2 HKAWHKAM 4:4 - Jinghpaw Common Language Bible 2009

⁴ Dai hpang nang hte na a kasha yan nta nhku de shang wa nna chyinghka la kau nhtawm di bu ni hta sau ru bang hpang wa mu. Langai hpang langai hpring ma jang she la tawn da u,” ngu nna tsun dat wu ai.

Jinghpaw Hanson Version Bible

⁴ Na nta de du jang, na nsha yan hpe shaga la nna, chyinghka hpe la da nhtawm, ndai dibu mahkra hta namman ru bang nna, hpring ma jang she la tawn da u,” ngu wu ai.

2 HKAWHKAM 4:4 ပူးပေါင်းရင်းမြစ်များ

2 HKAWHKAM 4:3

Elisha gaw, “Nang wa nna dang lu ai made na a htingbu ni yawng kaw na man ai di bu ni hpe shap tawn u.

2 HKAWHKAM 4:5

Dai rai nna numsha mung shi a kasha yan hte rau nta nhku de shang wa nna chyinghka la kau nhtawm tsanlun sau rawng ai di bu kaji hpe la nna kasha yan la shapraw ya ai di bu ni hta sau ru bang wu ai.

ESAIA 26:20

Nye a amyu masha ni e, nanhte a dum nta kata de shang nna chyinghka la mu. Karai Kasang a pawt sindawng ai kawp mat ai aten du hkra, tinang hkum nan loi hkring mi makoi nga mu.

MAHTE 6:6

Rai ti mung nanhte mahtang akyu hpyi ai shaloi, nta kata gawk de shang nna, chyinghka hpe la da nhtawm, myi hte n mu lu ai nanhte a Kawa kaw hpyi mu; n dan n leng ai hku galaw ai amu hpe mu lu ai nanhte a Kawa gaw, nanhte hpe bai htang jaw na marin dai.

MARKU 5:40

Shanhte chyawm gaw shi hpe mani asawng kau mu ai; Shi mahtang shanhte yawng hpe shaden kau ngut jang, dai ma a kanu yan kawa hte sape ni marai masum hpe shaga la nna dai ma taw nga ai gawk de shang wa ma ai.

YAWHAN 6:11

Shaloi Yesu gaw dai muk tawng ni hpe la nna Karai Kasang kaw chyeju shakawn nhtawm, dung nga ai ni hpe karan jaw mu ai; dai hte maren nga hpe mung shanhte ra ai made karan jaw mu ai.

KASA 9:40

Petru chyawm gaw shanhte yawng hpe gawk kaw nna shapraw kau nhtawm hput di let kyu hpyi nga ai. Dai hpang dai mang maga de kayin nna, “Tabihta e rawt u!,” ngu wu ai. Tabihta mung myi hpaw nna Petru hpe mu jang, rawt dung nga ai.

EHPESU 3:20

Anhte a myit masin hta shi a n- gun atsam hte amu galaw nga ai, anhte hpyi chye ai shing n rai myit yaw shada ai hta pyi grau lai hkra galaw shabyin jaw ya lu ai. Karai Kasang gaw dai hpung a marang e mung,