2 HKAWHKAM 2:4 - Jinghpaw Common Language Bible 2009

⁴ Elia gaw Elisha hpe, “Ya ndai yang e nga nga u; Yerihko mare de sa wa na matu dai Madu ngai hpe hkang dat wu ai,” ngu nna tsun wu ai. Rai ti mung Elisha gaw, “Ahkrung nga ai dai Madu hte nang hpe ngai dagam nngai hte maren, ngai nang hpe n kau da na nngai,” ngu nna htan wu ai. Shing rai shan lahkawng gaw Yerihko mare de sa mat wa ma ai.

Jinghpaw Hanson Version Bible

⁴ Bai Elia gaw, “Elisha e, nang e naw hkring nga u; Yehowa ngai hpe Yerihko de shangun dat ai,” ngu wu ai. Elisha gaw, “Yehowa hkrung nga nna, na asak mung hkrung nga ai hte maren, ngai nang hte n hka na nngai,” ngu nna htan wu yang, shan lahkawng ran Yerihko mare de du ma ai.

2 HKAWHKAM 2:4 ပူးပေါင်းရင်းမြစ်များ

1 HKAWHKAM 16:34

Shi hkaw dung ai laman hta Behtela mare na Hiela gaw Yerihko mare hpe bai de da nga wu ai. Dai Madu gaw Nun a kasha Yawshu hpe tau tsun da nu ai hte maren, Yerihko mare npawt nhpang hpe jahkrat da yang, shi a kasha alat Abiram si mat nga ai, mare chyinghka ni hpe galaw da yang, kasha hpungdim Seguba si mat nga ai.

2 HKAWHKAM 2:2

hkrun lam e hkawm nga yang, Elia gaw Elisha hpe, “Ya nang e naw hkring nga u; dai Madu ngai hpe Behtela mare de sa wa na matu hkang da nga sai,” ngu nna tsun wu ai. Rai ti mung Elisha mahtang, “Ngai nang hpe n kau da na nngai gaw ahkrung nga ai dai Madu hta ngai sadi dung nga nngai hte maren, nang hpe dagam nngai,” ngu nna htan wu ai. Dai rai nna shan lahkawng Behtela mare de matut sa mat wa ma ai.

2 HKAWHKAM 4:30

Dai numsha gaw Elisha hpe, “Ngai nang hte n hka na nngai gaw ahkrung nga ai dai Madu hta mung, nang hta mung nye a sadi dung ai lam hpe ngai dagam we ai!,” ngu nna tsun wu ai. Shan lahkawng mung hpang kaw nna hkan nang ma ai.

LUKA 19:1

Yesu gaw Yerihko mare de shang nna ga lai sa wa nga ai.

KASA 11:23

Shi sa du ai shaloi dai masha ni hpe Karai Kasang gara hku chyeju jaw nga ai lam mu lu yang shi kabu gara nga ai hte dai Madu hta myit masin mahkra hte lashum lanoi kam sham nna sadi dung nga na matu nlang hte hpe shadum shahprang mu ai.

KASA 2:42

Shanhte gaw Kasa ni a sharin shaga ai lam, rau kanawn mazum hpawng de ai lam, Madu a Shana Shat sha ai lam hte akyu hpyi ai lam hta htep lahti hkan nga ma ai.

YAWSHU 6:1

Israela masha ni n shang lu hkra nga, Yerihko mare chyinghka ni la da nna makawp maga let sin nga ma ai. Kadai mung mare de pru pru shang shang n nga nga ma ai.

YAWSHU 6:26

Dai aten hta sadi jaw ai dagam ga Yawshu tsun shapraw dat wu ai: “Yerihko mare hpe bai gaw gap na matu shakut ai wa kadai mung dai Madu a man e dagam dala hkrum nga u ga. Npawt nhpang gaw ai wa kadai mung shi a shadang sha alat mat mat na ra ai; Mare chyinghka gaw ai wa kadai mung shi a kasha hpungdim mat mat na ra ai.”

RUHTA 1:16

Rai ti mung, Ruhta gaw, “Nang hte hka na, ngai hpe hkum shadut et! Nang hte rau tut tut hkawm sa lu n ga. Nang du ai shara shagu hkan ngai du nang na nngai; nang nga ai shara shagu hkan, ngai mung hkan nga na nngai. Na a amyu gaw nye a amyu, na a Karai Kasang gaw nye a Karai Kasang rai nga na ra ai.

1 SAMUELA 1:26

Hana gaw shi hpe, “Madu e, ngai hpe mara hkum shagun e, nang ngai hpe dum ai n rai ni? Dai Madu hpe akyu hpyi na ngu, ndai yang e ngai tsap nga yang, nang mu ai numsha rai nga nngai.