2 HKAWHKAM 7:7 - Jinghpaw Common Language Bible 2009

⁷ Dai rai nna Suri masha ni gaw dai shana de e, shanhte a asak lawt hkra nga, shanhte a sum ni, gumra lawze ni, dap dabang ni hpe dai hku tawn kau da nhtawm hprawng htaw mat wa ma ai.

Jinghpaw Hanson Version Bible

⁷ nhtoi garai n leng yang, rawt hprawng nna, tinang a sum ni, tinang a gumra ni lawze ni hte dap ting hpe kau tawn da nna, tinang a asak lawt hkra hprawng htaw mat wa ma ai.

2 HKAWHKAM 7:7 ပူးပေါင်းရင်းမြစ်များ

1 HKAWHKAM 10:29

Egutu mung na shapraw ai gumra leng manu ni gaw shanhte a lata hta rai nga ai. Shanhte gaw Hiti hte Suri hkawhkam ni hpe gumra ni hte gumra leng ni hpe dut ya nga ma ai; shing rai leng langai mi hpe gumhpraw 600 hte gumra langai mi hpe gumhpraw 150 hte ging dan ai hku dut ma ai.

1 HKAWHKAM 20:20

shanhte langai dek dek rai hpyen ni hpe sat kau mu ai; dai Suri masha ni mahtang hprawng mat wa nhtawm Israela masha ni hkan shachyut nang nga ma ai; rai ti mung Benhadad mahtang gumra dap na masha nkau mi hte rau gumra hta jawn nna hprawng lawt mat wa nga ai.

YOBA 18:11

Shanhte a grup grup mahkra hta hkrit hpa lam ala nga ai; dai gaw shanhte a lahkam shagu hta hkan nang nga ai.

SHAKAWN KUNGDAWN 33:17

Majan gumra ni gaw awng padang a matu kaman lila rai nga ai; dai ni a n-gun kaba hte hkye hkrang la lu nga ai n rai.

SHAKAWN KUNGDAWN 68:12

“Hkawhkam ni hte shanhte a hpyen luksuk ni hprawng mat wa masai!,” nga nna tsun ma ai.

GA SHAGAWP 21:1

Dai Madu gaw hka shi hpe de a lwi lam de, aloi sha shalen dat wu ai zawn, hkawhkam wa a myit mang ai lam hpe mung, hkang ya nga ai.

GA SHAGAWP 28:1

Tara n lang ai ni gaw shanhte hpe shachyut ai ni kadai n nga ti mung, hprawng nga ma ai; rai ti mung ding hpring ai wa chyawm gaw hkanghkyi zawn nden ja nga ai.

GA SHAGAWP 6:5

Jaugawng wa hkam da ai mahkam kaw na lawt mat wa ai shannga shing n rai u zawn lawt pru mat wa u.

ESAIA 2:20

Dai nhtoi du ai shaloi, shanhte gaw shanhte galaw ai aja gumhpraw hpara sumla ni hpe kabai kau nna dai ni hpe sharu ni hte patsip ni hpang de tawn kau da ya na ra ai.

HEBRE 6:18

Shing rai dai ga sadi hte dagam ai ga myu lahkawng yan gaw n mai galai mat ai baw re ai majaw Karai Kasang gaw masu ga tsun ai n rai. Dai re ai majaw shi hta shingbyi nna shim ai lam lu la ai ni ngu ai anhte gaw anhte hpe jaw ya ai myit mada shara hta ngang ngang kang kang magra noi nga na matu n-gun jaw ai lam grai wa lu la saga ai.

TARA AGYI 7:21

Masha shagu hte gaw dai dap grup yin de tinang nang a shara ni hta tsap nga ma ai rai nna dap ting na gumlau hpyen ni marawn jahtau let hprawng mat wa ma ai.

1 SAMUELA 14:15

Bum ga hkan nga ai Hpilisti masha ni yawng mung hkrit kajawng mat ma ai; dap e nga ai shang gasat na hpyenla ni mung hkrit gari mat ma ai; ginding aga she ashun rai grai hkrit kajawng nga ma ai.