Shi gaw namman sau loi mi la nhtawm Arun a baw hta ru jaw ya nna aya dang ya wu ai.

MAHTE 10:16

“Madat mu! chyahkyawn ni a ka-ang de sagu hpe zawn, ngai nanhte hpe shangun dat made ai. Dai rai nna nanhte gaw lapu zawn hpaji rawng nna hkrudu zawn myit sumnung shingdi nga mu.

MAHTE 2:13

Hpaji rawng ai ni wa mat ai hpang, dai Madu a lamu kasa langai mi yup mang hta Yosep kaw dan pru nna, “Herod gaw ma hpe sat kau na nga nna tam shangun dat ra ai. Dai rai nna, rawt u, dai ma kaji hte shi a kanu hpe woi nna, Egutu mung de hprawng sa su; ngai nang hpe bai shaga ai ladaw du hkra, dai yang e anga nga su,” ngu nna tsun wu ai.

MAHTE 26:7

Yesu shat sha na matu hkrawn taw nga yang, numsha langai mi shang wa nna, nachying hpu ging ai mura sau rawng ai lunghpraw ndum langai mi la sa nhtawm shi a baw hta e ru bun ya wu ai.

1 SAMUELA 10:1

Dai hpang Samuela gaw tsanlun sau rawng ai di bu langai la nna Shawlu a baw ntsa e ru jaw nna shi hpe pup let, “Shi a amyu masha Israela hpe up hkang ai du tai na matu, dai Madu gaw nang hpe namman jaw ya nga ai. Dai rai nna shi a amyu masha ni hpe nang up hkang nna shanhte a gumlau hpyen ni yawng a lata kaw nna mung shanhte hpe makawp maga ya na rai ndai. Ndai gaw dai Madu nang hpe lata la nna shi a amyu masha ni hpe up hkang na du tai na matu nang hpe madun ai sakse rai nga ai.

1 SAMUELA 15:1

Samuela gaw Shawlu hpe, “Ngai gaw shi a Israela amyu masha ni a hkawhkam tai na, nang hpe namman jaw ya na matu dai Madu shangun dat ai wa rai nga nngai. Dai rai nna, Chyahtum Chyalai N-gun rawng ai dai Madu kaning nga tsun ai ga hpe ya madat u.

1 SAMUELA 15:17

Samuela gaw, “Na hkum nang ahkyak n rai nga ai ngu myit nawn la tim pyi, nang gaw Israela amyu bawsang ni a ningbaw wa rai nga ndai. Dai Madu mung nang hpe Israela hkawhkam shatai nhtawm namman jaw ya nit dai;

1 SAMUELA 16:2

Samuela gaw, “Dai amu hpe kaning rai ngai galaw lu na rai ta? Dai lam Shawlu na jang, shi ngai hpe sat kau na ra ai!,” ngu nna san wu ai. Dai Madu gaw, “Nang hte rau dumsu upra langai la sa nhtawm dai Madu a matu shagu hkungga nawng jau na ngai sa wa nngai ngu tsun u.

1 SAMUELA 9:16

“Hpawt de ndai aten daram hta e, Benyamin amyu bawsang hta na masha langai mi, nang hpang de ngai shangun dat na nngai; shaloi nye a amyu masha Israela hpe up hkang ai wa shatai nna, shi hpe namman jaw ya na rai ndai; shing rai shi gaw shanhte hpe Hpilisti masha ni a lata kaw nna hkye mawai la na ra ai. Nye a amyu masha ni hkam sha ai nni nkri hpe ngai mu se ai; shanhte hpe karum la na matu shanhte a hpyi jahtau ai nsen ni hpe mung na se ai,” ngu nna tsun wu ai.