Anhte yawng si na sha rai nga saga ai; anhte gaw ga ntsa e hkaw gamang mat nna mahkawng la n lu ai hka hte she bung mat nga saga ai. Karai Kasang gaw si mat sai wa hpe bai n jahkrung ya wu ti mung, nang hkawhkam wa gaw kaga mung de hprawng mat wa ai masha langai mi hpe sha gaw yawm dik tam la nna bai woi la lu na ndai.
2 HKAWHKAM 7:4 - Jinghpaw Common Language Bible 20094 Mare kata de shang ngu yang, dai yang e hku hku nna si mat na rai ga ai majaw, dai mung akyu n rawng; nang e nga nga ngu yang anhte si na sha bai rai; dai re ai gaw Suri dap de mahtang sa mat wa yu saga: sawng dik htum gaw anhte hpe sat kau lu na lam rai nga ai; rai ti mung anhte a asak hpe mahkoi mi jahkrung da ya lu na ma ai nhten!,” ngu nna tsun hkat ma ai. အခန်းကိုကြည့်ပါ။Jinghpaw Hanson Version Bible4 Mare kata de shang ngu yang, dai yang e hku wa kaba hkrum nna si na ga ai, bai, nang e dung nga yang mung si ai hkrai hkrum na ga ai. Dai re ai majaw, sa marit; Suri luksuk ni hpang de shang bang wa saga, shanhte anhte hpe jahkrung da ni yang, hkrung nga na ga ai, sat kau mi yang, si na sha rai nga ai, nga nna shada da tsun hkat na ai. အခန်းကိုကြည့်ပါ။ |
2 HKAWHKAM 7:4
11 ပူးပေါင်းရင်းမြစ်များ
Dawi gaw Hpilisti masha ni hte rau Hkawhkam Shawlu hpe htim gasat na matu rawt sa wa yang, Manashe a amyu bawsang kaw nna hpyenla nkau mi gaw Dawi hpang maga de shang mat wa ma ai. Teng teng nga yang, shi gaw Hpilisti masha ni hpe sa karum la na matu n rai; hpa majaw nga yang, shanhte hpe shi a shawng na madu Shawlu hpang de woi kayin gumlau kau na hpe shanhte a hkawhkam ni hkrit nga ma ai majaw shanhte gaw Dawi hpe Ziklag mare de nhtang wa kau shangun nga ma ai.
“Sa nna Susa mare hta nga ai Yuda masha ni yawng hpe jahpawng tawn u; lusha gam let nye a matu akyu hpyi ya mi. Masum ya tup shani shana hpa mung hkum lu hkum sha nga myit. Nye a shangun ma numsha ni hte ngai mung dai hte maren galaw na ga ai. Dai hpang tara tawt lai ti mung hkawhkam wa hpang de ngai shang na nngai. Ndai amu galaw ai a majaw ngai si lu na rai yang mung si na nngai.”
Ngai pa layang ni de pru hkawm ai shaloi, majan hta sat hkrum sai masha ni a moi mang ni hpe ngai mu nngai; Ngai mare ni de pru hkawm ai shaloi, kawsi hpang gara nna si ai masha ni hpe mu nngai. Myihtoi ni hte hkinjawng ni shanhte a amu matut galaw ma ai, rai ti mung, shanhte gaw shanhte hpa galaw nga ai n chye ma ai.”
“Anhte gaw hpa majaw atsin sha dung nga ga ta?,” nga nna Karai Kasang a masha wa san nga ai. “Sa marit, anhte gaw bunghku kum ai mare ni de kagat sa nna, dai shara ni hta atsin sha sa si nga ga. Dai Madu anhte a Karai Kasang gaw anhte shi hpe shut kau ai yubak mara ni a majaw, anhte atsin sha si na matu jahten shaza kau nu ai hte anhte hpe gung ntsin lu shangun mi ai.
ကြော်ငြာတွေ