2 HKAWHKAM 3:2 - Jinghpaw Common Language Bible 2009

² Shi gaw dai Madu hpe shut hpyit kau wu ti mung, shi kawa hte kanu ngu na Yezebela zawn n kaja nga ai n rai. Bala hpe nawku na matu shi kawa galaw tawn da sai gawkngu sumla hpe shi gang kadawng kau wu ai.

Jinghpaw Hanson Version Bible

² Shi gaw Yehowa man e n hkru ai amu galaw timung, kanu yan kawa zawn n rai: shi a kawa sharawt da ai Bala shadaw hpe shi htawm kau wu ai.

2 HKAWHKAM 3:2 ပူးပေါင်းရင်းမြစ်များ

1 HKAWHKAM 16:19

Dai lam gaw dai Madu hpe ninghkap ai yubak mara ni a majaw rai nga ai. Shi a shawng na Yeroboam zawn Israela hpe yubak lam de woi shadam kau ai shi a yubak mara ni hte dai Madu hpe myit n pyaw shangun ai majaw mung byin wa nga sai.

1 HKAWHKAM 21:20

Ahab gaw Elia hpe mu jang shi hpe, “Nye a gumlau hpyen wa e, nang ngai hpe hkan dep nang nga n ni?,” ngu nna tsun wu ai. Elia gaw, “Rai sa, ngai dep nang nga nngai; nang gaw dai Madu a man e n kaja ai amu hpe nang hkum nan myit jung ai hte htum hkra galaw kau nit dai.

1 HKAWHKAM 21:25

(Shi a madu jan Yezebela hkan shadut ai amu mahkra hpe galaw ai Ahab zawn dai Madu a man e n kaja ai amu hpe shi hkum nan myit jung ai hte htum hkra galaw kau lu ai wa kadai mung nga nga ai n rai.

2 HKAWHKAM 10:18

Yehu gaw Samari masha ni hpe shaga jahpawng tawn nhtawm, “Hkawhkam Ahab gaw Bala karai hpe loi mi sha daw jau wu ti mung, ngai mahtang chyawm gaw grai wa daw jau na we ai.

2 HKAWHKAM 21:20

Shi gaw shi a kawa Manashe zawn dai Madu hpe shut hpyit kau nna,

2 HKAWHKAM 21:6

Shi gaw shi a kasha hpe wan nat hkungga jaw jau nna shaba wawt ai hte mandan lakle amu galaw nhtawm gumhpan hpan ai ni hte nat num ni hpe ga san san let bawng yu nga ai. Shi gaw dai Madu hpe shut hpyit mara kaba galaw nna masin pawt shangun nga ai.

2 HKAWHKAM 9:22

Yoram gaw, “Nang gaw ngwi pyaw sim sa ai hte du sa wa nga n ni?,” ngu nna hkap san wu ai. Yehu gaw, “Na nnu Yezebela galaw hpang dat ai hpyi lamum shung sha ai hte hpara sumla nawku ai lai ni yawng nde wa anhte kaw naw nga nga ai rai yang, ngwi pyaw sim sa lam kaning rai lu la mai na rai nga a ta?,” ngu nna htan wu ai.

2 HKAWHKAM 9:34

hkawhkam htingnu kata de shang nna lu lu sha sha rai nga wu ai. Dai hpang shi gaw, “Ndai dagam dala hkrum ai numsha hpe sa hta lup kau masu; hpa mi rai tim, shi gaw hkawhkam shayi sha rai nga ai,” ngu nna tsun wu ai.

PRU MAT 23:24

Shanhte a hpara sumla ni hpe dingnyawm gum dagup lu na ndai n rai; dai ni hpe nawku lu na n rai; shanhte a makam masham hte seng ai htung lai len ni hta hkan sa galaw lu na ndai n rai. Shanhte a hpara sumla ni hpe jahten sharun kau nna, shanhte a chyoi pra ai nlung shadaw ni hpe agrawp shadaw kau lu na myit dai.

1 SAMUELA 15:19

Dai re ai mi, nang shi a ga hpa majaw n madat kau n ni? Hpa majaw lanep arai ni hpe rim magawn wa nna dai Madu n sharawng awng ai amu hpe galaw kau wu ni?,” ngu nna htan wu ai.