2 HKAWHKAM 3:3 - Jinghpaw Common Language Bible 2009

³ Rai ti mung shi a shawng na Nebat a kasha Hkawhkam Yeroboam zawn Israela masha ni hpe yubak lam de woi sa ai hta hkum shingdang lu ai n rai.

Jinghpaw Hanson Version Bible

³ Rai timung, Israela amyu hpe shut shangun ai, Nebat a kasha Yeroboam a shut hpyit ai lam hta, shi manoi nga ai rai nna, dai hta na yit wa ai, n rai.

2 HKAWHKAM 3:3 ပူးပေါင်းရင်းမြစ်များ

1 HKAWHKAM 13:33

Israela Hkawhkam Yeroboam gaw shi a n hkru ai lam hta na myit n kayin ai sha shi galaw da ai tawn hkungri hta daw jau amu galaw na matu yu maya dinghku kaw na hkinjawng ni hpe naw lata la wu ai; dai shara hta hkinjawng tai mayu ai ni kadai hpe mung hkinjawng aya dang ya wu ai.

1 HKAWHKAM 14:16

Yeroboam gaw yubak mara shut hpyit nhtawm Israela amyu masha ni hpe yubak lam de woi hkawm sa wa ai majaw dai Madu gaw Israela hpe kau da na ra ai,” ngu nna tsun wu ai.

1 HKAWHKAM 14:9

Na a shawng e up hkang ai ni hta nang shut hpyit kau ai yubak mara gaw grau kaba nga ai. Nang gaw ngai hpe shinggan kau nhtawm nawku na matu hpara sumla ni hte nhprang gawkngu hkrang sumla ni galaw let ngai hpe pawt bu shangun nga ndai.

1 HKAWHKAM 15:26

Shi a kawa zawn shi a man e dai Madu hpe shut hpyit kau nhtawm Israela masha ni hpe yubak lam de woi sa wa wu ai.

1 HKAWHKAM 15:34

Shi a shawng na Hkawhkam Yeroboam zawn shi a man e dai Madu hpe shut hpyit kau nhtawm Israela amyu masha ni hpe yubak lam de woi sa kau wu ai.

1 HKAWHKAM 16:31

Hkawhkam Yeroboam zawn yubak galaw na shi a matu n ram dum nga wu ai; dai rai nna Sidon Hkawhkam Etbala a shayi sha Yezebela hpe hkungran la let Bala hpe nawku wu ai.

2 HKAWHKAM 13:11

Shi mung Israela masha ni hpe yubak lam de lam woi shadam ai Hkawhkam Yeroboam a n hkru n shawp ai kasi hta hkan nang let dai Madu hpe yubak grai galaw shut kau nga wu ai.

2 HKAWHKAM 13:2

Shi a shawng na Hkawhkam Yeroboam zawn Israela masha ni hpe yubak lam de lam woi shadam nna dai Madu hpe shut hpyit kau wu ai. Shi galaw ai n hkru n shawp ai amu hpe galoi mung n lu koi kau lu wu ai.

2 HKAWHKAM 13:6

Rai ti mung dai Israela masha ni hpe lam woi shadam ai Hkawhkam Yeroboam a yubak hpe shanhte n koi yen lu nga ma ai; dai hta shanhte shut hpyit nga ding yang rai nga ai hta, Samari mung e Ashera karai num a gawkngu sumla hpe mung naw nga nga ai.

2 HKAWHKAM 14:24

Shi gaw Israela hpe yubak lam de lam woi shadam sa wa ai shi a shawng na hpu shawng hpu ba rai nga ai Nebat a kasha Hkawhkam Yeroboam a n hkru n shawp ai kasi hta hkan nna dai Madu hpe shut kau wu ai.

2 HKAWHKAM 15:18

Shi mung dai Madu hpe shut hpyit kau nu ai rai nna shi si mat ai shani du hkra Israela hpe yubak lam de lam woi shadam sa wa nga ai Nebat a kasha Hkawhkam Yeroboam a n hkru n shawp ai kasi hta hkan nga ai.

2 HKAWHKAM 15:9

Shi gaw shi a shawng na hpu shawng hpu ba ni zawn dai Madu hpe shut hpyit kau nga ai. Israela hpe yubak lam de woi shadam sa wa ai Nebat a kasha Yeroboam hkawhkam a n hkru n shawp ai kasi hta hkan nga ai.

2 HKAWHKAM 17:21

Dai Madu gaw Israela hpe Yuda kaw nna jahka kau dat ai hpang, Israela masha ni mahtang Nebat a kasha Yeroboam hpe shanhte a hkawhkam shatai da ma ai. Yeroboam gaw shanhte hpe dai Madu hpe kau da shangun nhtawm hkrit hpa yubak lam de lam woi shadam kau wu ai.

2 HKAWHKAM 17:22

Dai Madu gaw shi a shangun ma myihtoi ni yawng a n-gup hte tsun sai hte maren shi a myi man kaw nna Israela amyu masha ni hpe gawt shapraw kau dat ai shani du hkra,

2 HKAWHKAM 17:23

Israela masha ni gaw Yeroboam a hpang hkan nna, shi shut kau nu ai yubak yawng hta matut nna hkan galaw nga ma ai. Dai rai nna Israela amyu masha ni Asuri mung de bawng rim mat wa ai hkrum nna dai ni du hkra nga nga ma ai.

2 HKAWHKAM 21:16

Manashe gaw mara n kap ai amyu masha law law hte hpe sat kau wu ai majaw Yerusalem nmaw lam hkan sai hka lwi nga ai. Yuda amyu masha ni hpe hpara sumla nawku ai lai de woi sa wa nna dai Madu hpe shut kau na lam shanhte hpe jat nna shi woi galaw nga ai.

2 HKAWHKAM 23:15

Yoshia gaw Israela amyu masha ni hpe yubak lam de woi sa wa ai Nebat a kasha Hkawhkam Yeroboam gaw Behtela shara e galaw da ai nawku shara hpe mung run hpya kau wu ai; shi gaw tawn hkungri ni hpe gang daw kau nna de a nlung ni hpe ayun ayaw di agrawp kau let ga nhpu tai mat hkra mani kau wu ai. Ashera a sumla hpe mung nat kau wu ai.