2 HKAWHKAM 7:3 - Jinghpaw Common Language Bible 2009

³ Manggang gang ai masha marai mali hte gaw Samari mare chyinghka lam shinggan e nga nga ma ai rai nna shanhte shada da, “Ataw, anhte si wa hkra nang e hpa majaw sa ala nga ra ang ga ta?

Jinghpaw Hanson Version Bible

³ Ya manggang gang ai masha mali mare chyinghka lam e nga nga ma ai, shanhte gaw, “Ataw, anhte si hkra hpa majaw nang e adung nga ga ta?

2 HKAWHKAM 7:3 ပူးပေါင်းရင်းမြစ်များ

2 HKAWHKAM 5:1

Suri hpyen luksuk hpe up hkang ai Naman gaw shi a lata hku nna dai Madu Suri masha ni hpe awng padang jaw ya wu ai majaw Suri hkawhkam e shagrau shatsaw ai hte arawng aya kaba hkam la hkrum ai wa rai nga ai. Shi gaw share ninghkrin hpyenla kaba wa rai nga ti mung, manggang ana hkam sha nga wu ai.

2 HKAWHKAM 7:4

Mare kata de shang ngu yang, dai yang e hku hku nna si mat na rai ga ai majaw, dai mung akyu n rawng; nang e nga nga ngu yang anhte si na sha bai rai; dai re ai gaw Suri dap de mahtang sa mat wa yu saga: sawng dik htum gaw anhte hpe sat kau lu na lam rai nga ai; rai ti mung anhte a asak hpe mahkoi mi jahkrung da ya lu na ma ai nhten!,” ngu nna tsun hkat ma ai.

2 HKAWHKAM 8:4

Elisha a shangun ma Gehazi hte ga shaga nga ai hkawhkam wa hpe shi sa mu wu ai. Hkawhkam wa chyawm gaw Elisha galaw ai mauhpa lamik kumla hte seng ai lam ni hpe chye la mayu nga wu ai.

YEREMIA 27:13

Nang hte na a amyu masha ni gaw hpyen majan, kawsi hpang gara ai hte ana zinli hta hpa majaw si ang na rai myit ta? Dai gaw Babelon hkawhkam a ga hpe n madat n mara ai gara amyu baw hta rai tim, dai Madu tsun da sai hte maren byin wa na ra ai.

YEREMIA 8:14

“Anhte gaw hpa majaw atsin sha dung nga ga ta?,” nga nna Karai Kasang a masha wa san nga ai. “Sa marit, anhte gaw bunghku kum ai mare ni de kagat sa nna, dai shara ni hta atsin sha sa si nga ga. Dai Madu anhte a Karai Kasang gaw anhte shi hpe shut kau ai yubak mara ni a majaw, anhte atsin sha si na matu jahten shaza kau nu ai hte anhte hpe gung ntsin lu shangun mi ai.

BU HKAWM 12:10

sumwi mung Sum kaw na dawm mat wa ai. Shaloi Miriam a ahpyi shan hta hkrit hpa manggang ana akajawng sha kap nna hkyen zawn hpraw mat wu ai. Arun gaw shi hpe mada yu nna shi hta manggang kap nga ai hpe mu jang,

BU HKAWM 12:14

Dai Madu mung, “Shi a kawa shi a myi man hpe mayen mahtaw bun ai rai yang sanit ya tup shi hta kaya hkrum nga na rai wu ai. Dai re ai majaw shi hpe bat mi tup shinggan e sa nga shangun u, dai hpang shi hpe bai woi wa na rai ndai,” ngu nna htan wu ai.