2 HKAWHKAM 7:8 - Jinghpaw Common Language Bible 2009

⁸ Ya dai masha marai mali dap ndaw de du ma yang, shanhte gaw sum langai mi de shang mat wa nhtawm dai yang nga ai malu masha ni hpe lu sha la nna, shanhte mu tam ai aja, gumhpraw hte hpun palawng re ai ni hpe magra htawm la nna sa makoi da ma ai; dai hpang kaga sum de bai shang nna dai hte maren hkan galaw ma ai.

Jinghpaw Hanson Version Bible

⁸ Ya ndai manggang gang ai ni gaw, dap ndaw de du ma yang, shanhte sum langai mi hta shang nna, lusha nhtawm, dai kaw na aja gumhpraw hte hpun palawng ni hpe shaw la nna, sa makoi da mu ai, dai hpang sum kaga de mung wa shang nna arai ni hpe shaw la nhtawm sa makoi da mu ai.

2 HKAWHKAM 7:8 ပူးပေါင်းရင်းမြစ်များ

2 HKAWHKAM 5:24

Shanhte gaw Elisha nga ai bum de du jang, Gehazi gaw dai tingsan lahkawng hpe la nhtawm nta nhku de hpai shang mat wa wu ai. Dai hpang Naman a shangun ma yan hpe nhtang wa shangun wu ai.

2 HKAWHKAM 7:9

Rai ti mung shanhte shada da mahtang, “Ndai zawn re ai amu anhte n galaw ang na ga ai! Anhte shiga kaja lu ga ai, ti mung dai hpe anhte nan n shim da ang na ga ai. Jahpawt du hkra anhte naw ala nga ai rai yang, teng teng ari jaw ai hkrum na ga ai. Dai rai nna hkawhkam wa a du salang ni hpe ya jang sa tsun dan saga!,” ngu nna tsun jahta hkat ma ai.

YEREMIA 41:8

Rai ti mung, dai hpung hta lawm ai marai shi chyawm gaw Ishmaela hpe, “Chyeju hte anhte hpe hkum sat kau mi! Anhte lu ai hkaulan mam, muk-yaw mam, tsanlun sau hte lagat jahku ni hpe pa ga e makoi da ga ai,” ngu nna tsun ma ai. Shaloi shi gaw shanhte hpe shalawt tawn da wu ai.

MAHTE 13:44

“Sumsing Lamu a Mungdan gaw, ga dachyawk hta e makoi da nna masha langai mi e mu hkrup ai hte bai makoi da ai sutgan hte bung nga ai. Kabu gara ai myit hte shi wa nhtawm, shi lu malu hte hpe dut kau nna, ga dachyawk dai hpe mari la wu ai.

MAHTE 25:18

Rai ti mung gumhpraw joi mi sha lu ai wa mahtang pru sa nhtawm, nhkun htu nna shi a madu a gumhpraw hpe lup da wu ai.

YAWSHU 7:21

Anhte lu rim la ai arai ni hta tsawm ai Babelon ntsa palawng langai, gumhpraw pawng manga daram, pawng mi jan li ai ja tawng ni hpe mu nna grai yu ra ai hte la kau se ai. Dai arai ni hpe nye a sum kata na ga hta lup da we ai; gumhpraw hpe chyawm gaw htumpa e tawn da nngai,” ngu nna htan wu ai.