2 HKAWHKAM 4:9 - Jinghpaw Common Language Bible 2009

⁹ Dai numsha gaw shi a madu wa hpe, “Ndai shara de sa ai ndai masha wa gaw chyoi pra ai masha langai mi rai nga ai gaw ngai dum chye nga nngai.

Jinghpaw Hanson Version Bible

⁹ Bai dai numsha gaw madu wa hpe, “Yu u, ndai hku lai lai re ai wa gaw, Karai Kasang a chyoi pra ai masha rai nga ai hpe, ngai dum se ai.

2 HKAWHKAM 4:9 ပူးပေါင်းရင်းမြစ်များ

1 HKAWHKAM 13:1

Yeroboam gaw shagu hkungga nawng ya na nga tawn hkungri e tsap nga yang, dai Madu a hkang da ai ga hte maren, Yuda mung na myihtoi langai mi gaw Behtela mare de du sa wa nhtawm,

1 HKAWHKAM 17:18

Shi gaw Elia hpe, “Karai Kasang a masha wa e, nang hpa majaw ndai zawn ngai hpe galaw kau n ta? Karai Kasang hpe nye a yubak shadum ya nhtawm nye a kasha hpe si mat shangun na matu ndai yang e nang du sa ai n rai ni?,” ngu nna san wu ai.

1 HKAWHKAM 17:24

Shi mung, “Nang gaw Karai Kasang a masha rai nga ndai mung, dai Madu gaw nang hku nna teng teng ga shaga nga ai hpe mung, ya ngai chye ni ai!,” ngu nna htan wu ai.

2 HKAWHKAM 4:7

Numsha gaw Elisha hpang de bai sa wa wu ai rai nna myihtoi wa gaw shi hpe, “Dai tsanlun sau ni hpe dut nhtawm na a hka yawng wa kau u; ngam ai hte mung nang hte na n sha yan a asak bau na matu law ram ai gumhpraw tai na ra ai,” ngu nna tsun wu ai.

2 HKAWHKAM LABAU 25:7

Rai ti mung myihtoi langai mi gaw hkawhkam wa hpang de sa nhtawm shi hpe, “Nang hte rau ndai Israela hpyenla ni hpe hkum woi et; dai Madu gaw dingdung mungdan na ndai masha ni hte rau nga nga ai n rai.

MAHTE 5:16

Dai hte maren, masha ni gaw nanhte a kaja ai bungli ni hpe mu lu nna, sumsing lamu e nga ai nanhte a Kawa hpe shagrau sha-a mu ga, shanhte a man e nanhte a nhtoi hpe htoi tu shangun lu na rai myit dai.

TARA JAHPRANG 33:1

Ndai gaw Karai Kasang a masha Mawshe, shi garai n si wa yang, Israela amyu masha ni hpe shaman ya ai ga ni rai nga ai.

1 HTESALONI 2:10

Kam sham nga ai ni nanhte a man e anhte a arawn asam san seng nna teng man ai hte mara n rawng nga ai gaw anhte a matu nanhte nan sakse ni rai nga myit dai, dai hte maren Karai Kasang mung sakse rai nga ai.

1 TIMOHTI 6:11

Nang chyawm gaw Karai Kasang a masha wa e, dai lam mahkra hte hpe koi gam nga u. Ding hpring ai, tara hkungga ai, kam sham ai, tsaw ra ai, shakut sharang ai hte sumnung ai myit ni hpe lu la hkra shakut shaja nga u.

TITU 1:8

Shi gaw manam daw ra ai, mai kaja ai lam hpe tsaw ra chye ai wa, tinang hkum hpe hkang chye ai, si si re ai, ding hpring ai, chyoi pra ai, tara hkan ai wa rai ra ai.

1 PETRU 3:1

Dai hte maren madu jan ni e, tinang a madu wa hkang ai hku hkan nga mu; ndai lai hku nna nanhte hta Karai Kasang a mungga hpe garai n kam n sham ai madu wa ni lawm ai rai yang gaw, nanhte a arawn alai hpe mu nna ga hkaw mi n tsun ra ai sha kam sham ai masha shatai la lu na myit dai.

2 PETRU 1:21

Hpa majaw nga yang, gara myihtoi ga mung masha a myit ra myit jasat ai hku nna byin pru wa ai n rai; chyoi pra ai wenyi myit shadut ya hkrum ai masha ni gaw Karai Kasang kaw na du ai mungga hpe htawn tsun ma ai.

2 PETRU 3:2

Chyoi pra ai myihtoi ni moi shawng de tsun dan ai ga hpe mung, nanhte a kasa ni a lata hku nna hkye hkrang la ai Madu hkang da ai ga ni hpe mung ngai nanhte hpe bai myit dum shangun mayu nga nngai.