2 HKAWHKAM 3:9 - Jinghpaw Common Language Bible 2009

⁹ Dai rai nna, Hkawhkam Yoram mung Yuda hte Edom hkawhkam ni pru sa nna sanit ya tup kawan yu ngut ai hpang shanhte hka n lu ma ai. Masha mung, daw htaw ai yam nga ni a matu mung hpa n nga nga sai.

Jinghpaw Hanson Version Bible

⁹ Shing rai Israela hkawhkam, Yuda hkawhkam hte Edom hkawhkam pru sa nna, sanit ya tup kawan hkawm nga ma yang, hpyen ma ni a matu mung, shanhte kaw hkan nang ai yamnga ni a matu mung, lu na ntsin n nga ai.

2 HKAWHKAM 3:9 ပူးပေါင်းရင်းမြစ်များ

1 HKAWHKAM 22:27

Ngai shim lum ai hte bai nhtang wa ai aten du hkra, shi hpe htawng sharen da nna, muk hte hka jaw lu jaw sha na lam shanhte hpe tsun u,” ngu nna hkang dat wu ai.

1 HKAWHKAM 22:47

Dai aten e Edom mung hta hkawhkam n nga ai; Yuda hkawhkam wa san da ai dat kasa wa chyu sha up hkang nga ai.

1 HKAWHKAM 22:48

Hkawhkam Yehoshahpat gaw nammukdara ntsa hkawm ai sanghpaw li ni hpe shachyaw nhtawm Ohpira mung na ja sa htaw la na nga pru sa wa wu ai; rai ti mung Eziongebera shara e daw agrawp mat nna, galoi mung n pru sa lu nga sai.

2 HKAWHKAM 3:1

Yuda Hkawhkam Yehoshahpat hkaw dung ai shi matsat ning hta Ahab a kasha Yoram gaw Israela hkawhkam tai wa sai rai nna Samari mare e hkaw dung let shi lahkawng ning up nga wu ai.

2 HKAWHKAM 3:10

Hkawhkam Yoram gaw, “Anhte gaw shamyit kau ai hkrum na saga ai law! Dai Madu gaw anhte masum hpe Moba hkawhkam a daru magam n-gun lata hta ap kau nga sanu hka!,” ngu nna tsun wu ai.

2 HKAWHKAM 3:7

Shi gaw Yuda Hkawhkam Yehoshahpat hpang de shiga shana dat wu ai: “Moba hkawhkam ngai hpe gumlau nga nu ai; shi hpe ninghkap na matu mung, ngai hte rau majan gasat na n ni?” Shaloi Hkawhkam Yehoshahpat mung, “Ngai gasat nang na nngai. Nye a masha ni hte nye a gumra ni gaw na a daw dan hparan ai amu hta sha madung nga ai.

2 HKAWHKAM 3:8

Dai re ai gaw gara lam hku anhte lung gasat na rai nga ga ta?,” ngu wu ai. Ya Yoram chyawm gaw Edom mung nam mali hku lam galu hkawm lung wa na re ai,” ngu nna htan wu ai.

2 HKAWHKAM 8:20

Yehoram hkaw dung ai laman hte yang, Edom gaw Yuda hpe gumlau wu ai rai nna shanglawt lu ai mungdan tai wa sai.

PRU MAT 11:8

Mawshe gaw, “Na a du salang ni yawng ngai kaw du sa nna, nye a man e dingnyawm let, nye a amyu masha ni hpe woi wa nna pru wa manu, ngu nna ngai hpe shanhte lajin wa na mara ai. Dai hpang ngai pru mat wa na nngai,” ngu nna tsun ningdim da wu ai. Mawshe mung masin grai pawt ai hte hkawhkam wa a man kaw na pru mat wa wu ai.

PRU MAT 15:22

Dai hpang Mawshe gaw Israela amyu masha ni hpe Nawng Hkyeng kaw nna Shura nam mali de woi sa wa wu ai. Shanhte gaw nam mali kata e masum ya sat hkawm sa wa ma ti mung, hka n mu lu ma ai.

PRU MAT 17:1

Dai Madu hkang da ai hte maren, Israela shawa hpung ting gaw Sin nam mali kaw nna pru wa nhtawm shara mi kaw nna shara mi de htawt hkawm nga ma ai. Shanhte gaw Rehpidim e dabang but ma ai; rai ti mung, dai yang e shanhte lu na hka n nga nga ai.

BU HKAWM 20:2

Shanhte dabang but ai shara hta hka n nga malu ai majaw amyu masha ni Mawshe yan Arun kaw sa zup nhtawm, “Dai Madu a Sum man hta

BU HKAWM 20:4

Nang anhte hpe hpa majaw ndai nam mali kata de woi bang wa nga n ta? Anhte a yam nga ni hte rau ndai yang e si lu na rai nga ga ni?

BU HKAWM 21:5

Shanhte gaw, “Lusha mung, hka mung n nga ai ndai nam mali hkan e si mat na matu nang anhte hpe hpa majaw Egutu mung kaw na woi wa nga n ni? Ndai asit awat nga ai lusha hpe anhte kachyi mi pyi n kam sha mat saga ai!,” ngu nna aput ma ai.

BU HKAWM 33:14

Dai kaw na htawt nhtawm shanhte lu na hka n nga ai Rehpidim shara e but ma ai.

TARA AGYI 4:10

Barak gaw Zebulun hte Naphtali amyu bawsang ni hpe Kedesha de shaga la nna masha mun mi mung shi kaw hkan nang ma ai. Debora mung shi hte rau sa wa nga ai.