2 HKAWHKAM 7:9 - Jinghpaw Common Language Bible 2009

⁹ Rai ti mung shanhte shada da mahtang, “Ndai zawn re ai amu anhte n galaw ang na ga ai! Anhte shiga kaja lu ga ai, ti mung dai hpe anhte nan n shim da ang na ga ai. Jahpawt du hkra anhte naw ala nga ai rai yang, teng teng ari jaw ai hkrum na ga ai. Dai rai nna hkawhkam wa a du salang ni hpe ya jang sa tsun dan saga!,” ngu nna tsun jahta hkat ma ai.

Jinghpaw Hanson Version Bible

⁹ Dai hpang shanhte gaw, “Anhte galaw ai lam n mai nga ai, dai ni gaw kaja ai shiga htawn tsun ai shani rai nga timung, anhte atsin sha nga nga ga ai, nhtoi leng hkra naw hkring nga ga yang gaw ari ahpri hkrum na ga ai, dai rai nna, sa marit, hkawhkam a nta masha ni hpe sa tsun shana ya ga,” nga nna shada bawng ma ai.

2 HKAWHKAM 7:9 ပူးပေါင်းရင်းမြစ်များ

2 HKAWHKAM 5:4

Dai lam hpe Naman na jang, hkawhkam wa hpang de shi sa nna dai mahkawn ma kaning nga tsun ai lam shi hpe tsun dan wu ai.

2 HKAWHKAM 7:10

Dai rai nna shanhte gaw Suri dap kaw nna pru mat wa nhtawm Samari mare de nhtang wa nna chyinghka sin ai sin langa ni hpe wa shaga shapraw ma ai: “Anhte gaw Suri masha ni a dap de sa saga ai; kadai hpe mung n mu, kadai shaga ai nsen mung n na rai ga ai; gumra ni hte lawze ni hpe sha dun da nga ma ai, sum ni mung dai raw Suri masha ni tawn kau da ma ai.”

2 HKAWHKAM 7:3

Manggang gang ai masha marai mali hte gaw Samari mare chyinghka lam shinggan e nga nga ma ai rai nna shanhte shada da, “Ataw, anhte si wa hkra nang e hpa majaw sa ala nga ra ang ga ta?

2 HKAWHKAM 7:6

Dai Madu gaw luksuk kaba hta gumra ni, hpyen leng ni hte htim lung wa ai zawn nga ai nsen Suri masha ni hpe na shangun ai rai nna, Israela hkawhkam gaw shanhte hpe htim gasat na matu Hiti hte Egutu hkawhkam yan hte shanhte a hpyen luksuk ni hpe karum hpyi saw shaga nu ai, ngu nna myit nawn la mu ai.

2 HKAWHKAM 7:8

Ya dai masha marai mali dap ndaw de du ma yang, shanhte gaw sum langai mi de shang mat wa nhtawm dai yang nga ai malu masha ni hpe lu sha la nna, shanhte mu tam ai aja, gumhpraw hte hpun palawng re ai ni hpe magra htawm la nna sa makoi da ma ai; dai hpang kaga sum de bai shang nna dai hte maren hkan galaw ma ai.

GA SHAGAWP 24:16

Ding hpring ai masha wa gaw gade lang kataw ti mung, shi gaw tut nawng e, bai rawt wa lu nga ai; rai ti mung, tsin-yam tsindam gaw tara n lang ai wa hpe jahten sharun kau nga ai.

ESAIA 41:27

Dai Madu ngai gaw Ziun a shiga hpe shawng tsun dan ai wa rai ni ai; Ngai gaw Yerusalem hpe ning ngu tsun na matu kasa dat ni ai: ‘Na amyu masha ni gaw du wa na mara ai! Shanhte gaw dum nta de du wa mara ai!’

ESAIA 52:7

Bum lang ni hpe lai di nna kabu gara shiga, ngwi pyaw sim sa lam a shiga la sa ya ai wa hpe mu lu ai gaw kade sha mauhpa rai nga a hka! Shi gaw awng padang hpe ndau shabra nna Ziun hpe, “Na a Karai Kasang gaw hkawhkam rai nga ai!,” ngu nna tsun ai.

NAHUM 1:15

Yu mu, shiga gun ai wa langai mi gaw kabu gara shiga hte bum lang ntsa hku nna du sa wa ra ai! Shi gaw awng padang ninglaw ndau shabra na matu du sa wa nga ai. Yuda amyu masha ni e, nanhte a masat dingsat poi galaw mu; Karai Kasang hpe dagam ga shaka rap raw mu. Tara n lang ai ni gaw nanhte a mungdan hpe galoi mung shang gasat lu na mara ai n rai. Shanhte gaw tsep kawp jahten shaza kau hkrum nga masai!

BU HKAWM 32:23

Rai ti mung nanhte a ga sadi hpe n hkan shatup myit dai rai yang chyawm gaw dai Madu hpe nanhte shut kau na rai myit dai, ngu nna ngai ga sadi jaw nngai. Dai lam gaw shut ai lam n rai, nga nna galaw hkrup myit yang gaw nanhte shut kau ai yubak a majaw ari jaw hkrum na rai myit dai.

LUKA 2:10

Rai ti mung, lamu kasa gaw, “Hkum hkrit myit! Masha nlang a matu nachying kabu gara mai ai shi ga ngai nanhte kaw gun sa ring ngai.

HPILIPI 2:4

Langai hte langai tinang hte seng ai lam hpe sha n rai, masha gale hte seng ai lam hpe mung myit yu nga mu ga.